විනෝදාත්මක

සිනමා සක්විති ගාමිණී ෆොන්සේකාට එරෙහිව නඩු තීන්දුවක් !

අභාවප්‍රාප්ත ප්‍රවීණ චිත්‍රපට නළු ගාමිණී ෆොන්සේකා මහතා විසින් ගොනු කර තිබූ අපහාස නඩුවක් සම්බන්ධයෙන් අභියාචනාධිකරණය ඔහුට එරෙහි ව තීන්දුවක් ලබා දී තිබෙනවා. ඒ 1990 දශකයේ දී ෆොන්සේකා මහතා විසින් රාජ්‍ය බැංකුවකින් ලබා ගත්, ණය මුදලකට අදාළ තොරතුරු පුවත්පතකට හෙළි කිරීම නිසා සිය කීර්ති නාමයට වූ හානිය සම්බන්ධයෙන් රුපියල් මිලියන 300ක් ඉල්ලා අදාළ රාජ්‍ය බැංකුවට එරෙහිව ගොනු කර තිබූ අපහාස නඩුවකට එරෙහිවයි.

ෆොන්සේකා මහතා විසින් මහජන බැංකුවෙන් ලබා ගෙන තිබූ ණය මුදලකට අදාළව රුපියල් මිලියන 2.5ක මුදල් ගෙවීමක් පැහැර හැර ඇති බවට රාවය පුවත්පත විසින් කරන ලද වාර්තාකරණයක් සඳහා, එම පුවත්පත් කර්තෘවරයාට නීතිවිරෝධී ලෙස බැංකු ණය තොරතුරු හෙළි කළ බවට චෝදනා කරමින් මහජන බැංකුවට සහ එහි බැංකු කළමණාකරුවෙකුට එරෙහිව ෆොන්සේකා මහතා විසින් හම්බන්තොට දිසා අධිකරණයේ අපහාස නඩුවක් ගොනුකර තිබුණා.

අදාළ අපහාස නඩුව ගොනු කරමින් මෙරට සිනමාවේ බිහි වූ විශිෂ්ටත ම නළුවා චෝදනා කර තිබුණේ, තමා විසින් ලබා ගත් ණය මුදලට අදාළව එහි ගෙවීමක් සිදු කර තිබිය දී ගෙවීම පැහැර හැර ඇති බවට රාවය පුවත්පත ලිපියක් පළ කර තිබූ බවයි.

ගාමිණී ෆොන්සේකා මහතා සැනසුම හොලිඩේ රිසෝට්ස් (ලිමිටඩ්) සභාපති සහ කළමනාකාර අධ්‍යක්ෂ ලෙස කටයුතු කර ඇති අතර, ඊට අදාළ ව මහජන බැංකුවේ තිස්සමහාරාම ශාඛාවේ බැංකු ගිණුම් තුනක් පවත්වාගෙන ගොස් පවත්වාගෙන ගොස් තිබෙනවා.

ඒ අනුව සැනසුම හොලිඩේ රිසෝට්ස් (ලිමිටඩ්) විසින් මෙම බැංකු ගිණුම්වලින් ණය පහසුකම් සහ අයිරා පහසුකම් ලබාගෙන තිබූ අතර 1983 ජූලි වාර්ගික කෝලාහලයෙන් පසුව හෝටලයේ ව්‍යාපාර කටයුතුවලට බලපෑමට ලක්ව තිබුණා. මේ අතර 1989 දී හෝටලය ගින්නෙන් විනාශ වී තිබුණා.

අදාළ තත්ත්වයන් හේතුවෙන් ණය වාරික සහ පොලී නිතිපතා ගෙවීමට නොහැකි බව ෆොන්සේකා මහතා බැංකුවට දැනුම් දී තිබුණා. අනතුරුව බැංකුව සහ ඔහුගේ සමාගම අතර පැවති සාකච්ඡාවලින් අනතුරුව සමතයකට පත් වීමෙන් පසුව, එම සමාගම වෙනුවෙන් ෆොන්සේකා මහතා අදාළ මුදල සම්පූර්ණව සහ අවසන් පියවීම, මහජන බැංකුවේ තිස්සමහාරාම බැංකුවේ ශාඛාවට කර තිබුණා.

කෙසේ නමුත් රාවය පුවත්පතේ පළ වී තිබූ ප්‍රවෘති වාර්තාවේ එන කරුණු අසත්‍ය, විකෘති, අපහාසාත්මක සහ ද්වේෂ සහගත බවත්, මහජන බැංකුවේ තිස්සමහාර ශාඛාවේ නිලධාරියාගේ හැසිරීම නිසා තම කීර්ති නාමයට හා ගෞරවයට හානි වී ඇති බව පවසමින් ෆොන්සේකා මහතා අදාළ බැංකුවෙන් රුපියල් මිලියන 300ක වන්දියක් ඉල්ලමිනුයි එම නඩුවක් ගොනු කර තිබුණේ.

ඒ අනුව 1999 දෙසැම්බර් 13 වැනි දා හම්බන්තොට දිසා අධිකරණය විසින් ෆොන්සේකා මහතාට පක්ෂව තීන්දුවක් ලබා දී තිබූ අතර අනතුරුව මහජන බැංකුව විසින් අභියාචනයක් ගොනු කර තිබුණා.

