කැනඩාවේ මූලස්ථානය පිහිටා ඇති එම්.ටී.එෆ්.ඊ.එස්.එල්. ගෲප් (MTFE SL Group) නමැති ආයතනය රුපියල් කෝටි 100 කට අධික මුදලක් නීති විරෝධී අයුරින් මහජන තැන්පතු ලෙස එක්රැස් කර තිබෙන බව අපරාධ පරීක්ෂණ දෙපාර්තමේන්තුව අධිකරණයට ඊයේ (21) දැනුම් දුන්නේය.
මෙම ආයතනය ශ්‍රී ලංකා මහ බැංකුවේ ලියාපදිංචි වී නොමැති ආයතනයක් බව දන්වා සිටි අපරාධ පරීක්ෂණ දෙපාර්තමේන්තුවේ නිලධාරින් අදාළ ආයතනය මෙරට විශාල පිරිසකගේ රුපියල් කෝටි ගණනින් මුදල් එක්රැස්කර තිබෙන බව මෙතෙක් කරන ලද විමර්ශනවලදී අනාවරණ වූයේ යැයි ද දන්වා සිටියේය.
මෙම ආයතනය 2022 වසරේදී සමාගම් මැදුරේ ලියාපදිංචි කර තිබුණ නමුත් එහිදී ද සිය සමාගම කරන කටයුතු නිවැරදි ආකාරයෙන් දක්වා නොමැති බවද අපරාධ පරීක්ෂණ දෙපාර්තමේන්තුවේ සැරයන් (23072) විජිත රාජපක්ෂ අධිකරණයට දන්වා සිටියේය.
පිරමීඩ ආකාරයේ සැකකටයුතු මුදල් ගනුදෙනු කරන ලදැයි චෝදනා එල්ල වී ඇති අදාළ ආයතනයේ ප්‍රධානීන් 05 දෙනකුගේ විදෙස් ගමන් තහනම් කිරීමටද කොළඹ ප්‍රධාන මහෙස්ත්‍රාත් ප්‍රසන්න අල්විස් ඉකුත් දා නියෝග කළේ ය.
එලෙස විදෙස් ගමන් තහනමකට ලක්ව සිටින අදාළ ආයතනයේ අධ්‍යක්ෂවරයකු ලෙස කටයුතු කරන හෝමාගම, පනාගොඩ, හයිලෙවල් පාර, අංක 521/බී ලිපිනයේ පදිංචි ආර්. ඩී. ඩී. තුෂාර ජයවංශ විසින් කොළඹ ප්‍රධාන මහෙස්ත්‍රාත් අධිකරණයට අපේක්ෂිත ඇප අයැදුම්පතක්ද ඉදිරිපත් කර තිබිණි.
නීති විරෝධී මුදල් ගනුදෙනු සිදු කිරීම සම්බන්ධයෙන් විමර්ශනයක් පවත්වන හෙයින් අදාළ ඉල්ලුම්කරුට අපේක්ෂිත ඇප දුනහොත් අපරාධ පරීක්ෂණ දෙපාර්තමේන්තුවේ විමර්ශන කටයුතුවලට බාධා ඇති විය හැකි බව පෙන්වා දුන් ප්‍රධාන මහෙස්ත්‍රාත්වරයා අදාළ අපේක්ෂිත ඇප අයැදුම්පත ප්‍රතික්ෂේප කළේ ය.
2025 උසස් පෙළ විභාගයේ කාලසටහන විභාග දෙපාර්තමේන්තුව විසින් නිකුත් කර තිබේ. ඒ අනුව මෙවර විභාගය…
පූජ්‍ය අතුරලියේ රතන හිමියන්ට සහ ජාතික ලොතරැයි මණ්ඩලයේ හිටපු විධායක අධ්‍යක්ෂ තුසිත හල්ලොලුව යන අයට…
අල්ලස් කොමිසම විසින් සිදුකරනු ලබන විමර්ශනයකට අදාළව තමන්ව අත්අඩංගුවට ගැනීම සඳහා නිකුත් කර ඇති වරෙන්තුව…
කඩුවෙල, කොරතොට, තුන්අදහේන ප්‍රදේශයේ මාර්ගයක බෑගයක් තුළ දමා තිබිය දී සොයාගත් ගිනිඅවි ව්‍යාජ බව පොලීසිය…
බදුල්ල, කයිලගොඩ වැඩිහිටි නිවාසයට යාබද කුඹුරේ තිබී අබිරහස් ලෙස මියගිය පුද්ගලයෙකුගේ නිරුවත් මළ සිරුරක් අද…
හිටපු රාජ්‍ය අමාත්‍ය ප්‍රසන්න රණවීර ලබන 25 වෙනිදා දක්වා යළි රක්ෂිත බන්ධනාගාර ගත කර ඇති…