වැඩිවෙන විදුලිබිලට එරෙහිව දිවුලපිටියේ සිට අද (01) ආරම්භ කළ විරෝධතා පාගමන අතරතුර විදුලි පාරිභෝගික සංගමයේ ලේකම් සංජීව ධම්මික සහ බලංගොඩ කාශ්‍යප හිමි ඇතුළු හය දෙනෙකු පොලිස් අත්අඩංගුවට ගෙන තිබෙනවා.
විදුලිය පාරිභෝගිකයින්ගේ සංගමය ඇතුළු සංවිධාන කිහිපයක් එක්ව අනීතික විදුලි බිලට එරෙහිව මෙම පාගමන පැවැත්වුණු අතර ඒ හේතුවෙන් දිවුලපිටිය නගරය හා අවට දැඩි පොලිස් රැකවල් යොදා තිබුණා.
මේ අතර විශේෂ කැරලි මර්දන කණ්ඩායමක් සහ හමුදා භට කණ්ඩායමක් ද පොලිස් විශේෂ කාර්ය බලකායේ පිරිසක්ද දිවුලපිටිය ක්‍රීඩාංගනයේ ස්ථාපිත කර ඇති බවද වාර්තා වුණා.
පාගමන අතරතුර මීගමුව පොලිස් අධිකාරී පාලිත අමරතුංග මහතා ශබ්ද විකාශන යන්ත්‍ර මාර්ගයෙන් මෙම පාගමන නීති විරෝධී බව පවසමින් තහනම් නියෝගයක් ප්‍රකාශයට පත් කළද ඒ බව නොතකා පා ගමන යන පිරිස් ඉදිරියට ගමන් අරඹා තිබුණා.
එමෙන්ම, සංජීව ධම්මික, පූජ්‍ය බලංගොඩ කාශ්‍යප හිමි ඇතුළු පිරිසකට පෑලියගොඩ මැනිං වෙළඳපොළ මාර්ගය ඇතුළු මාර්ග කිහිපයක උද්ඝෝෂණ හා පෙළපාළි වළක්වාලමින් අධිකරණ නියෝගයක්ද නිකුත් කර තිබෙනවා.
මෙම විරෝධතාවය හේතුවෙන් කොළඹ – දිවුලපිටිය ප්‍රධාන මාර්ගය හොරගස්මුල්ල ප්‍රදේශයෙන් සම්පූර්ණයෙන්ම අවහිර වී තිබුණා.
කෙසේ වෙතත් මේ වන විට පොලීසිය මැදිහත්වීමෙන් විරෝධතාවය විසුරුවා හැරීමට කටයුතු කර ඇති අතර එම මාර්ගයේ ගමනාගමන කටයුතු යථා තත්වයට පත්ව ඇති බවද වාර්තා වෙනවා.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…