ප්‍රබල ව්‍යාපාරිකයෙක්ව සිටි අභාවප්‍රාප්ත ලලිත් කොතලාවලගේ මරණය සැක සහිත බවට ඔහුගේ බිරියගේ පාර්ශවයෙන් සිදුකළ පැමිණිල්ලක් සැලකිල්ලට ගනිමින් දේහය පිළිබඳ පශ්චාත් මරණ පරීක්ෂණයක් පවත්වන ලෙස කොළඹ ප්‍රධාන මහේස්ත්‍රාත් ප්‍රසන්න අල්විස් විසින් කොළඹ ප්‍රධාන අධිකරණ වෛද්‍ය නිලධාරිවරයාට ඊයේ (22) නියෝග කර තිබිණි. මරණය සැක සහිත බවට වූ පැමිණිල්ල බම්බලපිටිය පොලිසියට සිදුකර තිබුණේ ලලිත් කොතාලවල ගේ බිරිය වන සිසිලියා කොතලාවලගේ වැඩිමහල් සහෝදරිය වූ ෂෙරීන් ප්‍රනාන්දු (84) විසිනි.
අවසන් වකවානුවේ සිය බම්බලපිටිය නිවසේ ලලිත් කොතලාවල ඔහුගේ සේවකයන් කීප දෙනෙක් සමග වෙනම ජීවත් වූ බවත් සිසිලියා කොතලාවල බම්බලපිටිය ප්‍රදේශයේම වෙනත් නිවසක වෙන්ව ජීවත් වූ බවත් හෙළි වී තිබේ.
පැමිණිලිකරුවන් පවසා ඇත්තේ ලලිත් කොතලාවල වෙනම කණ්ඩායමක් විසින් අවුරුදු පහක් තිස්සේ රඳවාගෙන සිටි බවය.
මෙම කණ්ඩායම ලලිත් කොතලාවල සතුව තිබූ වටිනා දේපල කූඨ ආකාරයෙන් තමන් සන්තක කරගෙන ඇති බවට ද පැමිණිලිකාර පාර්ශවය දන්වා ඇත.
පවුලේ පාර්ශවය වෙනුවෙන් ලලිත් කොතලාවලගේ මරණය සැක සහිත බව අධිකරණයට දන්වා ඇත්තේ හෆීල් ෆාරිස් සහ සංජීව කොඩිතුවක්කු නීතිඥවරු විසිනි.
මේ සමගම මහේස්ත්‍රාත්වරයා ස්ථානීය පරීක්ෂාවක් ද සිදුකර ඇති අතර අධිකරණ වෛද්‍ය පරීක්ෂණයක් අද (23) කොළඹ අධිකරණ වෛද්‍ය නිලධාරී කාර්යාලයේ දී පැවැත්වීමට නියමිතව ඇත.
මේ වනවිටත් ලලිත් කොතලාවලගේ මෘත දේහය පුද්ගලික රෝහලේ මෘත ශරීරාගාරයේ තැන්පත් කර තිබේ.
ශ්‍රි ලංකාවේ කීර්තිමත් ව්‍යාපාරිකයෙක්ව සිට පසුව ව්‍යාපාර ජාලයම බිඳ වැටීමෙන් අනතුරුව ඔහු නිහඬ ජීවිතයක් ගත කරමින් සිටියේය.
කිතුනු බැතිමතුන්ගේ පාස්කු උත්සවයේ දේව මෙහෙයන් පැවැත්වෙන අප්‍රේල් 18 සහ 20 යන දිනවල විශේෂ ආරක්ෂක…
පොලිස් විශේෂ කාර්ය බලකායේ දෙවුන්දර කදවුරේ නිලධාරින් විසින් අද(17) අලුයම හතරට පමණ දෙවුන්දර හුම්මාන මාර්ගයේ…
දළඳා වන්දනාව සඳහා VIP හෝ VVIP යනුවෙන් ප්‍රභූවරුන්ට විශේෂිත වූ පෝලිමක් නොමැති බව මහනුවර සහ…
වැලිකඩ පොලිස් භාරයේ සිටියදී මියගිය තරුණයාගේ දේහය සම්බන්ධයෙන් අප්‍රේල් 23 වන දින නව පශ්චාත් මරණ…
බණ්ඩාරගම දිසා රෝහල භාරයේ තිබූ මළ සිරුරක් පැහැරගත් පිරිසෙන් කාන්තාවක් ඇතුළු පුද්ගලයන් සිව් දෙනකු අත්අඩංගුවට…
මන්නාරමේ සිට රාමේශ්වරම් අතර බෝට්ටු සේවය යළි ආරම්භ කිරීමට ඉන්දියානු රජය සමග සාකච්ඡා කරමින් පවතින…