ඩිල්ෂාන් මදුෂංකගේ හා කසුන් රාජිතගේ සුපිරි පන්දු යැවීම මෙන්ම සධීර සමරවික්‍රමගේ අනර්ඝ පිතිහරඹය හමුවේ තරග තුනක අඛන්ඩ පරාජයෙන් පසුව මෙවර ලෝක කුසලාන එක්දින ක්‍රිකට් තරගාවලියේ දී තමන් ලැබූ පළමු ජය වාර්තා කිරීමට ශ්‍රී ලංකා කණ්ඩායම අද (21) සමත් වුණා.
ඒ, ලක්නව්හි පැවැති මෙවර තරගාවලියේ 19 වැනි තරගයෙන් නෙදර්ලන්තය පරදා කඩුලු 5 ක ජයක් වාර්තා කරමින්.
තරගයේ කාසියේ වාසිය දිනා පළමුව පන්දුවට පහරදුන් නෙදර්ලන්තය පන්දුවාර 49.4 ක් අවසානයේ සියලු දෙනා දැවී ලබා ගත් ලකුණු සංඛ්‍යාව 262 ක්. ඉනිමේ 6 වැනි කඩුල්ල ලකුණු 91 ක් තුළ බිද වැටුණු පසුබිමකයි ඔවුන් එලෙස සටන්කාමී ලකුණු පුවරුවක් නිර්මාණය කිරීමට සමත් වුණේ.
සයිබ්‍රන්ඩ් එංගල්බ්රෙච් ලකුණු 70 ක් හා ලෝගන් වෑන් බීක් ලකුණු 59 ක් ලබා ගනිමින් බිද වැටුණු ඉනිම ගොඩ නැගුවා. ඔවුන් දෙදෙනා අතර 7 වැනි කඩුල්ල වෙනුවෙන් ගොඩ නැගුණු සම්බන්ධතාවය පන්දු 143ක් තුලදී ලකුණු 130ක්.
එම සම්බන්ධතාවය බිද දැමීම සදහා ශ්‍රී ලංකා පිලේ ප්‍රධාන පන්දු යවන්නන් යොදා නොගැනීමට ගත් තීරණය සම්බන්ධයෙන් ජාත්‍යන්තර විස්තර විචාරකයින් ද තරගය අතරතුර දී විචේචනයට ලක් කළා.
පන්දු යැවීමේ දී ඩිල්ෂාන් මදුෂංක හා කසුන් රාජිත කඩුලු 4 බැගින් බිද හෙලුවා.
පිළිතුරු ඉනිම ක්‍රීඩා කළ ශ්‍රී ලංකාව පන්දුවාර 48.2 ක් අවසානයේ කඩුලු 5 ක් දැවී ජයග්‍රාහී ඉලක්කය පසු කළා. කුසල් පෙරේරා ලකුණු 5කටත්, කුසල් මෙන්ඩිස් ලකුණු 11කටත් දැවී ගියා.
කෙසේ වෙතත්, පැතුම් නිස්සංක පන්දු 52කින් ලකුණු 54ක් හා සධීර සමරවික්‍රම පන්දු 107කින් නොදැවී ලකුණු 91ක් ලබා ගනිමින් ශ්‍රී ලංකා පිලට මෙවර තරගාවලියේ පළමු ජය තහවුරු කර දුන්නා. චරිත් අසලංක පන්දු 66ක් තුල ලකුණු 44යි. ධනංජය ද සිල්වා හයේ පහර දෙකක් සමඟින් ලකුණු 30 ක් ලබා ගත්තා.
තෙවැනි කඩුල්ල සදහා පැතුම් හා සධීර පන්දු 4ක් තුල ලකුණු 52 ක සම්බන්ධතාවයක් ද, සිව්වැනි කඩුල්ල සදහා සධීර හා අසලංක පන්දු 99කින් ලකුණු 77ක සම්බන්ධතාවයක් ද ගොඩ නැගුවා.
5 වැනි කඩුල්ල සදහා සධීර හා ධනංජය අතර ගොඩ නැගුණු සම්බන්ධතාවය පන්දු 85කින් ලකුණු 76 ක්. පන්දු යැවීමේ දී ආර්යන් දත් ලකුණු 44 කට කඩුලු 3 ක් දවා ගත්තා.
තරගයේ වීරයා බවට පත්වුයේ ශ්‍රී ලංකා ඉනිමේ නැංගුරම බවට පත් වූ සදිර සමරවික්‍රම.
ලෝක කුසළාන තරගාවලියේ වැඩිම කඩුලු දවාගත් ක්‍රීඩක ලැයිස්තුවේ දෙවන ස්ථානයට පැමිණීමට ඩිල්ශාන් මදුශංක සමත් වීම ද විශේෂත්වයක්. පළමු ස්ථානයේ පසුවන නවසීලන්ත ක්‍රීඩක මිචෙල් සැන්ට්නර් සහ ඩිල්ශාන් මදුශංක දෙදෙනාම කඩුලු 11 බැගින් ලබා තිබීම විශේෂත්වයක්.
දෙමටගොඩ, සියපත් සෙවණ මහල් නිවාස සංකීර්ණයේ තිබූ ත්‍රිරෝද රථ 4ක් සම්පූර්ණයෙන්ම ගිනිගෙන අළු වී ඇති…
යහපාලන රජය සමයේ කාන්තා හා ළමා කටයුතු සහ වියලි කලාප සංවර්ධන අමාත්‍යවරිය ලෙස කටයුතු කළ…
මහියංගනය පොලීසියට අනියුක්තව සේවය කළ උප පොලිස් පරීක්ෂකවරයෙක් සිය රාජකාරී ගිනිඅවියෙන් වෙඩි තබාගෙන සියදිවි හානි…
ලොකොමොටිව් ඔපරේටින් ඉංජිනේරු සංගමය අද (06) දහවල් 12 සිට මුහුදුබඩ දුම්රිය ධාවනයෙන් ඉවත්වීමට ගෙන තිබූ…
චීන ජනපති ෂී ජින් පින්ගේ ආරාධනයකට අනුව අමෙරිකානු ජනපති ඩොනල්ඩ් ට්‍රම්ප් චීනයේ සංචාරයකට සූදානම් වන…
ජාතික ලොතරැයි මණ්ඩලයේ හිටපු විධායක අධ්‍යක්ෂ තුසිත හල්ලොලුව ජුනි 13වනදා දක්වා තවදුරටත් රක්ෂිත බන්ධනාගාර ගත…