ලෝක කුසලාන එක්දින ක්‍රිකට් තරගාවලියේ ශ්‍රී ලංකා කණ්ඩායම සහභාගී වන මීළඟ තරගයට හිටපු නායක ඇන්ජලෝ මැතිව්ස් කණ්ඩායමට කැඳවීමට සැලසුම් කර තිබෙනවා.
ඒ තුන් ඉරියව් ක්‍රීඩක භූමිකාව ශක්තිමත් කිරීම සඳහායි.
ලෝක කුසලාන එක්දින ක්‍රිකට් තරගාවලියේ ශ්‍රී ලංකා කණ්ඩායම සහභාගී වන 05 වැනි තරගය එංගලන්තයට එරෙහිව බැංගලෝර්හිදී අනිද්දා (26) පැවැත්වීමට නියමිතයි.
උරහිසේ ආබාධයක් හේතුවෙන් වේගපන්දු යවන ක්‍රීඩක මතීෂ පතිරණට ලෝක කුසලාන තරගාවලිය අහිමිව ඇත.
ඔහු වෙනුවෙන් මැතිව්ස් පහළොස්දෙනාගේ සංචිතයට කැඳවීමට නියමිත අතර, ඒ අනුව මැතිව්ස් අංක 06 පිතිකරු ලෙස පන්දුවට පහරදීමට සූදානම් බව පැවසෙනවා.
මැතිව්ස් එංගලන්තයට එරෙහි ක්‍රීඩා කරන සංචිතයට පැමිණියහොත් චාමික කරුණාරත්නට කණ්ඩායමේ ස්ථානය අහිමි වීමට බොහෝ දුරට ඉඩ තිබෙනවා.
ශ්‍රී ලංකා ක්‍රිකට් කළමනාකාරීත්වය පැවැසූවේ මතීෂගේ ආබාධ තත්ත්වය පිළිබඳ අයිසීසී තාක්ෂණික කමිටුවට දැනුම් දී ඇති බවත් ඒ සම්බන්ධ අනුමැතිය ලැබුණු වහාම සංචිතයේ වෙනස්වීම ප්‍රකාශයට පත් කරන බවය.
මතීෂ පතිරණ දින 10ක විවේක කාලයකට යටත් කොට තිබූ අතර, වෛද්‍යවරු පවසා ඇත්තේ ඔහුට තවදුරටත් විවේකය අවශ්‍ය බවය.
එහෙයින් ඔහුගේ ස්කෑන් පරීක්ෂණ වාර්තා අයිසීසී තාක්ෂණික කමිටුවට ඉදිරිපත් කර තිබෙනවා.
මෙවර IPL ශූරයන් ලෙස කිරුළ පැළඳි රෝයල් චැලෙන්ජර්ස් බැංගලෝරු කණ්ඩායමේ ජය සැමරුම සඳහා බැංගලෝරුහිදී අද…
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය හේතුවෙන් සියදිවි හානිකර ගැනීමට උත්සහ දැරීමේ සිද්ධිය සම්බන්ධයෙන්…
මෙම වසරේ පළමු කාර්තුව තුළ දී ඩොලර් මිලියන 650ක සෘජු විදේශ ආයෝජන ප්‍රමාණයක් ශ්‍රී ලංකාවට…
කාර්යාල පරිශ්‍ර තුළ මුඛ ආවරණ පැළඳීමේ අවශ්‍යතාවයක් නොමැති බව සෞඛ්‍ය හා ජනමාධ්‍ය අමාත්‍යංශයේ ලේකම් විශේෂඥ…
අඛණ්ඩව දෙවන දිනයටත් කොළඹ කොටස් වෙළෙඳපොළ සියලු කොටස් මිල දර්ශකය, අද (04) ඉතිහාසයේ ඉහළම අගය…
පාරිභෝගික කටයුතු පිළිබද අධිකාරිය විසින් ඉකුත් අප්‍රේල් මාසයේ සිදුකළ විමර්ශනයකදී නීතියේ රැහැනට හසුකරගත් ව්‍යාජ ලෙස…