ශ්‍රී ලංකා නායක දසුන් ශානක හා වේග පන්දු යවන ක්‍රීඩක මතීෂ පතිරණ ආබාධවලට ලක්ව ඇති බව වාර්තා වනවා.
ඒ හේතුවෙන් ඔවුන් දෙදෙනාම අද ලක්නව් හී දී පැවැති පුහුණුවීම් කටයුතු සදහා එක්ව නොමැති බව සදහන්.
ඒ අනුව දසුන් ශානකට හා මතීෂ පතිරණට ශ්‍රී ලංකා කණ්ඩායම මෙවර ලෝක කුසලාන ක්‍රිකට් තරගාවලිය (World Cup 2023) යටතේ ක්‍රීඩා කරන මීළග තරගය අහිමි වීමට වැඩි ඉඩක් ඇති බවයි ක්‍රිකට් ආරංචි මාර්ග සදහන් කළේ.
එසේ වුවහොත් එම තරගයේ දී කණ්ඩායම මෙහෙයවීමේ වගකීම කුසල් මෙන්ඩිස්ට පැවරෙනු ඇති.
නායක දසුන් ශානකට සති තුනක පමණ කාලයක් විවේක ගැනීමට සිදු වනු ඇති බව නිල නොවන ආරංචි මාර්ග සඳහන් කරනවා.
කෙසේ වෙතත් මේ පිළිබඳව ශ්‍රී ලංකා ක්‍රිකට් ආයතනය තවමත් නිල නිවේදනයක් නිකුත් කොට නැහැ.
ලෝක කුසලානය යටතේ ශ්‍රී ලංකාව ක්‍රීඩා කරන මීළග තරගය එළඹෙන 16 වැනිදා ඔස්ට්‍රේලියාවට එරෙහිව ලක්නව් හී දී පැවැත්වීමට නියමිතයි.
මේ වන විට තරගාවලියේ මෙතෙක් ක්‍රීඩා කළ තරග දෙකම පරාජයට පත්ව ඇති ශ්‍රී ලංකාව ප්‍රසාද ලකුණු සටහනේ රැදී සිටින්නේ 7 වැනි ස්ථානයේයි.
ජාත්‍යන්තර පන්දුවාර 20 ශ්‍රේණිගත කිරීම්වල නවතම යාවත්කාලීන කිරීම මේවන විට ICCය විසින් සිදු කර තිබෙනවා.…
පසුගිය වසර 10 සැලකීමේදී මෙරට උපත් අනුපාතය සැලකිය යුතු ආකාරයෙන් පහළ ගොස් ඇති බව, ළමා…
මේ වසරට අදාල විසර්ජන පනත් කෙටුම්පත අග්‍රාමාත්‍ය ආචාර්ය හරිනි අමරසූරිය අද පාර්ලිමේන්තුවට ඉදිරිපත් කරනු ලැබුවා. ඒ…
ශ්‍රී ලංකාවට එරෙහිව ඉදිරියේ දී පැවැත්වීමට නියමිත ටෙස්ට් තරගාවලියට තෝරාගත් ඔස්ට්‍රේලියානු සංචිතය අද (9) ප්‍රකාශයට…
වසර 19කට පෙර කාන්තාවක් සහ ඇයගේ දින 17ක් වයසැති නිවුන් දරුවන් ඝාතනය කිරීමේ ඝාතන නඩුව…
කොළඹ කොටුව සිට බදුල්ල දක්වා ඊයේ (08) දින ධාවනය කළ 1007 මගි ප්‍රවාහන දුම්රියේ ගමන්…