ඕස්ට්‍රේලියාවේ සිඩ්නි නගරයේ තරුණියක සමග ලිංගික කටයුතුවල නිරතවීමේ දී තමා කිසිදු නීති විරෝධී ක්‍රියාවක නිරත නොවු බව ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලක පවසා ඇත.
ඕස්ට්‍රේලියාවේ සිඩ්නි නුවර දිස්ත්‍රික් අධිකරණයක් හමුවේ නඩුව අද විභාගයට ගත් අවස්ථාවේදී ඔහු මේ බව සඳහන් කර ඇතැයි විදෙස් මාධ්‍ය වාර්තා කර තිබේ.
ධනුෂ්ක ගුණතිලකට එරෙහිව පළමුවෙන් චෝදනා 04 ක් ගොණු කර තිබූ නමුත් එයින් 03 ක් මේ වනවිට ඉවත් කරගෙන ඇත.
තරුණියගේ කැමැත්තකින් තොරව ලිංගික කටයුතුවල නිරතවීමේ චෝදනාව පමණක් ඔහුට එරෙහිව තවමත් පවති.
අද අධිකරණයේ දී පැමිණිලිකාර පාර්ශවය වෙනුවෙන් සඳහන් කෙරුණේ සිය සේවාදායිකාවට එක් අවස්ථාවකදී මරණ බිය පවා දැනී ඇති බවයි.
“මට මතකයි ඩැනී මාව හුස්ම හිරකරලා එක අතක් මගේ බෙල්ලට තියලා අනිත් අත ඇඳ උඩ තියාගෙන තත්පර 20-30ක් මාව හුස්ම හිර කළා” යැයි අදාළ කාන්තාව පවසා තිබුණි.
ඇය උසාවියට පැවසුවේ හුස්ම හිරවීම අවම වශයෙන් තුන් වතාවක් සිදු වූ බවත් එක් අවස්ථාවක දී ඔහුගේ දෑත් ඉවත් කිරීමට උත්සාහ කළ බවත්ය. ධනුෂ්ක තමාව හුස්ම හිරකරද්දී සිනා සෙමින් සිටිනු තමා දුටු බව කාන්තාව පවසා ඇතැයි ද විදෙස් මාධ්‍ය වාර්තා කර ඇත.
මේ අතර අද උදෑසන විනිසුරු සාරා හගෙට් ඉදිරියේ අපේක්ෂිත සිව්දින නඩු විභාගයට පෙර ධනුෂ්ක ගුණතිලක, තවත් කාන්තාවක් සමඟ අත්අල්ලාගෙන අධිකරණ සංකීර්ණයට පැමිණ සිටීම ද විශේෂත්වයක් විය. කෙසේ නමුත් ඇය කවුරුන් දැයි මාධ්‍ය මෙතෙක් නිෂ්චිතව වාර්තා කර නොමැත.
මෙම සිදුවීම ධනුෂ්ක ගුණතිලකගේ නඩුවට බලපෑමක් සිදු කරන නිරූපිත පෙලඹවීමක් බවට ද විදෙස් මාධ්‍ය කරුණු වාර්තා කොට තිබුණා.
කොරෝනා වෛරසය ආසාදි වූ ආසාදිත වූ අනුරාධපුර ප්‍රදේශයේ පුද්ගලයෙකු මරණයට පත්ව ඇති බව වාර්තා වේ.…
ඔස්ට්‍රේලියානු ජාතික ව්‍යාපාරිකයකු වන බ්‍රයන් ෂැඩික් නමැත්තාට අයත් රුපියල් මිලියන 20ක මෙරට සමාගම් කොටස් සම්බන්ධයෙන්…
2020 වසරේ පැවති ශ්‍රී ලංකා ප්‍රිමියර් ලීග් ක්‍රිකට් තරගාවලියේදී මුදලට තරග පාවාදීම සඳහා ක්‍රීඩකයෙකුට යෝජනා…
අනුරාධපුර ශික්ෂණ රෝහලේ වෛද්‍යවරියගේ සිද්ධියේ සැකකාර හිටපු යුධ හමුදා සෙබළා කළ ඉල්ලීමක් අනුරාධපුර ප්‍රධාන මහේස්ත්‍රාත්…
හිටපු රාජ්‍ය අමාත්‍ය ශෂීන්ද්‍ර රාජපක්ෂ අල්ලස් කොමිසමට පැමිණ ඇති බව වාර්තා වේ. ප්‍රකාශයක් ලබා දීම…
එක්සත් ජනපද ජනාධිපති ඩොනල්ඩ් ට්‍රම්ප් විසින් රටවල් 12ක ජාතිකයින්ට එක්සත් ජනපදයට ඇතුළු වීම තහනම් කර…