සිම්බාබ්වේ තරඟාවලිය සඳහා 21 දෙනෙකුන්ගෙන් සමන්විත ශ්‍රී ලංකා කණ්ඩායමේ මුලික එක්දින සංචිතය නම් කෙරේ!

සිම්බාබ්වේ කණ්ඩායමේ එළඹෙන ශ්‍රී ලංකා තරග සංචාරය සදහා ක්‍රීඩකයින් 21 දෙනෙකුගෙන් යුත් මූලික ශ්‍රී ලංකා එක්දින සංචිතය නම් කර ඇති බව නිල නොවන ආරංචි මාර්ග වාර්තා කරනවා.

ආබාධයක් හේතුවෙන් ලෝක කුසලාන තරගාවලිය අහිමි වූ සුපිරි තුන් ඉරියව් ක්‍රීඩක වනිදු හසරංග මෙම සංචිතය සදහා කැදවීමටයි පියවර ගෙන ඇත්තේ.

ආබාධය සුව කර ගැනීම සදහා වනිදු ශල්‍යකර්මයකට ද මුහුණ දුන්නා. අවිශ්ක ප්‍රනාන්දු, නුවනිදු ප්‍රනාන්දු, ජනිත් ලියනගේ, කමිදු මෙන්ඩිස්, අකිල ධනංජය, අසිත ප්‍රනාන්දු, ජෙෆ්රි වැන්ඩර්සේ, සහන් ආරච්චිගේ හා චාමික ගුණසේකර වැනි ක්‍රීඩකයින් ද සංචිතයට කැදවීමට උපුල් තරංගගේ සභාපතිත්වයෙන් යුත් නව තේරීම් කමිටුව පියවර ගෙන ඇති බව සදහන්.

නිමා වූ ලෝක කුසලාන තරගාවලියේ දී තරග දෙකක් ක්‍රීඩා කිරීමෙන් පසුව ආබාධයක් හේතුවෙන් තරගාවලියෙන් ඉවත් වීමට සිදු වූ නායක දසුන් ශානක ද මෙම මූලික සංචිතයට ඇතුළත් කර තිබෙනවා.

ලෝක කුසලාන එක්දින ක්‍රිකට් තරගාවලිය සදහා වූ ශ්‍රී ලංකා සංචිතයට ඇතුළත්ව සිටි කුසල් පෙරේරා, දිමුත් කරුණාරත්න, ධනංජය ද සිල්වා, දුෂාන් හේමන්ත, කසුන් රාජිත, මතීෂ පතිරණ, ඇන්ජෙලෝ මැතිව්ස් හා ලහිරු කුමාර මෙම මූලික සංචිතයට නම් කර නැහැ.

පිතිකරුවන් ලෙස කුසල් මෙන්ඩිස්, චරිත් අසලංක, පැතුම් නිස්සංක, සධීර සමරවික්‍රම, අවිශ්ක ප්‍රනාන්දු, නුවනිදු ප්‍රනාන්දු, ජනිත් ලියනගේ සංචිතයට ඇතුළත්. මූලික සංචිතයට නම් කර ඇති තුන් ඉරියව් ක්‍රීඩකයින් වන්නේ දසුන් ශානක, චාමික කරුණාරත්න, වනිදු හසරංග, දුනිත් වෙල්ලාලගේ, සහන් ආරච්චිගේ හා කමිදු මෙන්ඩිස්. දුෂ්මන්ත චමීර, ඩිල්ෂාන් මදුෂංඛ, අසිත ප්‍රනාන්දු, ප්‍රමෝද් මදුෂාන් හා චාමික ගුණසේකර වේග පන්දු යවන්නන් ලෙසත්, මහීෂ් තීක්ෂණ, අකිල ධනංජය, ජෙෆ්රි වැන්ඩර්සේ දග පන්දු යවන්නන් ලෙසත් සංචිතයට නම් කර තිබෙනවා.

කෙසේ වෙතත්, ශ්‍රී ලංකා ක්‍රිකට් ආයතනය සිම්බාබ්වේ තරගාවලිය සදහා වන ශ්‍රී ලංකා සංචිතය නිල වශයෙන් මෙතෙක් නිවේදනය කර නැහැ.

ශ්‍රී ලංකා – සිම්බාබ්වේ එක්දින තරගාවලිය ජනවාරි 6 වැනිදා ද, 20යි 20 තරගාවලිය ජනවාරි 14 වැනිදා ද ආරම්භ වීමට නියමිතයි. දෙවැනි එක්දින තරගය හා තෙවැනි එක්දින තරගය පිළිවෙලින් පැවැත්වෙන්නේ ජනවාරි 8 වැනිදා හා 11 වැනිදායි. දෙවැනි හා තෙවැනි 20යි 20 තරග ජනවාරි 16 හා 18 යන දිනවලදී පැවැත්වීමට නියමිතයි.

සියලු තරග කොළඹ ආර්.ප්‍රේමදාස ක්‍රීඩාංගනයේ දී පැවැත්වීමටයි ශ්‍රී ලංකා ක්‍රිකට් ආයතනය තීරණය කර ඇත්තේ.

තරග සංචාරය ආරම්භ කරමින් සිම්බාබ්වේ කණ්ඩායම ජනවාරි 3 වැනිදා දිවයිනට පැමිණීමට නියමිතව තිබෙනවා.

ක්‍රීඩකයින් 21 දෙනෙකුගෙන් යුත් මූලික ශ්‍රී ලංකා එක්දින සංචිතය පහතින්,

පිතිකරුවන්	තුන් ඉරියව් ක්‍රීඩකයින්	පන්දු යවන්නන්
කුසල් මෙන්ඩිස් (නායක)	චරිත් අසලංක	දුෂ්මන්ත චමීර
පැතුම් නිශ්ශංක	වනිඳු හසරංග	මහිෂ් තීක්ෂණ
සධිර සමරවික්‍රම	දසුන් ශානක	ඩිල්ශාන් මධුෂංක
අවිශ්ක ප්‍රනාන්දු	චාමික කරුණාරත්න	අසිත ප්‍රනාන්දු
නුවනිඳු ප්‍රනාන්දු	දුනිත් වෙල්ලාලගේ	ප්‍රමෝද් මදුශාන්
	ජනිත් ලියනගේ	අකිල ධනංජය
	කමිඳු මෙන්ඩිස්	ජෙෆ්රි වැන්ඩර්සේ
	සහන් ආරච්චිගේ	චාමික ගුණසේකර