හෙට (29) පූනේහි දී පැවැත්වීමට නියමිත ශ්‍රී ලංකා – ඇෆ්ගනිස්ථාන තරගයට අදාළ පෙර පුහුණු වීම්වල යෙදෙන වේගපන්දු යවන ක්‍රීඩක ළහිරු කුමාර ආබාධයකට ලක්ව තිබෙනවා.
ඒ අනුව කළවා ප්‍රදේශයේ මස්පිඩුවල ආබාධයකට මුහුණ දී සිටින ළහිරුට, තරගාවලියේ ඉදිරි තරග මග හැරී යනු ඇති අතර, ඔහු වෙනුවට ශ්‍රී ලංකා වේගපන්දු යවන ක්‍රීඩක දුෂ්මන්ත චමීර කණ්ඩායමට කැඳවා තිබෙනවා.
ඊට අදාළ අනුමැතිය ICC සාමාන්‍යාධිකාරී වසීම් ඛාන්ගේ ප්‍රධානත්වයෙන් යුතු, 2023 ලෝක කුසලාන ක්‍රිකට් තරගාවලියේ තාක්ෂණික කමිටුව විසින් ලබා දී තිබෙනවා.
කෙසේ නමුත් ආබාධයට ලක් වූ ළහිරු ඉකුත් දා එංගලන්තය සමග පැවති තරගයේ දී සුපිරි පන්දු යැවීමක නිරත වූ අතර ලකුණු 35කට කඩුලු 3ක් දවා ගැනීමට සමත් වුණේ තරගයේ වීරයා සම්මානය හිමි කර ගනිමින්.
මේ අතර ආරම්භක පිතිකරු කුසල් ජනිත් පෙරේරා වෙනුවට හෙට පැවැත්වෙන තරගය සඳහා දිමුත් කරුණාරත්නව කණ්ඩායමට කැඳවීමට නියමිත බවත් වාර්තා වනවා.
කලකට පසු ශ්‍රී ලංකා කණ්ඩායමට එක් වූ ආරම්භක පිතිකරු කුසල් ජනිත් පෙරේරා, ලෝක කුසලාන තරගාවලියේ ශ්‍රී ලංකාව මෙතෙක් තරග වැදුණු තරග පහට ආරම්භක පිතිකරුවෙකු ලෙස ක්‍රීඩා කළ අතර ඔහුට ඔස්ට්‍රෙලියාව සමග පැවති තරගයේ හැරෙන්නට ලකුණු අතරට පැමිණෙන්න ලැබුණේ නැහැ.
ලක්නව්හි පැවති එම තරගයේ දී ලකුණු 78ක් වාර්තා කළ කුසල් ජනිත් පෙරේරා සමස්ත තරගාවලිය තුළ රැස් කර ඇත්තේ ලකුණු 94ක් වීම ද විශේෂත්වයක්.
ජාත්‍යන්තර පන්දුවාර 20 ශ්‍රේණිගත කිරීම්වල නවතම යාවත්කාලීන කිරීම මේවන විට ICCය විසින් සිදු කර තිබෙනවා.…
පසුගිය වසර 10 සැලකීමේදී මෙරට උපත් අනුපාතය සැලකිය යුතු ආකාරයෙන් පහළ ගොස් ඇති බව, ළමා…
මේ වසරට අදාල විසර්ජන පනත් කෙටුම්පත අග්‍රාමාත්‍ය ආචාර්ය හරිනි අමරසූරිය අද පාර්ලිමේන්තුවට ඉදිරිපත් කරනු ලැබුවා. ඒ…
ශ්‍රී ලංකාවට එරෙහිව ඉදිරියේ දී පැවැත්වීමට නියමිත ටෙස්ට් තරගාවලියට තෝරාගත් ඔස්ට්‍රේලියානු සංචිතය අද (9) ප්‍රකාශයට…
වසර 19කට පෙර කාන්තාවක් සහ ඇයගේ දින 17ක් වයසැති නිවුන් දරුවන් ඝාතනය කිරීමේ ඝාතන නඩුව…
කොළඹ කොටුව සිට බදුල්ල දක්වා ඊයේ (08) දින ධාවනය කළ 1007 මගි ප්‍රවාහන දුම්රියේ ගමන්…