මුලතිව් කොක්කුතුඩුවායී සමූහ මිනී වළෙන් කොටි සාමාජිකයෙකුගේ හා තවත් කොටි සාමාජිකාවන් හතර දෙනෙකුගේ ඇට සැකිළි 14 දා හමු වී තිබේ. ඒ අනුව මේ වන විට එම සමුහ මිනී වළෙන් හමු වූ සමස්ත ඇට සැකිළි ගණන 14 ක් දක්වා ඉහල ගොස් තිබේ.
ඒවා අයත් වන්නේ එක් කොටි සාමාජිකයෙකුට හා කොටි සාමාජිකාවන් 13 දෙනෙකුට බව මූලික මතුපිට පරීක්ෂණවලදී තහවුරු කරගෙන තිබේ.
කැණීම් කටයුතු සිදු කෙරෙන ස්ථානයට දෙමළ ජාතික සන්ධානයේ මන්ත්‍රීවරු හා ඉලංකෙයි තමිල් අරුසු කච්චි පක්ෂයේ නායක මාවෙයි සේනාධිරාජා හිටපු මන්ත්‍රීවරයා ඇතුලු පිරිසක් පැමිණි අතර ඔවුන් මාධ්‍යයට කියා සිටියේ මේ සම්බන්ධයෙන් ජාත්‍යන්තර මට්ටමේ පරීක්ෂණයක් ඉල්ලා ඇති බවයි.
එමෙන්ම කොකුතුඩුවායි සමූහ මිනී වළ සම්බන්ධයෙන් ජිනීවා මානව හිමිකම් මණ්ඩලය දැනුම්වත් කිරීමට කටයුතු සූදානම් කොට ඇති බව ද මාවෙයි සේනාධිරාජා හිටපු මන්ත්‍රීවරයා කියා සිටියේය. එම ඇට සැකිළි සමග තිබී කොටි සාමාජිකයින්ගේ නිල ඇදුම් හා ආයුධ කොටස්ද තවත් උපකරණ කීපයක්ද අලුතින් හමු වී ඇති අතර සාමාන්‍ය ඇදුම් සහිත එකම ඇට සැකිල්ලක් හෝ එවැනි ඇදුමක කොටස් මේ වන තුරු හමු වී නොමැත.
මේ නිසා මේ සමූහ මිනී වළේ වළදමා ඇත්තේ නියත වශයෙන්ම කොටි සාමාජික සාමාජිකාවන්ගේ මළ සිරුරු බව තවදුරටත් තහවුරු වන බව මාධ්‍යයට අදහස් දක්වමින් මුලතිව් අධිකරණයේ නීතිඥ නිරංජන් මහතා පැවසීය.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…