ශ්‍රී ලංකා ක්‍රිකට් ඉතිහාසයේ ක්‍රීඩාවට නුසුදුසු පජාතම හැසිරීම් සහිතව සිටියදී ශ්‍රී ලංකා කණ්ඩායමේ නායකත්වයට පත් කළ කුසල් මෙන්ඩිස් මේ බරසාර තනතුරට තමන් කිසිසේත් නොගැලපෙන බව ඊයේ බ්ලූම්ෆීල්ඩ් එස්.එස්.සී තරගය අතර ලකුණු නොලබා දැවී යෑමෙන් පසු බ්ලූම්ෆීල්ඩ් ක්‍රීඩාගාරයේ දොරක් කුඩු කිරීමෙන් යළිත් සනාථ කර තිබේ.
මේ ජඩ නොහික්මුණු කමින් අනතුරුව තමන් ලකුණු නොලබා දවා ලූ බ්ලූම්ෆීල්ඩ් කණ්ඩායමේ එකෙක් හෝ ශ්‍රී ලංකා කණ්ඩායමට නොගන්නා බව තර්ජනය කිරීමත් සමග බ්ලූම්ෆීල්ඩ් ක්‍රීඩා සමාජයේ කළමනාකාරිත්වය මෙම අශිෂ්ඨ හැසිරීම සම්බන්ධව තරගයේ තීරකවරයාට සහ විනිසුරුවරුන්ට ලිඛිතව දැන්වීමෙන් පසු එම වාර්තාව ද සහිතව තරගයේ අවසන් වාර්තාව තරග තීරකවරයා විසින් ශ්‍රී ලංකා ක්‍රිකට් වෙත යොමු කර තිබේ.
වාර්තාවන පරිදි සිද්ධිය මෙසේය.
කුසල් මෙන්ඩිස් මේ වනවිට ශ්‍රී ලංකා කණ්ඩායමේ නායකත්වය සඳහා නව ක්‍රිකට් තේරීම් කමිටුව විසින් නම් කර තිබෙන පසුබිමක ඊයේ එස්.එස්.සී සහ බ්ලූම්ෆීල්ඩ් කණ්ඩායම් අතර බ්ලූම්ෆීල්ඩ් ක්‍රීඩාංගනයේ පැවති තරගයේ දී ජෙෆ්රි වැන්ඩර්සේ ගේ පන්දුවකට ලකුණු නොලබා දැවී ගියේය.
ඒ ස්ලිප් ක්‍රීඩකයෙක් වෙත පහසු උඩපන්දුවක් ලබා දීමෙනි. මේ දැවී යෑමත් සමග වියරුවෙන් ක්‍රීඩාගාරයට පැමිණෙන කුසල් මෙන්ඩිස් ක්‍රීඩාගාර ප්‍රවේශයේ යකඩ දොරට පහර දී එයට අලාභානි සිදුකර තිබිණි. මේ සමග ඇතිවුන විශාල සද්දය කුමක්දැයි බැලීමට බ්ලූම්ෆීල්ඩ් ක්‍රීඩා සමාජයේ කළමනාකාරවරයා ක්‍රීඩාගාරයට එන විට වියරුවෙන් සිටි කුසල් මෙන්ඩිස්ව දැක ඇතත් දැවී යාමේ ලජ්ජාව සහ වේදනාව නිසා හැසිරෙන ආකාරය සම්බන්ධව වැඩි තැකීමක් නොකර එතැනින් ඉවත් වී යන්නට සැරසි තිබේ. ඒ අවස්ථාවේ දී කළමනාකාරවරයාට පරුෂ වචනයෙන් බැන වැදී ඇති කුසල් මෙන්ඩිස්
“තොපි කුණු විකට් හදලා… මේවයෙ කොහොමද බැට් කරන්නේ.. බලන් ඉඳපල්ලා… බ්ලූම්ෆීල්ඩ් එකෙක් ශ්‍රී ලංකා ගස්සන්නේ නෑ…”
ලෙස තර්ජනය කර තිබේ.
මේ අශිෂ්ට තර්ජනය පිළිබඳව බ්ලූම්ෆීල්ඩ් කළමනාකාරිත්වය විසින් තරග තීරකවරයාට සහ විනිසුරුවරුන්ට ලිඛිතව දන්වා තිබේ.
තරගයේ අවසන් වාර්තාවට එම පැමිණිල්ල ද අමුණා ඇතැයි වාර්තා වේ. පිත්තෙන් පන්දුවට ගැසීම ක්‍රිකට් නොවේ. එය වෙනම සංස්කෘතික ශික්ෂණයකි. එවැනි සම්භාව්‍ය ක්‍රීඩාවක ජාතික කණ්ඩායමේ නායකත්වය ත්‍රාඩ ගොබ්බයෙකුට පැවරීම සිදුකරන එකම රට ශ්‍රී ලංකා විය හැකිය.
ඒ අපරාධය කරනු ලබන්නේ ලෝකයේ විශිෂ්ටම නායකයෙක් ලෙස සලකන, නායකත්වයේ වගකීම සහ ශික්ෂණය ගැන හොඳින්ම දන්නා මහේල ජයවර්ධන ශ්‍රී ලංකා ක්‍රිකට් පිළිබඳ ප්‍රධාන තීන්දු ගැනීමේ පුටුවක සිටිය දී.
