අනියම් සම්බන්ධතාවයක් මත ඇතිවූ ආරවුලක් හේතුවෙන් සූරියවැව, පෝල්පහ ප්‍රදේශයේදී දෙදරු මව කපාකොටා ඝාතනය කිරීමේ සිද්ධියේ ප්‍රධාන සැකකරු ගෙළ වැළලාගෙන මියගොස් සිටියදී හමුවී තිබේ.
සැකකරු සූරියවැව, බැද්දෙවැව විහාරස්ථානය ආසන්නයේ ගසක ගෙළ වැළලාගෙන මියගොස් සිටියදී අද (07) පෙරවරුවේ සොයා ගත් බව සූරියවැව පොලීසිය පැවසීය.
මෙලෙස සියදිවි නසාගෙන ඇත්තේ සූරියවැව, බැද්දේවැව පෝල්පහ ප්‍රදේශයේ පදිංචි ප්‍රදීප් අනුරාධ නමැති 39 හැවිරිදි තිදරු පියෙකි.
මියගිය සැකකරු විසින් සූරියවැව පෝල්පහ ප්‍රදේශයේම පදිංචි 38 හැවිරිදි දෙදරු මවක වූ සුරංගිකා නදීශානී නමැති කාන්තාවගේ හිස ප්‍රදේශයට තියුණු ආයුධයකින් පහරදී ඝාතනය කර තිබුණි.
සිද්ධිය සම්බන්ධයෙන් සූරියවැව පොලීසිය වැඩිදුර පරීක්ෂණ පැවැත්වු අතර එහිදී අනාරවරණය වී තිබුණේ මියගිය කාන්තාව හා සැකකරු අතර කලක් තිස්සේ අනියම් සම්බන්ධතාවයක් පවත්වා ඇති බවය.
දෙදෙනා අතර ඇතිවූ ආරවුලක් හේතුවෙන් සැකකරු විසින් ඇයව ඝාතනය කර ඇති බවද සැක කෙරෙයි.
සැකකරු විසින් ඇයව ඝාතනය කිරිමෙන් පසු ඒ පිළිබඳව සූරියවැව පොලීසියටද දුරකථන ඇමතුමක් ලබාදී ප්‍රදේශයෙන් පළාගොස් තිබුණි.
ඒ අනුව සැකකරුව අත්අඩංගුවට ගැනීමට පොලිස් විමර්ශන පැවැත්වෙමින් තිබියදී සැකකරු සූරියවැව බැද්දේවැව විහාරස්ථානය අසල ගසක එල්ලී සියදිවි නසාගෙන ඇති බවට පොලිසිය විසින් සොයාගෙන තිබේ.
සීදූව, රාජපක්ෂපුර ප්‍රදේශයේ වෙඩි තැබීමක් වාර්තා වේ. එම වෙඩි තැබීමෙන් පුද්ගලයෙකු තුවාල ලබා රෝහල් ගත…
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…