වහාම ක්‍රියාත්මක වන පරිදි සිළුමිණ කර්තෘ ධර්මන් වික්‍රමරත්නගේ සේවය අත්හිටුවීමට ලේක් හවුස් පාලන අධිකාරිය තීරණය කර ඇත.
මූල්‍ය අක්‍රමිකතාවන් කිහිපයක් සම්බන්ධයෙන් වන චෝදනා මත ඔහුට මෙසේ ඉවත්වන ලෙස දන්වා ඇතැයි ද පැවසේ.
මූල්‍ය අක්‍රමිකතා දෙකක් ඇතුළු චෝදනා හතරක් සම්බන්ධයෙන් ඔහුට විරුද්ධව මේ වන විට ලේක්හවුස් මානව සම්පත් අංශය, රජයේ විගණකාධිපති දෙපාර්තමේන්තුව හා ලේක්හවුස් අභ්‍යන්තර විගණන අංශයද පරීක්ෂණයක් ආරම්භ කර ඇතැයි වාර්තා වෙයි.
සිළුමිණ කර්තෘ මණ්ඩලයෙන්ද ඔහුට විරෝධයක් එල්ලවී ඇති බව පැවසේ.
පසුගිය බදාදා ලේක්හවුස් සභාපතිවරයා සහ අධ්‍යක්ෂ මණ්ඩලය මේ සම්බන්ධයෙන් ධර්මන් වික්‍රමරත්නව සහ සිළුමිණ කර්තෘ මාණ්ඩලිකයින් ගෙන්වා විශේෂ කරුණු විමසීමක් ද සිදු කර ඇති අතර එහිදී ධර්මන් වික්‍රමරත්න දැඩි ලෙස උරණ වූ බවද වාර්තා වෙයි. කෙසේ නමුත් සිළුමිණ කර්තෘ මාණ්ඩලිකයින් එහිදී ඔහුගේ අකටයුතුකම් සහ අත්තනෝමතික ලෙස ක්‍රියා කරන ආකාරය පිළිබඳව දීර්ඝව දැනුවත් කර තිබෙනවා.
කෙසේ නමුත් උද්ගතවූ තත්වය හමුවේ ලේක්හවුස් පාලන අධිකාරිය ඔහුට දන්වා ඇත්තේ තාවකාලිකව කර්තෘධූරයෙන් ඉවත් වන ලෙසයි. ඒ අනුව ධර්මන් වික්‍රමරත්න සිය ලිපිලේඛන සහ ඔහුට අයත් බඩුබාහිරාදිය රැගෙන ලේක් හවුස් වෙතින් නික්ම ගොස් ඇතැයි වාර්තා වෙනවා.
ධර්මන් හිටපු මුදල් අමාත්‍ය බැසිල් රාජපක්ෂ මහතාගේ කිට්ටුවන්තයකු ලෙස සැලැකේ.
බැසිල් රාජපක්ෂ හිතවාදියෙක් ලෙස ප්‍රකට ධර්මන් වික්‍රමරත්න මෙම ප්‍රශ්නය ඔහුටද දන්වා ඇති අතර එල්ලවී ඇති චෝදනා හමුවේ තමාට මේ මොහොතේ මේ සම්බන්ධයෙන් මැදිහත්විය නොහැකි බව බැසිල් රාජපක්ෂ දැනුම්දී තිබෙන බවද විශ්වාසදායක ආරංචිමාර්ග සදහන් කරයි.
ජනාධිපති අනුර කුමාර දිසානායක සිදු කරන ලද ප්‍රකාශයෙන් ජාතික ජන බලවේගයට බලය හිමි නොවන පළාත්…
කම්කරු නියෝජ්‍ය අමාත්‍ය මහින්ද ජයසිංහ විසින් අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කර ඇති බව…
යේමනයේ රාස් ඊසා ඉන්ධන වරායට අමෙරිකානු හමුදාව විසින් ගුවන් ප්‍රහාරයක් එල්ල කර ඇති බව විදෙස්…
ඊශ්‍රායල ගුවන් ප්‍රහාරයකින් අත් දෙකම අහිමි වූ ගාසා තීරයේ තරුණ පලස්තීන පිරිමි ළමයෙකුගේ ඡායාරූපයක් වසරේ…
මැතිවරණ කොමිෂන් සභාව එළැඹෙන 21 වැනිදා රැස්වීමට නියමිතව ඇතැයි වාර්තා වේ. ඒ ජනාධිපති අනුර කුමාර…
සිංහල අවුරුදු උත්සව සමයේ ආරක්ෂාව සම්බන්ධයෙන් සැලකිලිමත් වන ලෙස ඊශ්‍රායලයේ රැදී සිටින ශ්‍රී ලාංකිකයන්ට තානාපති…