සනත් ජයසූරිය, ප්‍රධාන උපදේශකයෙක් ලෙසත් උපුල් තරංග තේරීම් කමිටු සභාපති ලෙසත් සිටිය දී ය. උපුල් තරංගත් ජාතික තේරීම් කමිටු සභාපති ධූරයට කෙතරම් සුදුසු දැයි ප්‍රශ්නයක් ඇති වී තිබෙන අවස්ථාවක ඔහුගේ තේරීම් කමිටුව මෙවැනි ගොබ්බ තීරණ ගැනීම පසුපස සැලසුම් සහගත යමක් සිදුවෙමින් ඇති දැයි ක්‍රීඩාලෝලී අපට සිතෙන්නේය.
කුසල් මෙන්ඩිස් යනු කවදාවත් හැදෙන්නේ නැති ත්‍රාඩයෙක් බව අවස්ථා ගණනාවක දී ඔප්පු කර තිබිණි. ඔහු වරෙක නයිට්ක්ලබ් ගොස් කටගොන්නක් බීගෙන රිය ධාවනය කරමින් අහිසංක පෙදරේරුවෙක් මරා දැම්මේය.
කොවිඩ් ජෛව බුබුල බිදිමින් සිගරට් බිබී ලන්ඩනයේ වීදි ගානේ ඇවිදිමින් ද ක්ලබ්වල පිස්සු කෙළිමින් ද මන්දබුද්ධිකයන් සේ හැසිරුනේ ජාතික කණ්ඩායම එක දිගට නින්දා සහගත ලෙස මැච් පරදිමින් සිටියදී ය.
එල්.පී.එල් තරගාවලියේ දී තරගය මැද චාමික කරුණාරත්නට ගහන්නට ගිය ආකාරය අපි සජීවීව බලාගෙන සිටියෙමු.
මේ කිරෙන් බාල වූ අර්ධ පරිණාමික වඳුරුපැටියාට ශ්‍රී ලංකා ක්‍රිකට් නායකත්වය දෙන්නට තීරණය කරන තේරීම් කමිටුව සම්බන්ධව දැන් අපට සැකයක් තිබේ.
කුසල් මෙන්ඩිස් මෙම ගැටලුවත් සමඟ එල්ල කරන චෝදනාව වෙනමම එකකි. මෙවර තරගවාරයේ පමණක් නොව දේශීය තරඟාවලි රටාව තුල පිතිකරණයට නුසුදුසු දඟ පන්දු යවන්නන්ටම පමණක් ගැලපෙන තණතිලි තිබීම නිසා ගෙවුණු සතියේ ලකුණු 200 සීමාව ඉක්මවා ඇත්තේ එක් කණ්ඩායමක් පමණි. කිසිදු පිතිකරුවෙකුට සාර්ථක ඉනිමක් ගොඩ නැගීමට හැකියාවක් නොලැබීම ද විශේෂත්වයකි.
නමුත් අන්තර්ජාතික මට්ටමේ ක්‍රීඩකයින්ට මුහුණ දිමට සිදුවන අභියෝගය වෙනම එකකි. වේග පන්දුවට හිතකර, ඊටත් වඩා පිතිකරුවන්ගේ පාරාදිසයන් සහිත ක්‍රීඩාංගන ලොව පුරා තරඟාවලි සඳහා භාවිතා වීම වත්මන් ක්‍රිකට් ප්‍රවණතාවයි.
ශ්‍රී ලංකා ක්‍රිකට් ඒ පිළිබඳව දිගින් දිගටම නොසලකා හරින බව දක්නට ලැබෙන බව සැවොම දන්නා සත්‍යයක්. ක්‍රීඩා කළමනාකරණ ය තුල තණතිලි පිලිබඳ අවධානය යොමු නොකරන පාලකයින් ක්‍රීඩකයින්ට ඇඟිලි දිගුවීම තුල සිය වැරදි සඟවා ගන්නේ මෙලෙසයි.
තත්වයන් එසේ වුවත් කුසල් මෙන්ඩිස් මේ නිරුපණය කරන්නේ ශ්‍රී ලංකා ක්‍රිකට් තවදුරටත් ක්ලාසි ක්‍රීඩාවක් නොවන බවයි. අර්ජුන, සිදත්, සනත්, අරවින්ද, මාවන්, සංගක්කාර, මහේල, මැතිව්ස් නියෝජනය කල ශ්‍රී ලංකා මහත්මා ක්‍රිකට් සන්නාමය මෙන්ඩිස් ලා විසින් විනාස කරමින් සිටින්නේ මෙලෙසයි.
”සිරි දළඳා වන්දනාව” අද (19) දෙවන දිනටත් පැවැත්වීමට කටයුතු සූදානමින් ඇත. ඒ අනුව ශ්‍රී දළඳා…
මනම්පිටිය ආයුර්වේද පෙදෙසේ පිහිටි ‘ජීවමාන ක්‍රිස්තු දේවස්ථානය’ නම් වූ සිද්ධස්ථානයට වෙඩි තබා පලාගිය සැකකරු පොලීසිය…
ජනාධිපති අනුර කුමාර දිසානායක සිදු කරන ලද ප්‍රකාශයෙන් ජාතික ජන බලවේගයට බලය හිමි නොවන පළාත්…
කම්කරු නියෝජ්‍ය අමාත්‍ය මහින්ද ජයසිංහ විසින් අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කර ඇති බව…
යේමනයේ රාස් ඊසා ඉන්ධන වරායට අමෙරිකානු හමුදාව විසින් ගුවන් ප්‍රහාරයක් එල්ල කර ඇති බව විදෙස්…
ඊශ්‍රායල ගුවන් ප්‍රහාරයකින් අත් දෙකම අහිමි වූ ගාසා තීරයේ තරුණ පලස්තීන පිරිමි ළමයෙකුගේ ඡායාරූපයක් වසරේ…