අසල්වැසි ඉන්දියාවේ චන්ද්‍රයාන් – 3 (Chandrayaan-3) මෙහෙයුම යටතේ ”වික්‍රම්” නම් රොබෝ ගවේෂණ යානය අද චන්ද්‍රයාගේ දක්ෂිණ ධ්‍රැවයේ තෝරා ගත් ස්ථානයකට පතිත කිරීමට නියමිත බවයි විදෙස් මාධ්‍ය වාර්තා සඳහන් කරන්නේ.
ඒ අනුව අද (23) ඉන්දියාවේ වේලාවෙන් සවස 6.04 ට මෙම ඓතිහාසික චන්ද්‍ර දක්ෂිණ ධ්‍රැව ගොඩබෑම සිදුවනු ඇති.
ඉන්දීය අභ්‍යවකාශ පර්යේෂණ ආයතනයේ (Indian Space Research Organization – ISRO) ප්‍රධානී එස්. සෝමනාත් සඳහන් කරන්නේ යානය කිසිදු ගැටලුවකින් තොරව සඳට ගොඩබෑමට සියලු කටයුතු සූදානම් බවයි.
ඒ අනුව ISROහි විද්වතුන් පැහැදිලි කරන්නේ මේ වනවිට සඳුගේ කක්ෂයේ ඇති යානය, සඳට ගොඩබැසීම ආරම්භ කර පහළට යෑමට මිනිත්තු 20 ක් පමණ ගත වනු ඇති බවයි.
ගෙවුණු දිනවල වික්‍රම්, සඳ මතුපිට ඡායාරූප සහ සජීවී වීඩියෝ දසුන් පෘථිවියට ලැබෙන්නට සලස්වා තිබුණා. යානය ගොඩබෑමට සුදුසු තැනක් විද්‍යාඥයන් තෝරා ගත්තේ එම ඡායාරූප සහ වීඩියෝ දසුන්වලට අනුව වන බවයි සඳහන්.
විදෙස් මාධ්‍ය සඳහන් කරන්නේ චන්ද්‍රයාන්-3 සාර්ථක වුවහොත් සඳෙහි එතරම් ගවේෂණය නොකළ දක්ෂිණ ධ්‍රැවය ආසන්නයට යානයක් ගොඩබස්වන පළමු රට ඉන්දියාව වනු ඇති බවයි.
ඒ අනුව එය සඳ මත මෘදු ගොඩබෑමක් සාක්ෂාත් කර ගත් සිව්වන රට ද වනු ඇති. මීට පෙර එක්සත් ජනපදය, පැරණි සෝවියට් සංගමය සහ චීනය සමකයට ආසන්නව ගොඩ බැස තිබෙනවා. ඉන්දියාවේ මෙම උත්සාහය, රුසියාවේ ලූනා-25 යානය එම කලාපයම ස්පර්ශ කිරීමට උත්සාහ කිරීමේදී කඩා වැටී දින කිහිපයකට පසුව වීම ද විශේෂයි.
2019 දී චන්ද්‍රයාන්-2 මෙහෙයුම දක්ෂිණ ධ්‍රැවයට ගොඩබැස්සවීමට ඉන්දියාව පෙර ගත් උත්සාහය අසාර්ථක වූයේ එය චන්ද්‍ර පෘෂ්ඨයට කඩා වැටීම හේතුවෙන්. එබැවින් සියලු දෙනාගේ අවධානය මේ වන විට චන්ද්‍රයාන්-3 වෙත යොමුව තිබෙනවා.
‘චන්ද්‍රයාන් 3’ රොබෝ යානය, පෘථිවියෙන් පිටත්ව සඳ බලා ගියේ පසුගිය ජූලි 14 වැනිදායි.
ඒ අනුව චන්ද්‍රයාන් – 3 පෘථිවි කක්ෂයට රැගෙන ගියේ ඉන්දීය අභ්‍යවකාශ පර්යේෂණ ආයතනයේ Geosynchronous Satellite Launch Vehicle (GSLV) Mark-III රොකට්ටුවයි.
සඳ වෙත එහි ගමන ඉන්දියාව තුළ මහත් උද්යෝගයක් ඇති කර ඇති අතර, මෙහෙයුමේ සාර්ථකත්වය සඳහා රට පුරා සුබ බලාපොරොත්තු ප්‍රාර්ථනා රැසක් දැකිය හැකි බවයි විදෙස් මාධ්‍ය සඳහන් කරන්නේ.
ඒ අනුව ගොඩබෑමේ සජීවී විකාශනයක් සඳහා ISRO සැලසුම් සකස් කර ඇති අතර, පාසල් සිසුන් ඇතුළු මිලියන සංඛ්‍යාත ජනතාවක් ඊට එක්වනු ඇතැයි අපේක්ෂා කෙරේ.
සජීවී විකාශය අද සවස 5.20 ට ආරම්භ වීමට නියමිතයි.
සීදූව, රාජපක්ෂපුර ප්‍රදේශයේ වෙඩි තැබීමක් වාර්තා වේ. එම වෙඩි තැබීමෙන් පුද්ගලයෙකු තුවාල ලබා රෝහල් ගත…
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…