සුපිරි බොලිවුඩ් නළු ෂාරුක් ඛාන්ට මරණ තර්ජන !

සුපිරි බොලිවුඩ් නළු ෂාරුක් ඛාන්ට මරණ තර්ජන ඉල්ල වී ඇතැයි ඉන්දීය මාධ්‍ය වාර්තා කරයි.

මේ හේතුවෙන් ඔහුගේ ආරක්ෂාව වැඩිකිරීමට මහරාශ්ට්‍ර ප්‍රාන්ත බලධාරීන් කටයුතු කර ඇති බවටයි, එම වාර්තා වැඩිදුරටත් සඳහන් කළේ.

ඒ අනුව, කමාන්ඩෝ භටයින් 6 දෙනෙකු, පොලිස් නිලධාරීන් 4 දෙනෙකු සහ රථවාහන නිෂ්කාශන රථයක් ඇතුළුව ආරක්ෂකයින් 11 දෙනෙකු ඔහුට හිමිවනු ඇති බවටයි,

එරට මාධ්‍ය වාර්තා කර ඇත්තේ. තමාගේ “පතාන්” සහ “ජවාන්” යන චිත්‍රපට තිරගත වීමෙන් පසු තමාට මෙලෙස මරණ තර්ජන ඇමතුම් ලැබුණු බවටයි, ෂාරුක් මහරාශ්ට්‍ර බලධාරීන්ට ප්‍රකාශ කර ඇත්තේ.