මෙවර ලෝක කුසලාන එක්දින ක්‍රිකට් තරගාවලිය (World Cup 2023) යටතේ ශ්‍රී ලංකා කණ්ඩායම හෙට (7) ක්‍රීඩා කරන පළමු තරගය සදහා ක්‍රීඩා කිරීමේ අවස්ථාව ශ්‍රී ලංකා දග පන්දු යවන ක්‍රීඩක මහීෂ් තීක්ෂණට අහිමි වී තිබෙනවා.
ඒ, ඔහු ආසියානු කුසලාන තරගාවලියේ දී මුහුණ දුන් පාදයක ආබාධයෙන් පසුව තවමත් 100% ක යෝග්‍යතාවයකින් පසු නොවීම හේතුවෙන්.
හෙට තරගය සම්බන්ධයෙන් දැනුවත් කිරීම සදහා අද පැවැති මාධ්‍ය හමුවකදී ශ්‍රී ලංකා කණ්ඩායමේ ප්‍රධාන පුහුණුකරු ක්‍රිස් සිල්වර්වුඩ් මෙම තොරතුරු අනාවරණය කළා.
කෙසේ වෙතත්, බංග්ලාදේශයට එරෙහි පුහුණු තරගයේ දී ආබාධයන්ට ලක් වූ කුසල් පෙරේරා හා නායක දසුන් ශානක හෙට තරගය සදහා ක්‍රීඩා කිරීමට සුදුසු යෝග්‍යතාවයකින් පසුවනවා.
ආබාධ හේතුවෙන් ඔවුන් දෙදෙනාම ඇෆ්ඝනිස්තානය සමග පැවැති පුහුණු තරගය සදහා ද ක්‍රීඩා කළේ නැහැ.
ආබාධය හේතුවෙන් මහීෂ් තීක්ෂණ පසුගිය 26 වැනිදා ශ්‍රී ලංකා සංචිතය සමග ඉන්දියාව බලා පිටත්ව නොගිය අතර, ඔහු පසුගිය 4 වැනිදා දිල්ලි හී දී ශ්‍රී ලංකා සංචිතය සමග එක්ව තිබුණා.
ලෝක කුසලාන තරගාවලිය යටතේ ශ්‍රී ලංකා කණ්ඩායම ක්‍රීඩා කරන පළමු තරගය හෙට දකුණු අප්‍රිකාවට එරෙහිව පැවැත්වීමට නියමිතයි.
එම තරගය පස්වරු දෙකට ආරම්භ වන්නේ දිල්ලි ක්‍රීඩාංගනයේ දී යි.
ජාත්‍යන්තර පන්දුවාර 20 ශ්‍රේණිගත කිරීම්වල නවතම යාවත්කාලීන කිරීම මේවන විට ICCය විසින් සිදු කර තිබෙනවා.…
පසුගිය වසර 10 සැලකීමේදී මෙරට උපත් අනුපාතය සැලකිය යුතු ආකාරයෙන් පහළ ගොස් ඇති බව, ළමා…
මේ වසරට අදාල විසර්ජන පනත් කෙටුම්පත අග්‍රාමාත්‍ය ආචාර්ය හරිනි අමරසූරිය අද පාර්ලිමේන්තුවට ඉදිරිපත් කරනු ලැබුවා. ඒ…
ශ්‍රී ලංකාවට එරෙහිව ඉදිරියේ දී පැවැත්වීමට නියමිත ටෙස්ට් තරගාවලියට තෝරාගත් ඔස්ට්‍රේලියානු සංචිතය අද (9) ප්‍රකාශයට…
වසර 19කට පෙර කාන්තාවක් සහ ඇයගේ දින 17ක් වයසැති නිවුන් දරුවන් ඝාතනය කිරීමේ ඝාතන නඩුව…
කොළඹ කොටුව සිට බදුල්ල දක්වා ඊයේ (08) දින ධාවනය කළ 1007 මගි ප්‍රවාහන දුම්රියේ ගමන්…