2023 එක්දින ලෝක කුසලාන ක්‍රිකට් තරගාවලියේ (World Cup 2023) ශ්‍රී ලංකාව සහ ඉන්දියාව අතර පැවති තරගයෙන් ලකුණු 302 විශිෂ්ට ජයක් වාර්තා කරන්නට ඉන්දීය කණ්ඩායම සමත් වුණා.
ඒ ශ්‍රී ලංකා කණ්ඩායමේ සියලුම ක්‍රීඩකයින් ලකුණු 55 වැනි අඩු ලකුණු සංඛ්‍යාවකට දවා ගනිමින්.
තරගය පැවැත්වුණේ මුම්බායි හි වන්කඩේ ක්‍රීඩාංගණයේදීයි. තරගයේ කාසියේ වාසිය හිමි කරගත් ශ්‍රී ලංකා නායක කුසල් මෙන්ඩිස් පළමුව පන්දුවට පහරදීමේ අවස්ථාව ඉන්දීය කණ්ඩායමට ලබාදුන්නා.
ඊට නිසි පිළිතුරු දුන් ඉන්දීය ක්‍රීඩකයින් සිය පන්දුවාර 50 අවසානයේ කඩුලු 08 දැවී ලකුණු 357 ක් ලබා ගත්තා.
ලකුණු 358ක දැවැන්ත ඉලක්කයක් හඹා යාමට පිටියට පිවිසි ශ්‍රී ලංකා කණ්ඩායමට සියලුම ක්‍රීඩකයින් දැවී ලබා ගැනීමට හැකි වූයේ ලකුණු 55ක් පමණයි.
එහිදී ශ්‍රී ලංකා කණ්ඩායම වෙනුවෙන් කසුන් රාජිත ලකුණු 14ක්ද, ඇන්ජලෝ මැතිව්ස් ලකුණු 12ක්ද, මහීෂ් තීක්ෂණ නොදැවී ලකුණු 12 ක්ද රැස්කර ගැනීමට සමත් වුණා.
ශ්‍රී ලංකා කණ්ඩායමේ වෙනත් කිසිදු ක්‍රීඩකයෙකුට ලකුණු 10 සීමාව ඉක්මවා යාමට හැකියාවක් ලැබුණේ නැහැ.
ඉන්දීය පන්දු යවන්නන් විසින් ලකුණු 10ක් අතිරේක ලකුණු ලෙස ලබා දුන්නා. මෙම ජයග්‍රහණයත් සමඟින් ඉන්දීය කණ්ඩායම 2023 ලෝක කුසලාන තරගාවලියේ අවසන් පූර්ව වටයට සුදුසුකම් ලබනු ඇති.
අඛණ්ඩව දෙවන දිනයටත් කොළඹ කොටස් වෙළෙඳපොළ සියලු කොටස් මිල දර්ශකය, අද (04) ඉතිහාසයේ ඉහළම අගය…
පාරිභෝගික කටයුතු පිළිබද අධිකාරිය විසින් ඉකුත් අප්‍රේල් මාසයේ සිදුකළ විමර්ශනයකදී නීතියේ රැහැනට හසුකරගත් ව්‍යාජ ලෙස…
ගණේමුල්ල සංජීව ඝාතන සිද්ධිය සම්බන්ධයෙන් අත්අඩංගුවට ගෙන රක්ෂිත බන්ධනාගාර ගතකර සිටින වෙඩික්කරු යැයි කියන සමිඳු…
ත්‍රිකුණාමලය කුච්චවේලි මුහුදු ප්‍රදේශයේදී නීතිවිරෝධී ක්‍රම භාවිත කරමින් මසුන් අල්ලමින් සිටි ධීවරයන් සමග යාත්‍රා 11ක්…
වෙළෙඳ අමාත්‍යවරයා වශයෙන් කටයුතු කළ සමයේ ස.තො.ස ආයතනයේ සේවකයින් ඔවුන්ගේ නිල රාජකාරී වලින් ඉවත් කර…
ජාතික ලොතරැයි මණ්ඩලයේ හිටපු අධ්‍යක්ෂ තුසිත හල්ලොලුව ජුනි 6 වැනිදා දක්වා තවදුරටත් රක්ෂිත බන්ධනාගාර ගත…