උණගැනි ප්‍රතිකාර සඳහා යාපනය ශීක්ෂණ රෝහලට ඇතුළත් කළ අට හැවිරිදි දැරියකගේ අතක් ශල්‍ය කර්මයක් මගින් යාපනය ශීක්ෂණ රෝහලේ වෛද්‍යවරුන් විසින් අද (4) කපා ඉවත් කොට තිබේ.
මෙම දැරියට දින හතරක පමණ කාලයක් උණ රෝගය තිබී ඇති අතර පෞද්ගලික වෛද්‍යවරයෙකුගෙන් රෝගයට ප්‍රතිකාර ලබා ගත් නමුත් සුව නොවීම නිසා යාපනය ශීක්ෂණ රෝහලට රාත්‍රියේදී රැගෙන විත් තිබේ.
දැරිය රෝහලට ඇතුළත් කර ගැනීමෙන් පසුව වාට්ටුව බාර හෙදිය දැරියගේ අතට කැනීයුලාවක් සවිකිරීමෙන් පසුව ක්‍රමයෙන් ඇගේ අත අකර්මන්‍ය වන්නට පටන් ගෙන තිබේ.
වහාම මේ පිළිබදව වෛද්‍යවරුන්ට තොරතුරු දැනුම් දීමෙන් පසුව දැරියගේ ජීවිතය බේරා ගැනීමට නම් වහාම ඇගේ අත ඉවත් කළ යුතු බවට විශේෂඥ වෛද්‍යවරු තීරණය කොට ඇත.
ඒ අනුව දැරියව ශල්‍යාගාරයට රැගෙන ගොස් අත ඉවත් කොට දැරියගේ ජීවිතය බේරා ගෙන තිබේ.
උණ රෝගයට ප්‍රතිකාර ලබා ගැනීමට ගොස් මෙසේ අතක් අහිමි වී ඇත්තේ යාපනයේ මල්ලාකම් ප්‍රදේශයේ පදිංචි යාපනය හින්දු විද්‍යාලයේ තුන් වන වසරේ ඉගෙණුම ලබන අට හැවිරිදි පාසල් ශිෂ්‍යවකගේය.
මේ සම්බන්ධයෙන් අදහස් දක්වමින් උතුරු පළාත් සෞඛ්‍ය සේවා අධ්‍යක්ෂ පී. සත්‍යමූර්ති වෛද්‍යවරයා ප්‍රකාශ කලේ යාපනය ශීක්ෂණ රෝහලේ එවැනි සිද්ධියක් සිදු වී ඇති බවයි.
කැනියුලාවේ යම් දෝෂයක් නිසා මේ තත්ත්වය උද්ගත වූයේද එසේත් නොමැති නම් වෙනත් හේතුවක් ඊට බලපෑවේ ද යන්න පිළිබදව සොයා බැලීම පිණිස වෛද්‍යවරු දෙදෙනෙකුගෙන් යුත් කමිටුවක් පත් කොට ඇති බවත් එම කමිටු වාර්තාව ලද වහාම සිද්ධිය සම්බන්ධයෙන් ස්ථිර නිගමනයකට පැමිණිය හැකි බවත් උතුරු පළාත් සෞඛ්‍ය සේවා අධ්‍යක්ෂවරයා කියා සිටියේය.
අල්ලස් කොමිසම මගින් අත්අඩංගුවට ගෙන රක්ෂිත බන්ධනාගාරගත කර සිටි හිටපු අමාත්‍ය ශෂීන්ද්‍ර රාජපක්ෂ තවදුරටත් ලබන…
පෑලියගොඩ, ඥානරතන මාවත ප්‍රදේශයේ දී අද (19) උදෑසන නාඳුනන පුද්ගලයින් දෙදෙනෙකු විසින් වෙඩිතැබීමක් සිදුකර ඇති…
ජාතික ලොතරැයි මණ්ඩලයේ හිටපු විධායක අධ්‍යක්ෂ තුසිත හල්ලොලුව අත්අඩංගුවට ගෙන තිබේ. අධිකරණය මඟහරිමින් සිටි ඔහු…
2025 උසස් පෙළ විභාගයේ කාලසටහන විභාග දෙපාර්තමේන්තුව විසින් නිකුත් කර තිබේ. ඒ අනුව මෙවර විභාගය…
පූජ්‍ය අතුරලියේ රතන හිමියන්ට සහ ජාතික ලොතරැයි මණ්ඩලයේ හිටපු විධායක අධ්‍යක්ෂ තුසිත හල්ලොලුව යන අයට…
අල්ලස් කොමිසම විසින් සිදුකරනු ලබන විමර්ශනයකට අදාළව තමන්ව අත්අඩංගුවට ගැනීම සඳහා නිකුත් කර ඇති වරෙන්තුව…