ලෝක කුසලාන ක්‍රිකට් තරගාවලියේ (World Cup 2023) ඔස්ට්‍රේලියාවට එරෙහිව එළැඹෙන සඳුදා (16) ලක්නව්හිදී ආරම්භ වන තරගය සඳහා දිමුත් කරුණාරත්න සහ ළහිරු කුමාර කණ්ඩායමට කැඳවීමේ වැඩි ඉඩක් පවතින බව ශ්‍රී ලංකා කණ්ඩායමේ ආරංචි මාර්ග පවසනවා.
ආරම්භක පිතිකරු කුසල් ජනිත් පෙරේරා දිගින් දිගටම අසාර්ථක වීම හේතුවෙන් ඔහු වෙනුවට ආරම්භක පිතිකරුවා ලෙස දිමුත් කරුණාරත්න කණ්ඩායමට ආදේශ කර තිබෙනවා.
මීට අමතරව මතිෂ පතිරණගේ අතෙහි මස්පිඬු ඇදීමක් සිදුව ඇති අතර තත්වය තක්සේරු කිරීමට ඔහුට ස්කෑන් පරීක්ෂාවක් සිදු කිරීමට නියමිතය.
ඒ අනුව මතීෂ වෙනුවට ඔස්ට්‍රේලියාවට එරෙහි තරගයට ළහිරු කුමාර ක්‍රීඩා කිරීමට වැඩි ඉඩක් පවතිනවා. වයස අවුරුදු 20ක් වන මතීෂ පතිරණට පළමු තරග දෙකේදී දැඩි ප්‍රහාරයක් එල්ලවූ අතර, ඔහු දකුණු අප්‍රිකාවට සහ පාකිස්තානයට එරෙහිව යැවූ පන්දුවාර 19කදී ලකුණු 185ක් ලබා දීම කණ්ඩායමේ දැඩි සාකච්ඡාවට බඳුන්ව තිබෙනවා.
මේ අතර පකිස්තාන තරගය අතරතුරදී උදරාබාධයක් හේතුවෙන් රෝහල්ගත කළ කුසල් මෙන්ඩිස් සම්පූර්ණයෙන්ම සුවය ලබා සිටින අතර ඔස්ට්‍රේලියාවට එරෙහි තරගයට ක්‍රීඩා කිරීමට අපේක්ෂාවෙන් පසුවනවා.
කුසල් මෙන්ඩිස්ට පසුගිය අඟහරුවාදා (10) පාකිස්ථානයට එරෙහි තරගයේ සම්පූර්ණ දෙවන අර්ධයම අහිමි වූයේ ඔහුගේ උදරාබාධය සහ හුස්ම ගැනීමේ අපහසුතා හේතුවෙනි.
අනතුරුව ඔහුව රෝහල්ගත කර අවශ්‍ය ප්‍රතිකාර ලබාදී තිබෙනවා. ඔස්ට්‍රේලියා තරගයට ක්‍රීඩා කිරීමට ශ්‍රී ලංකා කණ්ඩායම බදාදා (11) ලක්නව් වෙත පැමිණි අතර, ශ්‍රී ලංකා ක්‍රීඩකයින්ට විවේක ගැනීම සඳහා දින දෙකක විවේකයක් ලබාදී තිබුණි.
ඔස්ට්‍රේලියානුවන්ට එරෙහිව පැවැත්වෙන තරගයට පෙර පුහුණුවීම් සෙනසුරාදා (14) නැවත ආරම්භ කිරීමට නියමිතය.
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය දරාගත නොහැකිව වැවකට පැන සියදිවි නසාගැනීමට උත්සාහ කර…
අධ්‍යාපන ඩිජිටල් පරිවර්තනය සඳහා වූ කාර්ය සාධක බලකායක් ස්ථාපිත කිරීමට කැබිනට් අනුමැතිය ලැබී ඇති බව…
ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම…
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…
හිටපු අමාත්‍ය ඩලස්ගේ වට්ස්ඇප් ගිණුම වෙනත් අයෙකු විසින් හැක් කර ඇති බව වාර්තා වේ. අනතුරුව…