මධ්‍යම තැපැල් හුවමාරුවේ සිට කුෂ් මත්ද්‍රව්‍ය කිලෝ පහකට අධික ප්‍රමාණයක් ප්‍රවාහනය කිරීමට ආධාර අනුබල දුන් එහි සේවකයන් දෙදෙනෙකු හා ඒවා මෙරටට ගෙන් වූ ප්‍රධාන ජාවාරම්කරු පොලිස් මත්ද්‍රව්‍ය නාශක කාර්යාංශය අද දහවල් අත්අඩංගුවට ගත්තේය.
එහිදී ප්‍රධාන සැකකරු අත්අඩංගුවට ගැනීම සඳහා දැඩි පරිශ්‍රමයක් දැරීමට පොලීසියට සිදුවුණි. මධ්‍යම තැපැල් හුවමාරුවට පසුගිය 21 වනදා විදෙස් රටකින් පැමිණි සැක කටයුතු පාර්සලයක් සම්බන්ධයෙන් පොලිස් මත්ද්‍රව්‍ය නාශක කාර්යාංශය වෙත තොරතුරක් ලැබී තිබුණි.
ඒ අනුව අදාළ පාර්සලය සම්බන්ධයෙන් සෝදිසියෙන් සිටි විමර්ශන නිලධාරීන්ට අද තොරතුරක් ලැබී තිබුණේ මධ්‍යම තැපැල් හුවමාරුවේ සේවකයන් දෙදෙනෙකු විසින් එම පාර්සලය පිටතට රැගෙන යාමට සූදානමින් සිටින බවටය.
ඒ අනුව BMW වර්ගයේ මෝටර් රථයකින් පළායමින් සිටි ජාවාරම්කරු අත්අඩංගුවට ගැනීමට පොලිස් මත්ද්‍රව්‍ය නාශක කාර්යාංශ නිලධාරීන් සමත් වුණි. එහිදී අත්වැරදීමකින් පොලිස් නිලධාරියෙකුගේ ගිනි අවියක් ද ක්‍රියාත්මක වී තිබුණි. එය අසල වූ CCTV කැමරාවක සටහන්ව තිබුණි.
අනතුරුව අත්අඩංගුවට ගත් සැකකරු ත්‍රිරෝද රථයකින් රැගෙනගොස් තිබේ.
ප්‍රධාන සැකකරු ගමන් කරමින් සිටි මෝටර් රථය ද විමර්ශන නිලධාරීන් සිය භාරයට ගෙන තිබේ.
මේ අතර මධ්‍යම තැපැල් හුවමාරුව හරහා මත්ද්‍රව්‍ය පාර්සල් හුවමාරු කිරීම සම්බන්ධයෙන් මේවන විට හෙළිදරව් වී ඇති තොරතුරු පිළිබඳව විමර්ශනයක් ආරම්භ කරන ලෙස තැපැල් දෙපාර්තමේන්තුවේ ඒකාබද්ධ තැපැල් වෘත්තීය සමිති පෙරමුණ අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කළේය.
ජාත්‍යන්තර පන්දුවාර 20 ශ්‍රේණිගත කිරීම්වල නවතම යාවත්කාලීන කිරීම මේවන විට ICCය විසින් සිදු කර තිබෙනවා.…
පසුගිය වසර 10 සැලකීමේදී මෙරට උපත් අනුපාතය සැලකිය යුතු ආකාරයෙන් පහළ ගොස් ඇති බව, ළමා…
මේ වසරට අදාල විසර්ජන පනත් කෙටුම්පත අග්‍රාමාත්‍ය ආචාර්ය හරිනි අමරසූරිය අද පාර්ලිමේන්තුවට ඉදිරිපත් කරනු ලැබුවා. ඒ…
ශ්‍රී ලංකාවට එරෙහිව ඉදිරියේ දී පැවැත්වීමට නියමිත ටෙස්ට් තරගාවලියට තෝරාගත් ඔස්ට්‍රේලියානු සංචිතය අද (9) ප්‍රකාශයට…
වසර 19කට පෙර කාන්තාවක් සහ ඇයගේ දින 17ක් වයසැති නිවුන් දරුවන් ඝාතනය කිරීමේ ඝාතන නඩුව…
කොළඹ කොටුව සිට බදුල්ල දක්වා ඊයේ (08) දින ධාවනය කළ 1007 මගි ප්‍රවාහන දුම්රියේ ගමන්…