ඔස්ට්‍රේලියානු කාන්තාවකට ලිංගික අතවර කළ බවට එල්ලවූ චෝදනාවෙන් නිදහස් වූ ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලකට ඔහුගේ නඩු ගාස්තු සියල්ල ගෙවීමට නියෝග කර තිබෙනවා.
ඒ අනුව මෙම නඩුව විභාග කළ සිඩ්නි අධිකරණ විනිසුරු සාරා හගේට් නියෝග කළේ ගුණතිලකගේ නඩු ගාස්තු ඔහුට ලබාගත හැකි පරිදි සහතිකයක් නිකුත් කරන ලෙසයි.
මේ අතර ධනිෂ්කට එරෙහිව එරට පොලීසිය අසාධාරණ ලෙස කටයුතු කර ඇති බව සිඩ්නි අධිකරණය තීන්දු කර තිබෙනවා.
විනිසුරු සාරා හගේට් ඉදිරියේ වියදම්වලට අදාළ නඩු කටයුත්ත අද (24දා) ආරම්භ කර ඇති අතර එහිදී ඇය පවසා ඇත්තේ රජයේ පාර්ශ්වයෙන් පැවරූ එම නඩුව සම්බන්ධයෙන් සැලකිය යුතු ගැටලු පවතින බවයි.
පසුගිය වසරේ පැවති විස්සයි20 ලෝක කුසලාන තරගාවලියේදී ඔස්ට්‍රේලියානු තරුණියකට ඇයගේ නිවසේදී අතවර කළ බවට ගුණතිලකට චෝදනා එල්ල වුණා.
අනතුරුව සිඩ්නි පොලීසිය විසින් ඔහුව පසුගිය වසරේ නොවැම්බර් මාසයේදී අත්අඩංගුවට ගත් අතර මාස 09කට ආසන්න කාලයක් ඔහුට එරට බන්ධනාගාරයේ, නිවාස අඩස්සියේ සහ කොන්දේසි සහිතව කාලය ගත කිරීමට සිදුවුණා.
නඩු විභාගයකින් අනතුරුව ගුණතිලක පසුගිය සැප්තැම්බර් මාසයේදී චෝදනා සියල්ලෙන්ම නිදහස් වුණු අතර, මේවනවිට ඔහු ශ්‍රී ලංකාවට පැමිණ ක්‍රිකට් පුහුණුවීම් ආරම්භ කර තිබෙනවා
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය දරාගත නොහැකිව වැවකට පැන සියදිවි නසාගැනීමට උත්සාහ කර…
අධ්‍යාපන ඩිජිටල් පරිවර්තනය සඳහා වූ කාර්ය සාධක බලකායක් ස්ථාපිත කිරීමට කැබිනට් අනුමැතිය ලැබී ඇති බව…
ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම…
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…
හිටපු අමාත්‍ය ඩලස්ගේ වට්ස්ඇප් ගිණුම වෙනත් අයෙකු විසින් හැක් කර ඇති බව වාර්තා වේ. අනතුරුව…