ශ්‍රී ලංකා ක්‍රිකට් ආයතනය විසින් ලබාදුන් මුදල් අවභාවිතය සම්බන්ධයෙන් හිටපු ක්‍රීඩා අමාත්‍ය රොෂාන් රණසිංහට එරෙහිව අල්ලස් හෝ දූෂණ චෝදනා විමර්ශන කොමිෂන් සභාව වෙත නිල වශයෙන් පැමිණිල්ලක් ගොනු කර ඇති බව ශ්‍රී ලංකා ක්‍රිකට් ආයතනය නිවේදනය කරයි.
නිවේදනයක් නිකුත් කරමින් ශ්‍රී ලංකා ක්‍රිකට් ආයතනය කියා සිටියේ ශ්‍රී ලංකාවේ අනෙකුත් විවිධ ක්‍රීඩා සංවර්ධනය සඳහා ජාතික ක්‍රීඩා අරමුදලට මෙම මුදල් ලබාදී ඇති බවය.
පාර්ලිමේන්තු මන්ත්‍රී රොෂාන් රණසිංහ විසින් ශ්‍රී ලංකා ක්‍රිකට් ආයතනය විසින් වෙන්කර ඇති මුදල් අපේක්ෂිත අරමුණු සඳහා යෙදවීම පිළිබඳව නිසි පරිදි අනාවරණය නොකිරීම හේතුවෙන් මෙම පැමිණිල්ල ගොනු කිරීමට ශ්‍රී ලංකා ක්‍රිකට් ආයතනය තීරණය කර ඇත.
රොෂාන් රණසිංහ මන්ත්‍රීවරයා මාධ්‍ය වෙත හෙළි කළ තොරතුරු සහ ශ්‍රී ලංකා ක්‍රිකට් ආයතනය තොරතුරු දැනගැනීමේ පනත යටතේ අයදුම්කර ලබා ගත් තොරතුරු පැහැදිලි විෂමතාවයක් හේතුවෙන් මෙම පියවර ගෙන ඇති බව ක්‍රිකට් ආයතනය විසින් නිකුත් කළ නිවේදනයේ සඳහන් වේ.
මූල්‍ය ගණුදෙණුවල අඛණ්ඩතාව පවත්වා ගැනීමේ වැදගත්කම සහ නියමිත අරමුණු සඳහා එම අරමුදල් යෙදවීම සහතික කිරීමේ වැදගත්කම අවධාරණය කරන ශ්‍රී ලංකා ක්‍රිකට් ආයතනය, අල්ලස් කොමිසමට ගොනු කර ඇති විධිමත් පැමිණිල්ල මගින් ක්‍රීඩා ක්ෂේත්‍රය තුළ ඉහළම පාලන ප්‍රමිතීන් සහ ආචාර ධර්ම ආරක්ෂා කිරීමට ශ්‍රී ලංකා ක්‍රිකට් ආයතනයේ කැපවීම අවධාරණය කරන බව පැවසීය.
අල්ලස් කොමිසම මේ සම්බන්ධයෙන් පුළුල් පරීක්ෂණයක් පවත්වා කරුණු සොයා බලා අවශ්‍ය පරිදි සුදුසු පියවර ගනු ඇතැයි ද ශ්‍රී ලංකා ක්‍රිකට් ආයතනය විශ්වාසය පළ කළේය. එම ප්‍රකාශවලට ප්‍රතිචාර දක්වමින් හිටපු ක්‍රීඩා අමාත්‍ය රොෂාන් රණසිංහ ශ්‍රී ලංකා ක්‍රිකට් ආයතනය එල්ල කරන චෝදනා මුළුමනින්ම ප්‍රතික්ෂේප කළේය. පසුගියදා සිය ක්‍රීඩා අමාත්‍ය ධුරයෙන් නෙරපා හරින ලද පාර්ලිමේන්තු මන්ත්‍රී රොෂාන් රණසිංහ පැවසුවේ ක්‍රීඩා අමාත්‍යාංශයට අදාළ නිල කටයුතු සඳහා එම මුදල් යොදවා ඇති බවය.
එම වියදම් ක්‍රීඩා අමාත්‍යාංශය විසින් විගණනය කර ඇති බවද ඔහු වැඩිදුරටත් පැවසීය.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…