සති තුනකට වැඩි කාලයක් ගාසා තීරයේ සිරවී සිටි සිවිල් වැසියන්ට ඊජිප්තුවට පැමිණීමට හැකියාව ලැබී තිබෙනවා.
ඒ, ජනතාවට පිටවීම සඳහා පළමු වතාවට රෆා හරස් මාර්ගය විවෘත වීමත් සමඟයි. ඒ සමග 400 කට වැඩි පිරිසක් ගාසා තීරයෙන් පිටව ගිය බවයි විදෙස් වාර්තා පවසන්නේ.
විදේශ ගමන් බලපත්‍ර හිමියන් 335 දෙනෙකු සහ තුවාල ලැබූ ගාසා වැසියන් 76 දෙනෙකුට මේ වනවිට පිටව යාමට හැකි වී ඇති බව පලස්තීන බලධාරීන් පවසනවා.
ගාසා භූමියෙන් පිටව ගිය අය අතර බ්‍රිතාන්‍ය සහ එක්සත් ජනපද විදේශ ගමන් බලපත්‍ර හිමියන් ද සිටින බවයි නිලධාරීන් පැවසුවේ.
එක්සත් ජනපද ජනාධිපති ජෝ බයිඩ්න් පවසන්නේ හරස් මාර්ගය විවෘත කිරීම “දැඩි සහ හදිසි රාජ්‍ය තාන්ත්‍රිකභාවයේ” ප්‍රතිඵලයක් බවයි.
මේ වනවිට ගාසා හි දුරකථන සහ අන්තර්ජාල සේවා සම්පූර්ණයෙන්ම කපා හැර ඇති බව සේවා සැපයුම්කරු පවසනවා.
BBC ලෝක සේවය සිකුරාදා සිට දිනපතා පස්වරු තුනට කෙටි සංඛ්‍යාතයකින් ගාසා තීරය සඳහා හදිසි ගුවන් විදුලි සේවාවක් දියත් කරන බවත් සඳහන් කර තිබෙනවා.
මේ අතර, ඔස්ට්‍රේලියානු රජය පවසන්නේ තම පුරවැසියන් 20 දෙනෙකු රෆා හරස් මාර්ගය හරහා ගාසා තීරයෙන් පිටව ගිය බවයි.
ඔස්ට්‍රේලියාවේ සහකාර විදේශ කටයුතු අමාත්‍ය Tim Watts පවසා ඇත්තේ තවමත් ගාසා තීරයේ සිටින ඕස්ට්‍රේලියානුවන් 65 දෙනෙකු පිළිබඳව රජය දැනුවත් බවයි.
ඔක්තෝබර් 7 වැනිදා පුද්ගලයන් 239 දෙනෙකු ප්‍රාණ ඇපකරුවන් ලෙස පැහැරගෙන ගොස් පුද්ගලයන් 1,400 ක් ඝාතනය කළ හමාස් ප්‍රහාරයෙන් අනතුරුව, ඊශ්‍රායලය ගාසා තීරයට බෝම්බ හෙලීම ආරම්භ කළා.
ඊශ්‍රායලයේ ප්‍රතිප්‍රහාර ආරම්භ වූ දා සිට 8,700කට වැඩි පිරිසක් මියගොස් ඇති බව ගාසා තීරයේ හමාස් පාලනය කරන සෞඛ්‍ය අමාත්‍යාංශය පවසනවා.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…