ගෝඨාභය එලවපු ප්ලෑන් එක බැසිල්ගේලූ !

හිටපු ජනාධිපති ගෝඨාභය රාජපක්ෂ මහතා ජනාධිපති ධුරයෙන් ඉවත් කරවීම සඳහා ‘ගෝඨා ගෝ හෝම්’ අරගලය ආරම්භ කරන ලද්දේ රාජපක්ෂ පවුල තුළින් ම බව ජාතික සංවිධාන එකමුතුවේ ලේකම් වෛද්‍ය වසන්ත බණ්ඩාර මහතා සඳහන් කරනවා.

යූ ටියුබ් නාලිකාවක සම්මුඛ සාකච්ඡාවකට එක් වෙමින් ඔහු සඳහන් කළේ, එම කටයුත්ත සඳහා හිටපු ජනාධිපති ගෝඨාභය රාජපක්ෂ මහතාගේ වැඩිමහළු සහෝදරයෙකු වන හිටපු මුදල් අමාත්‍ය බැසිල් රාජපක්ෂ මහතා තීරණාත්මක කාර්යභාරයක් ඉටු කරන ලද බවයි.

ශ්‍රී ලංකාව තුළ මතුවන මීළඟ අරගලය පන්ති සටනක් ලෙස ආහාර අර්බුදය සමග ඇතිවන බව පවසන ඔහු වැඩිදුරටත් සඳහන් කරන්නේ, දරුවන්ට ආහාර ලබා දීමට නොහැකි තත්ත්වයට පීඩාවට පත්වුණු මිනිසුන් එම අරගලය සඳහා එක්වනු ඇති බව‍යි.

තව ද පාර්ලිමේන්තුවේ පක්ෂ විපක්ෂ සියළු දෙනා ම අමෙරිකානු තානාපතිවරියගේ බසට යටත් වී කටයුතු කරන බවත්, හිටපු හමුදාපති සරත් ෆොන්සේකා මහතා ද මේ පිටුපස සිටින බවත් ඔහුට යුද අපරාධ චෝදනා නැත්තේ ඔහු ඇමරිකානු රූකඩයක් නිසා බවත් ඔහු එහි දී අනාවරණය කළා.