මහියංගන රජමහා විහාරයේ වාර්ෂික පෙරහැරට ගෙන්වා තිබූ හීලෑ අලියෙකුට වන අලියෙක් යැයි වැරදි අවබෝධයකින් වනජීවී නිලධාරීන් විසින් රබර් උණ්ඩ වලින් වෙඩි තබා ඇතැයි වනජීවී දෙපාර්තමේන්තුව නිවේදනයක් නිකුත් කරමින් ප්‍රකාශ කරයි.
මෙම වෙඩි පහරින් තුවාල ලබා ඇත්තේ මහරගම සීතා හස්ථියා ය.
පෙරහර බැලීමට එන පිරිස් වන අලි උවදුරින් බේරා ගැනීම සඳහා රාජකාරියේ යොදවා සිටි වනජීවී නිලධාරියෙක් විසින් මෙම අත්වැරදීම සිදු වී තිබෙන බවත් තුවාල ලද හස්ථියාට වනජීවී දෙපාර්තමේන්තුවේ නිලධාරියෙක් යොදවා මූලික ප්‍රතිකාර කළ බවත් එම දෙපාර්තමේන්තුව පවසයි.
සිද්ධිය සම්බන්ධව මහියංගනය පොලිසිය වැඩිදුර පරීක්ෂණයක් අරඹා ඇති බවත් වනජීවී සහ වන සම්පත් අමාත්‍යාංශය විසින් පරීක්ෂණයක් කිරීමට නියමිත බවත් පරීක්ෂණයෙන් පසු ලබා දෙන නිර්දේශ ප්‍රකාරව ඉදිරි පියවර ගැනීමට කටයුතු කරන බවත් වනජීවී අධ්‍යක්ෂ ජනරාල් එම්.ජේ.සී සූරිබණ්ඩාර පවසයි.
මේ අතර, නිවේදනයක් නිකුත් කරමින් පොලිස් මාධ්‍ය ප්‍රකාශකවරයා සඳහන් කරන්නේ වෙඩි තැබු මාපාකඩ වැව වනජීවී ප්‍රාදේශීය කාර්යාලයේ සිවිල් ආරක්ෂක දෙපාර්තමේන්තු නිලධාරියෙකු අත්අඩංගුවට ගෙන තිබෙන බවයි.
පොලිස් මාධ්‍ය ප්‍රකාශකවරයා පැවසුවේ අත්අඩංගුවට ගත් නිලධාරියා මාපාකඩ වැව වනජීවී ප්‍රාදේශීය කාර්යාලයේ සිවිල් ආරක්ෂක දෙපාර්තමේන්තු නිලධාරියෙකු බවයි.
ඔහු වැඩිදුරටත් සඳහන් කළේ මෙම නිලධාරියා මහියංගන මහේස්ත්‍රාත් අධිකරණය වෙත ඉදිරිපත් කිරීමට නියමිත බවයි.
ගල්ගමුව ප්‍රදේශයේ තවත් දළ ඇතෙක් අභිරහස් ලෙස මියගොස් ඇති බව වාර්තා වේ. ඇහැටුවැව මුදියන්නෑගම ගාලයාය…
2022 වසරේ මැයි මස 09 වනදා ගාලුමුවදොර "ගෝඨා ගෝ ගම" අරගලයට පහර දීමේ සිද්ධියේ සැකකරුවකු…
මාසයකට පමණ පෙර මියගොස් ඇති බවට සැක කෙරෙන අලි දෙදෙනෙකුගේ සහ ඇතෙකුගේ මළ සිරුරු දඹුල්ල…
ජනාධිපති අනුර කුමාර දිසානායක විසින් ශ්‍රේෂ්ඨාධිකරණ විනිසුරු ප්‍රීති පද්මන් සූරසේන ශ්‍රී ලංකාවේ ඊළඟ අගවිනිසුරුවරයා ලෙස…
පානදුර පොලිස් වසමේදී පුද්ගලයෙකු වෙඩිතබා ඝාතනය කිරීමට තැත් කිරීමේ සිද්ධියකට පොලීසියට අවශ්‍යව සිටි පුද්ගලයෙකු අද…