එහි දී අභියාචනාධිකරණය, හම්බන්තොට දිසා අධිකරණය විසින් ලබා දී තිබූ තීන්දුව සී.පී. කිර්තිසිංහ සහ ආර්. ගුරුසිංහ යන මහත්වරුන්ගෙන් සමන්විත වූ ද්විපුද්ගල විනිසුරු මඩුල්ලක් විසින් ඉවත දමනු ලැබුවා. ඒ අනුව අදාළ බැංකු ණය තොරතුරු ලබා දුන් යැයි කියන නිලධාරියා පිළිබඳ අධිකරණයේ අවධානය යොමු වූ අතර රාවය පුවත්පතේ කතුවරයා එහි දී තමාට තොරතුරු ලබා දුන් නිලධාරියාගේ අනන්‍යතාව හෙළි නොකර තිබූ අතර බැංකු ලිපිගොනුවලින් තමා අදාළ තොරතුරු ලබා ගත් බවයි අධිකරණයට පවසා තිබුණේ.

ඒ අනුව අදාළ නිලධාරියා විසින් කරන ලද තොරතුරු කාන්දුව ඔහුගේ රැකියාවෙන් පරිභාහිර කටයුත්තක් බව තීරණය කළ අභියාචනාධිකරණය තීරණය කළේ, අදාළ නිලධාරියාගේ ක්‍රියාකලාපය සම්බන්ධයෙන් මහජන බැංකුව වගකීම් දැරිය යුතු නැති බවයි.

අභියාචනාධිකරණය විසින් අදාළ නඩුව කැඳවා තිබූ අවස්ථාවේ දී, මහජන බැංකුව වෙනුවෙන් ජනාධිපති නීතිඥ කුෂාන් ද අල්විස්, නීතිඥ චමත් ප්‍රනාන්දු සහ නීතිඥ මිලින්ද මුනිදාස යන මහත්වරු පෙනී සිටි අතර සිංහල සිනමාවේ අසහාය නළුවා වෙනුවෙන් පෙනී සිටියේ ජනාධිපති නීතිඥ ෆයිස් මුස්තාපා, නීතිඥ මෙරන් කරීම් සහ බිශ්‍රාන් ඉක්බාල් යන නීතිඥවරුන්.

අද තීන්දුව ලබාදුන් අදාළ නඩුව ගොනු කොට මේ වනවිට වසර 24ක් වන අතර, ගාමිණි ෆොන්සේකා මහතා මියගොස් වසර 20කට ආසන්න කාලයක් ගතවී තිබෙනවා.

Ceylon News Factory

Recent Posts

ජාතික ජන බලවේගයට එරෙහිව රනිල් වික්‍රමසිංහගේ නායකත්වයෙන් විපක්ශය ඒකාබද්ධ වෙයි!

ජාතික ජන බලවේගයට බහුතරය හිමි නොවූ මහ නගර සභා, නගර සභා සහ ප්‍රාදේශීය සභා ඇතුළත්…

3 hours ago

කොත්ම​ලේ රම්බොඩ වෑන් අනතුරින් තුවාල ලැබූ පිරිස ඉහළට!

කොත්මලේ, රම්බොඩ ප්‍රදේශයේ අද (14) පස්වරුවේ වෑන් රථයක් පෙරළී සිදු වූ අනතුරෙන් තුවාල ලැබූ සංඛ්‍යාව…

3 hours ago

තෙ​ල් ප්‍රවාහනය කළ බවුසර් රථයක් පෙරළෙයි : ගමනාගමනය​ට බාධා!

කොළොන්නාවේ සිට වැලිමඩ දක්වා ඩීසල් සහ පෙට්‍රල් ලීටර් 33600ක් ප්‍රවාහනය කළ බවුසර් රථයක් තලවකැලේ නුවරඑලිය කිරිමැටිය…

4 hours ago

අස්වැසුම සුබසාධක ප්‍රතිලාභී දීමනා පිලිබඳ දැනුම්දීමක්!

අස්වැසුම සුබසාධක ප්‍රතිලාභී දීමනා 2025 මැයි මස සිට නතර කර දමන බවට මතයක් ඉස්මතු වන…

4 hours ago

රම්බොඩ තවත් අනතුරක් – වෑන් රථයක් ප්‍රපාතයකට පෙරළෙයි : 12ක් රෝහලේ!

මීට සුලු වෙලාවකට පෙර රම්බොඩ ප්‍රදේශයේදී වෑන් රථයක් ප්‍රපාතයකට පෙරළී අනතුරක් සිදුවී ඇති බව වාර්තා…

5 hours ago

කැනඩාවේ දෙමළ ජනසංහාර ස්මාරකය ඉදිකිරීම පිලිබඳ රජ​යෙන් විශේ​ෂ නිවේදනයක්!

ශ්‍රී ලංකා රජය, පදනම් විරහිත ජන සංහාර චෝදනා තරයේ ප්‍රතික්ෂේප කරන බ​ව කැනඩාවේ දෙමළ ජනසංහාර…

5 hours ago