පොලිස් රථවාහන අංශයේ නිලධාරියෙකු කොළඹ ටොරින්ටන් චතුරශ්‍රය ආසන්නයේ රාජකාරියේ යෙදෙමින් සිටියදී අනතුරට ලක්ව බරපතළ තුවාල ලබා තිබෙනවා.
අදාළ පොලිස් නිලධාරියා කුරුඳුවත්ත පොලිසියට අනුයුක්තව සේවය කරන වලස්මුල්ල ප්‍රදේශයේ පදිංචිකරුවෙක්.
අනතුර සිදුව ඇත්තේ කොළඹ නෙලුම් පොකුණ රඟහළ දෙසින් නිදහස් චතුරශ්‍රය දෙසට පිවිසීමේදී CCC ක්‍රීඩාංගණය අසළ පිහිටි වටරවුම ආසන්නයේදීය.
පොලිිස් නිලධාරියාගේ ගැටුණු වාහනය පසුව ඒ ආසන්නයේ තිබූ වතුර පොකුණක ගැටී නතරව ඇති බවයි පොලිසිය පැවසුවේ.
මෙම රථය පදවා ඇත්තේ උසස් පොලිස් නිලධාරියෙකුගේ පුත්‍රයෙකු බවයි සඳහන් වන්නේ.
අනතුර සිදුකළ රියදුරා පොලීසිය විසින් අත්අඩංගුවට ගෙන ඇති බවයි වාර්තා වන්නේ.
අනතුර සිදුකළ සුඛෝපභෝගී මෝටර් රථය පදවා ඇත්තේ තොරතුරු තාක්ෂණ ඉංජිනේරුවෙකු ලෙස කටයුතු කරන පුද්ගලයෙකි.
කුරුඳුවත්ත පොලීසිය සඳහන් කළේ එම අනතුරෙන් රථවාහන රාජකාරියේ යෙදී සිටි පොලිස් කොස්තාපල්වරයා බරපතළ තුවාල ලබා ඇති බවය.
මේ අතර මෙම අනතුර සම්බන්ධයෙන් නාරාහේන්පිට පොලීසියේ විශේෂ පොලිස් කණ්ඩායමක් පැමිණ පරීක්ෂණ පවත්වන බවද වාර්තා වෙයි.
ජාත්‍යන්තර පන්දුවාර 20 ශ්‍රේණිගත කිරීම්වල නවතම යාවත්කාලීන කිරීම මේවන විට ICCය විසින් සිදු කර තිබෙනවා.…
පසුගිය වසර 10 සැලකීමේදී මෙරට උපත් අනුපාතය සැලකිය යුතු ආකාරයෙන් පහළ ගොස් ඇති බව, ළමා…
මේ වසරට අදාල විසර්ජන පනත් කෙටුම්පත අග්‍රාමාත්‍ය ආචාර්ය හරිනි අමරසූරිය අද පාර්ලිමේන්තුවට ඉදිරිපත් කරනු ලැබුවා. ඒ…
ශ්‍රී ලංකාවට එරෙහිව ඉදිරියේ දී පැවැත්වීමට නියමිත ටෙස්ට් තරගාවලියට තෝරාගත් ඔස්ට්‍රේලියානු සංචිතය අද (9) ප්‍රකාශයට…
වසර 19කට පෙර කාන්තාවක් සහ ඇයගේ දින 17ක් වයසැති නිවුන් දරුවන් ඝාතනය කිරීමේ ඝාතන නඩුව…
කොළඹ කොටුව සිට බදුල්ල දක්වා ඊයේ (08) දින ධාවනය කළ 1007 මගි ප්‍රවාහන දුම්රියේ ගමන්…