එල්.ටී.ටී.ඊ. සංවිධානය හා ශ්‍රී ලංකා ආරක්ෂක හමුදා අතර යුද්ධයේ අවසන් අදියරේදී යුද හමුදාවට භාරවූ එල්.ටී.ටී.ඊ. සාමාජිකයන් සම්බන්ධයෙන් තොරතුරු ලබානොදීම අභියෝගයට ලක්කරමින් ගොනුකර ඇති පෙත්සමක් පිළිබඳ කරුණු විමසීම සඳහා ලබන මාර්තු 28 වැනිදා අධිකරණය හමුවේ පෙනීසිටින ලෙස දන්වා අභියාචනාධිකරණය ඊයේ (07) ශ්‍රී ලංකා යුද හමුදාවට නොතිසි නිකුත් කර ඇත.
පෙත්සම්කාර ජනමාධ්‍යවේදී නිරෝෂ් කුමාර් වෙනුවෙන් පෙනීසිටි නීතිඥ ස්වස්තිකා අරුලිංගම් කළ කරුණු දැක්වීම් සළකා බැලූ අභියාචනාධිකරණ විනිසුරු ඩී. එන්. සමරකෝන් එම නියෝගය කර තිබේ.
පෙත්සම්කාර ජනමාධ්‍යවේදියා 2019 වසරේ අප්‍රේල් මස තොරතුරු දැනගැනීමේ පනත යටතේ ශ්‍රී ලංකා යුද හමුදාවෙන් එම තොරතුරු ඉල්ලා තිබූ අතර, එම තොරතුරු ලබානොදීම සම්බන්ධයෙන් තොරතුරු දැනගැනීමේ කොමිෂන් සභාවට පැමිණිලිකර ඇත.
එකී එල්.ටී.ටී.ඊ. සාමාජිකයන් සම්බන්ධයෙන් හෝ ඔවුන් භාරගත් නිලධාරීන් සම්බන්ධයෙන් තොරතුරු යුද හමුදාව සතුව නොමැති බව ශ්‍රී ලංකා යුද හමුදාව දැනුම්දී ඇතැයි පවසමින් 2023 වසරේදී තොරතුරු දැනගැනීමේ කොමිෂන් සභාව තීන්දුවක් ලබාදී තිබේ.
එකී තීන්දුවට එරෙහිව ජනමාධ්‍යවේදී නිරෝෂ් කුමාර් මෙම පෙත්සම අභියාචනාධිකරණයට ගොනුකර ඇත.(දිවයින)
ජාත්‍යන්තර පන්දුවාර 20 ශ්‍රේණිගත කිරීම්වල නවතම යාවත්කාලීන කිරීම මේවන විට ICCය විසින් සිදු කර තිබෙනවා.…
පසුගිය වසර 10 සැලකීමේදී මෙරට උපත් අනුපාතය සැලකිය යුතු ආකාරයෙන් පහළ ගොස් ඇති බව, ළමා…
මේ වසරට අදාල විසර්ජන පනත් කෙටුම්පත අග්‍රාමාත්‍ය ආචාර්ය හරිනි අමරසූරිය අද පාර්ලිමේන්තුවට ඉදිරිපත් කරනු ලැබුවා. ඒ…
ශ්‍රී ලංකාවට එරෙහිව ඉදිරියේ දී පැවැත්වීමට නියමිත ටෙස්ට් තරගාවලියට තෝරාගත් ඔස්ට්‍රේලියානු සංචිතය අද (9) ප්‍රකාශයට…
වසර 19කට පෙර කාන්තාවක් සහ ඇයගේ දින 17ක් වයසැති නිවුන් දරුවන් ඝාතනය කිරීමේ ඝාතන නඩුව…
කොළඹ කොටුව සිට බදුල්ල දක්වා ඊයේ (08) දින ධාවනය කළ 1007 මගි ප්‍රවාහන දුම්රියේ ගමන්…