එංගලන්ත කාන්තා කණ්ඩායම සමග පැවැති දෙවැනි පන්දුවාර 20යි 20 ක්‍රිකට් තරගයෙන් කඩුලු 8 ක විශිෂ්ඨ ජයක් වාර්තා කරමින් දෙරට අතර පැවැත්වෙන තරග 3කින් යුත් 20යි 20 තරගාවලිය තරග 1-1 ක් ලෙස සම තත්ත්වයට රැගෙන ඒමට සංචාරක ශ්‍රී ලංකා කාන්තා කණ්ඩායම අද (2) සමත් වුණා.
මෙය ශ්‍රී ලංකා කාන්තා කණ්ඩායම විසින් එංගලන්තයට එරෙහිව වාර්තා කළ පළමු T20 තරග ජය වීම විශේෂත්වයක්.
Chelmsford හි පැවැති තරගයේ කාසියේ වාසිය දිනූ ශ්‍රී ලංකාවේ ආරාධනයෙන් පළමුව පන්දුවට පහරදුන් එංගලන්තයට පන්දුවාර 18 ක් අවසානයේ සියලු දෙනා දැවී ලබා ගත හැකි වූයේ ලකුණු 104 ක් පමණයි.
පිළිතුරු ඉනිම ක්‍රීඩා කළ ශ්‍රී ලංකා කණ්ඩායම පන්දුවාර 13.2 ක් අවසානයේ කඩුලු 2 ක් දැවී ජයග්‍රාහී ඉලක්කය පසු කළා.
නායිකා චමරි අතපත්තු පන්දු 31 කින් ලකුණු 55 ක් රැස් කරමින් ශ්‍රී ලංකාවට ඉතිහාසගත ජයක් වෙනුවෙන් මාවත විවර කර දුන්නා.
හර්ෂිතා සමරවික්‍රම නොදැවී ලකුණු 30 ක් ද, විශ්මි ගුණරත්න නොදැවී ලකුණු 18 ක් ද ලබා ගත්තා.
පළමුව පන්දුවට පහරදුන් එංගලන්ත ඉනිමේ වැඩිම ලකුණුලාභිනිය වූ චාර්ලි ඩින් ලකුණු 34 ක් රැස් කළා.
පන්දු යැවීමේ දී උදේශිකා ප්‍රබෝදනී, ඉනෝෂි ප්‍රියදර්ශනී, ඉනෝකා රණවීර හා කවීෂා දිල්හාරි කඩුලු 2 බැගින් බිද හෙලුවා. චමරි අතපත්තු සහ ඉනෝකා රණවීර එක් කඩුල්ල බැගින් බිඳ හෙලුවා.
තරඟයේ දක්ෂතම ක්‍රීඩිකාව බවට පත්වුයේ පිත්තෙන් සහ පන්දුවෙන් දස්කම් දැක්වූ ශ්‍රී ලංකා කණ්ඩායම් නායිකා චමරි අතපත්තු
මෙවර IPL ශූරයන් ලෙස කිරුළ පැළඳි රෝයල් චැලෙන්ජර්ස් බැංගලෝරු කණ්ඩායමේ ජය සැමරුම සඳහා බැංගලෝරුහිදී අද…
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය හේතුවෙන් සියදිවි හානිකර ගැනීමට උත්සහ දැරීමේ සිද්ධිය සම්බන්ධයෙන්…
මෙම වසරේ පළමු කාර්තුව තුළ දී ඩොලර් මිලියන 650ක සෘජු විදේශ ආයෝජන ප්‍රමාණයක් ශ්‍රී ලංකාවට…
කාර්යාල පරිශ්‍ර තුළ මුඛ ආවරණ පැළඳීමේ අවශ්‍යතාවයක් නොමැති බව සෞඛ්‍ය හා ජනමාධ්‍ය අමාත්‍යංශයේ ලේකම් විශේෂඥ…
අඛණ්ඩව දෙවන දිනයටත් කොළඹ කොටස් වෙළෙඳපොළ සියලු කොටස් මිල දර්ශකය, අද (04) ඉතිහාසයේ ඉහළම අගය…
පාරිභෝගික කටයුතු පිළිබද අධිකාරිය විසින් ඉකුත් අප්‍රේල් මාසයේ සිදුකළ විමර්ශනයකදී නීතියේ රැහැනට හසුකරගත් ව්‍යාජ ලෙස…