පෙම්වතා සමඟ එක්ව මව ඝාතනය කළ දියණියට ලැබුණ දඩුවම මෙන්න !

පෙම්වතා සමග එක්ව සිය මව ඝාතනය කර සිරුර ‘සූට් කේස්’ එකක සැඟවීම සම්බන්ධයෙන් වරදකරු වූ කාන්තාවකට වසර 26ක සිර දඬුවමක් නියම කර ඇති බව ජාත්‍යන්තර මාධ්‍ය වාර්තා කරයි.

එසේ සිර දඬුවම් ලබා දී ඇත්තේ 28 හැවිරිදි හීතර් මැක් නම් අමෙරිකානු කාන්තාවකට ය.

2014 වසරේදී බාලි දූපතේ නිවාඩුවක් ගත කරන අතරතුර ශීලා වොන් වීසා-මැක් ව හුස්ම හිර කර හිසට පහරදී ඝාතනය කර තිබුණි.

ඇය ධනවත් කාන්තාවකි.

පසුව හෙළිවූයේ එවකට 18 හැවිරිදි වියේ පසුවූ හීතර් මැක් ඇයගේ පෙම්වතා වූ ටොමී ශීෆර් සමග එක්ව ඇයව ඝාතනය කර සිරුර සූට් කේස් එකක දමා තිබූ බවයි.

මළ සිරුර සහිත සූට් කේසය මෝටර් රථයක ඩිකියේ සඟවා තිබියදී හමුවූ අතර ඒ වනවිට මැක් සිය පෙම්වතා සමග වෙනත් හෝටලයක නවාතැන් ගෙන සිටි බව පරීක්ෂණවලදී අනාවරණ වුණි.

ඉන්දුනීසියාවේදී අත්අඩංගුවට ගත් මැක් ට 2015 දී වසර 10ක සිරදඬුවමක් නියම කළ අතර නමුත් ඇයව 2021 වසරේදී නිදහස් කෙරුණි.

අනතුරුව අමෙරිකාවට පැමිණි ඇයව එහිදී අත්අඩංගුවට පත්වූයේ අමෙරිකානු පුරවැසියෙක් ව ඝාතනය කිරීමට කුමන්ත්‍රණය කිරීම සම්බන්ධයෙනි.

අධිකරණ නියෝගය ලැබෙන තෙක් ඇය පසුගිය වසර දෙක චිකාගෝ බන්ධනාගාරයේ රඳවා සිටියා ය.

ඇයගේ පෙම්වතා වූ ටොමී ශීෆර් තවමත් ඉන්දුනීසියාවේ සිරගත කර සිටියි.