බන්ධනාගාරගතව සිටින ප්‍රභූ පුද්ගලයන්ට බන්ධනාගාර රෝහල තුළ ජීවිතය සතුටින් ගතකිරීමට වැලිකඩ බන්ධනාගාරය භාර වෛද්‍ය නිලධාරිනිය ඉඩ ලබාදී ඇති බවට රජයේ වෛද්‍ය නිලධාරීන්ගේ සංසදය චෝදනා කරයි.
එම වෛද්‍ය නිලධාරිනියගේ බලතල අවභාවිත කිරීම සම්බන්ධයෙන් සෞඛ්‍ය අමාත්‍යාංශයට දිගින් දිගටම පැමිණිලි කළද බලධාරීන් මුනිවත රකින බව සංසදයේ සභාපති වෛද්‍ය රුක්ෂාන් බෙල්ලන ඩේලි මිරර් වෙත පවසා ඇත.
“මෙම වෛද්‍ය නිලධාරියාගේ ක්‍රියාකලාපය නිසා ප්‍රභූවරුන්ට පමණක් නොව සිරගත කරන ලද මත්ද්‍රව්‍ය ජාවාරම්කරුවන්ටද බන්ධනාගාර රෝහල තුළ සුවපහසු ලෙස රැඳී සිටීමට ඉඩ ලැබී තිබෙනවා” ඔහු පවසයි.
මේ තත්ත්වය තුළ වැලිකඩ බන්ධනාගාරයේ සිටින සැබෑ රෝගීන්ට ප්‍රතිකාර ලබාගැනීමේ අවස්ථාව අහිමි වී ඇති බව හෙතෙම පෙන්වාදෙයි.
මීට අමතරව, මානව හිමිකම් කවුන්සිලයට සහ තවත් පාර්ශව කිහිපයකට පැමිණිලි ඉදිරිපත් කර ඇති නමුත් තවමත් වෛද්‍යවරියට එරෙහිව කිසිදු පියවරක් ගෙන නොමැති බව ඔහු සඳහන් කරයි.
ඉහත කී වෛද්‍යවරිය ප්‍රධාන වෛද්‍ය නිලධාරියා යන මුද්‍රාව යටතේ සේවයට පැමිණ ඇති බවත්, වසර පහකට අධික කාලයක් එහි සේවය කිරීමට සෞඛ්‍ය අමාත්‍යාංශය අවසර දී ඇති බවත් වෛද්‍ය රුක්ෂාන් බෙල්ලන වැඩිදුරටත් ප්‍රකාශ කරයි.
කොළඹ ගංවතුර පාලනය කිරීම සඳහා ආරම්භ කරන ලද ‘වේරන්ස් ගඟ ව්‍යාපෘතිය’ සඳහා වෙන් කරන ලද…
බෲනායි කණ්ඩායමට එරෙහිව වසර 16කට පසු පාපන්දු තරග ජයක් වාර්තා කිරීමට ශ්‍රී ලංකා කණ්ඩායම අද…
ඉඩම් ගොඩකිරීමේ සහ සංවර්ධන කිරීමේ සංස්ථාවේ හිටපු සාමාන්‍යාධිකාරී එම්.ආර්. ශ්‍රීමති මල්ලිකා කුමාරි සේනාධීර අල්ලස් හෝ…
පාසල් ආශ්‍රිත පරිසරය මදුරුවන්ගෙන් තොරව ආරක්ෂිතව පවත්වාගෙන යාම සඳහා නිකුත් කර ඇති උපදෙස් පිළිපදින ලෙස…
නිලධාරීන්ට තම පරණ පුරුදු අත්හැර අලුත් වීමට කාලය පැමිණ ඇති තිබෙන බවත් එසේ වෙනස් වන්නේ…
දින දෙකක් වයසැති කුඩා බිළිඳෙකු රුපියල් 75,000ක මුදලකට අලෙවි කිරීමට තැත්කිරීමේ චෝදනාවට වරදකරු කෙරුණු 46…