දුම්රිය රියදුරන් විසින් ආරම්භ කර ඇති දුම්රිය වර්ජනය හේතුවෙන් සෙනග පිරුණු දුම්රියක වහලය මතින් ගමන් කිරීමට සිදුවූ තරුණයෙකු අද (12) මියයාමේ සිද්ධිය සම්බන්ධයෙන් ශ්‍රී ලංකා ප්‍රවාහන අමාත්‍ය බන්දුල ගුණවර්ධන සහ ජ්‍යෙෂ්ඨ දුම්රිය නිලධාරීන් ශෝකය ප්‍රකාශ කළේය.
අනතුරට ලක්ව මිය ගොස් ඇත්තේ මොරටුව විශ්වවිද්‍යාලයේ ඉංජිනේරු සිසුවෙකි.
ඔහු ගම්පහ මොරගොඩ පදිංචි ඩබ්ලිව්.ඩබ්ලිව්.අයි.ඩී. පෙරේරා ලෙස හඳුනාගෙන ඇත.
කොළඹදී පැවැත්වෙන සතිපතා කැබිනට් මාධ්‍ය හමුව ආරම්භ කිරීමට පෙර කැබිනට් ප්‍රකාශක බන්දුල ගුණවර්ධන සහ දුම්රිය ජ්‍යෙෂ්ඨ නිලධාරීහු එම මරණය සම්බන්ධව සිය ශෝකය පළ කළහ.
අද පැවති කැබිනට් තීරණ දැනුම්දීමේ මාධ්‍ය හමුවට එක්වෙමින් අමාත්‍යවරයා කියා සිටියේ වර්ජනයේ නිරත දුම්රිය සේවකයින් 84 දෙනෙකු මෙම තරුණයාගේ අකල් මරණය සම්බන්ධයෙන් වගකීම භාරගත යුතු බවයි.
මහනුවර සිට කොළඹ බලා ධාවනය වූ උදෑසන දුම්රියේ වහලය මතින් ගමන් ගත් මෙම සරසවි සිසුවා අද පෙරවරුවේ හොරපේ දුම්රිය ස්ථානයේ ඉහළ පදික මාරුවේ වැදීමෙන් මියගොස් ඇතැයි වාර්තා වේ.
ශ්‍රී ලංකා ලොකොමෝටිව් ඔපරේටින් ඉංජිනියර් සංගමය විසින් දියත් කරන ලද වැඩවර්ජනයක් හේතුවෙන් අවම වශයෙන් දුම්රිය ගමන්වාර 20ක් පමණ අවලංගු කිරීම නිසා ධාවනය වන දුම්රියවල මගී තදබදය වැඩි වී තිබිණි.
සිංහල දෙමළ අලුත් අවුරුදු චාරිත්‍රවලට අනුව හිසතෙල් ගෑමේ චාරිත්‍රය අද (16) දිනයට යෙදී තිබේ. ඒ…
ජනප්‍රිය පොප් ගායිකා කේටි පෙරී ඇතුලු කාන්තාවන් හය දෙනෙකු අභ්‍යාවකාශයේ සිදු කළ ඓතිහාසික සංචාරය නිම…
පළාත් පාලන මැතිවරණයට භාරදුන් නාමයෝජනා ප්‍රතික්ෂේප වීමට එරෙහිව නඩු පැවරූ අපේක්ෂකයන්ට නඩු වාර්තාවල පිටපත් දිස්ත්‍රික්…
ඇල්පිටිය පොලිස් වසමේ ඇල්පිටිය අම්බලන්ගොඩ මාර්ගයේ කුරුඳුගහ හැතැප්ම හන්දියේ අද (15) අලුයම සිදුවූ රිය අනතුරකින්…
රැඳවුම් නියෝග මත අපරාධ පරීක්ෂණ දෙපාර්තමේන්තුව භාරයේ සිටින සිවනේශතුරෙයි චන්ද්‍රකාන්තන් හෙවත් පිල්ලෙයාන් සමග සාකච්ඡා කිරීමට…
අමෙරිකාවේ සැන් ඩියාගෝ කලාපයට රික්ටර් මාපකයේ ඒකක 5.2ක ප්‍රබලත්වයෙන් යුතු භූකම්පනයක් බලපා තිබෙනවා. අමෙරිකානු බලධාරීන්…