කොළඹ, කාසල් වීදියේ කාන්තා රෝහලේ උපත ලද සය නිවුන් දරුවන් ළදරු දැඩි සත්කාර ඒකකයේ ප්‍රතිකාර ලබන බව එම රෝහලේ ළදරු ඒකකය භාර විශේෂඥ වෛද්‍ය බී.සී. සමන් කුමාර මහතා පවසනවා.
එම බිලිඳුන්ගෙන් පස්දෙනෙක් මේ වනවිට කාසල් රෝහලෙත් එක් අයෙක් කොළඹ ළමා රෝහලෙත් ප්‍රතිකාර ලබන බව වෛද්‍යවරයා වැඩිදුරටත් සඳහන් කළේ.
සය නිවුස් දරු උපත සම්බන්ධයෙන් අද දිනයේ පැවති මාධ්‍ය හමුවට එක්වෙමින් අමාත්‍යවරයා මේ බව ප්‍රකාශ කළා.
එහිදි වැඩිදුරටත් අදහස් දක්වමින් වෛද්‍යවරයා කියා සිටියේ, බිළිඳුන් සියලුදෙනාටම කෘතිම ස්වසනය ලබාදෙන අතර ඔවුන්ව ජීවත් කරවීම දැඩි අභියෝගයක් බවයි.
ළදරු ඒකකය භාර විශේෂඥ වෛද්‍ය බී.සී. සමන් කුමාර
අපිට උපකරණවල හෝ ඖෂධවල අඩුපාඩුවක් නොමැතිව අපට මේ කටයුතු කරන්න හැකියාව ලැබිලා තියෙනවා. නමුත් ලොකු අභියෝගයක්. මෙම දරුවන් හයදෙනා ලැබුණේ සති 26කින්… ඒ වගේම දරුවන් බර ග්‍රෑම් 400ත් 700ත් අතර. ඉතින් එහෙම දරුවෙක් ජීවත් කරවනවා කියන එක වෛද්‍ය කාර්ය මණ්ඩලයේ අපිට ලොකු අභියෝගයක්. නමුත් අපි ඒ කටයුතු යුහුසුළුව ඒ පිළිබඳ කටයුතු කරගෙන යනවා. නමුත් මේ දරුවන් හයදෙනාගේ කතාව ඇතුළේ අපි හැමෝම හිතන්නේ නැති සමාජය දැනුවත් නැති හැංගිච්ච ලොකු කතාවක් තියෙනවා. ඒ තමයි කෘත්‍රිම දරු උපත් සිදුකරනකොට ලෝකේ නියාමනයක් තියෙනවා. අපිට වෛද්‍ය ආචාර ධර්ම තියෙනවා. ඒ අනුව තමා අපි කටයුතු කළ යුත්තේ. මොකද මේ වගේ දරුවන් 6 දෙනෙක් එකපාර ජීවත් කරවීම රෝහලටත්, අපේ ඒකකයටත්, රටටත් සහ මේ පවුලටත් ඉතාමත් ලොකු අභියෝගයක් සහ බරක්. සාමාන්‍යයෙන් කෘත්‍රිම දරු උපතක් සිදුකරනකොට කලලයක් හෝ උපරිම වශයෙන් කලල දෙකක් තමයි තැන්පත් කිරීම සිදුකරන්නේ. ඒ නියාමනය අපේ රටේ සිද්ධ වෙන්නේ නෑ. ඒ නිසා මේ කටයුතු කිරීමේ දී කලල කිහිපයක් තැන්පත් කරනවා. ඒ කලල කිහිපයක් තැන්පත් කළාම තමයි මේ වගේ විශාල ප්‍රමාණයක් දරුවන් බිහිවෙන්නේ. මේ වගේ හැමෝම අසරණ වෙන්නේ. සමාජය සහ හැම දෙනාම දැනුවත් විය යුතුයි.. මේ නියාමනය අපේ රටේ සිදුවිය යුතුයි. ඒකට වෛද්‍යවරු විදියට අපි ගොඩක් මහන්සි වෙලා කටයුතු කළත් සමාජය සහ මහජනතාවගේ දැනුවත්වීම සහ උදව් මේ දේවල් ඉදිරියට ගෙනි යන්න අවශ්‍යයි.. ඒක එහෙම නැති වුණොත් මේ දරුවන් හය දෙනාගේම් ජීවිත මේ වනකොට ඇත්තටම අවදානම් මට්ටමේ තියෙන්නේ.. මම දකින විදිහට මේක සමාජයට ගෙනිහිල්ලා සමරන්න අවස්ථාවක් නෙමෙයි.. අපි මෙය සැමරිය යුත්තේ මේ දරුවන් 06 දෙනා ජීවත් කරගෙන ගෙදර යන අවස්ථාව අපිට සමරන්න පුළුවන්
ළදරු ඒකකය භාර විශේෂඥ වෛද්‍ය බී.සී. සමන් කුමාර – කාසල් වීදියේ කාන්තා රෝහල
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…