කැනඩාවේ මහා මාර්ගයකදි සිය බිරිදට පහර දී මරා දැමූ බවට චෝදනා ලද මුලතිව් ප්‍රදේශයේ පුද්ගලයෙක් උක්ත අපරාධයේ වැරදි කරු බව තීරණය වීමෙන් පසු කැනඩා අධිකරණයක් මගින් ජීවිතාන්තය දක්වා සිර දඩුවමක් පනවා තිබේ.
2019 සැප්තැම්බර් මස 23 වෙනිදා මෙම සිදුවීම සිදුව ඇති අතර ඇයව මරා දැමීමට ප්‍රධාන හේතුව විත්තිකරු විසින් තවත් කාන්තාවක් සමග ඇති කරගෙන තිබූ අනියම් සබදතාවයක් බවට අධිකරණයේ දී තොරතුරු හෙළිදරව් වී තිබේ.
විත්තිකරු බිරිය මරා දැමීමෙන් පසුව එම අනියම් ඇසුර පවත්වා ගෙන ගිය කාන්තාව සමග ජීවත් වී තිබේ.
යාපනයේ මනිපායී ප්‍රදේශයේ පදිංචිව සිටි දර්ශිකා ජෙගනාදන් නැමති කාන්තාව සමග විත්තිකරු 2015 දී ඉන්දියාවේදී විවාහ වී පසුව දෙදෙනාම කැනඩාවට ගොස් තිබේ.
සසිකරන් තනපාලසිංහම් නමති විත්තිකරු සිය බිරිය සමග බසයකින් ගමන් කොට රථයෙන් බිමට බැසීමෙන් පසු මහ පාරේදීම පහර දී බරපතල සිදුකර තිබේ.
අනතුරුව කාන්තාව රෝහල් ගත කර ඇත. රෝහලේ ප්‍රතිකාර ලබමින් සිටියදී ඇය මියගොස් ඇති අතර කැනඩා පොලිසිය ඔහුව අත් අඩංගුවට ගෙන අධිකරණය හමුවට ඉදිරිපත් කිරීමෙන් පසුව පැවති නඩු විභාගයේදී ඔහුට මරණීය දඩුවම හිමිව ඇත.
කැනඩාවේ එල්ලස්මියර් නගරයේ මොරිස් පාරේදී සිදු වූ මෙම පහර දීම අසල වූ සී.සී.ටී.වී කැමරාවක සටහන් ඇත.
මෙම නඩුවේ ප්‍රධාන සාක්කිය වශයෙන් පොලීසිය අධිකරණයට ඉදිරිපත් කොට ඇත්තේ එම කැමරා දර්ශන හා ඇයට ප්‍රතිකාර කළ වෛද්‍යවරයාගේ වෛද්‍ය වාර්තාවයි.
මෙවර අයවැය මඟින් වෙන් කළ මූල්‍ය ප්‍රතිපාදන යටතේ නාගරික සංවර්ධන, ඉදිකිරිම් සහ නිවාස අමාත්‍යාංශය විසින්…
රජය විසින් පාර්ලිමේන්තුවට ඉදිරිපත් කර තිබෙන විදුලිබල පනත් කෙටුම් පතේ ඇතැම් වගන්ති ආණ්ඩුක්‍රම ව්‍යවස්ථාවට පටහැනි…
කතාබහට ලක්ව තිබෙන බහාලුම් 323 මුදාහැරීම ගැන ප්‍රකාශ ලබාදීම සඳහා පාර්ලිමේන්තු මන්ත්‍රී දයාසිරි ජයසේකර අද…
විදේශ ගතව සිටින කෙහෙල්බද්දර පද්මේ නමැති ප්‍රබල මත්ද්‍රව්‍ය ජාවාරම්කරුට විදේශ ගමන් බලපත්‍ර 2ක් සකස්කිරීමේ සිද්ධිය…
ගාසා තීරයේ සටන් විරාමයක් සඳහා එක්සත් ජාතීන්ගේ ආරක්ෂක මණ්ඩලය විසින් ඉදිරිපත් කරන ලද යෝජනාවක් එක්සත්…
වව්නියාව, කොක්එළිය ප්‍රදේශයේ නිවසක ගෙවත්තකට ඊයේ (5) අඩි 09ක් පමණ දිගැති කිඹුලෙකු පැමිණ තිබේ. වවුනියාව…