පැය 48කට තැපෑල නතර වෙයි !

ඒකාබද්ධ තැපැල් වෘත්තිය සමිතිය විසින් පැය 48ක සංකේත වැඩවර්ජනයක් ආරම්භ කර තිබෙනවා.

ඒ, තැපැල් දෙපාර්තමේන්තුවේ පාලන සහ මෙහෙයුම් ගැටලුවලට විසඳුම්දීමට බලධාරීන් අපොහොසත්වීමට විරෝධය දක්වමින්.

අද (10) පස්වරු 4.00ට ආරම්භ කළ මෙම වැඩ වර්ජනය ලබන අනිද්දා (12) මධ්‍යම රාත්‍රිය දක්වා ක්‍රියාත්මක වනු ඇති.

රටපුරා තැපැල් කාර්යාල 653ක්, උප තැපැල් කාර්යාල 3,410ක් සහ සියලුම පරිපාලන කාර්යාලවල කටයුතු අඩාල වන බවයි ඒකාබද්ධ තැපැල් වෘත්තිය සමිතිය සඳහන් කළේ.

මෙම වැඩවර්ජනය සඳහා සේවකයන් 27,000ක් පමණ එකතු වන බවයි වාර්තා වන්නේ.