මරියා මව්තුමියට සමාන ස්වරූපයෙන් කඳාන නගරය ආශ්‍රිතව රාත්‍රී කාලයේ සැරිසරන නාඳුනන කාන්තාවකගේ දර්ශණ ඇතුළත් වීඩියෝ රැසක් පසුගිය දින කිහිපය පුරා සමාජයේ වඩාත් කතා බහට ලක් වුණා.
අදාළ කාන්තාවගේ අනන්‍යතාව සම්බන්ධයෙන් මේ වන විට තොරතුරු අනාවරණය කරගෙන ඇති බවයි අප කළ විමසීමක දී කඳාන පොලිසිය සඳහන් කළේ.
සුදු පැහැති ඇඳුමකින් සැරසී රාත්‍රී කාලයේදී කඳාන නගරය තුළ සැරිසැරූ මෙම කාන්තාව සම්බන්ධයෙන් පසුගිය දින කිහිපය පුරා සමාජය තුළ දැඩි කතාබහකට ලක්වුණා.
විදෙස් කාන්තාවක බවට සැකකළ හැකි ඇය මරියා තුමියගේ ස්වරූපය නිරූපණය කරන බවද ඇතැමුන් පැවසුවා. ඒ අනුව ඇගේ අනන්‍යතාවය සම්බන්ධයෙන්ද සමාජය තුළ පැවතියේ දැඩි කුතුහලයක්.
මෙම සිදුවීම සම්බන්ධයෙන් කඳාන පොලිසියෙන් විමසීමක් සිදුකළේ ඒ අනුවයි.
පොලිසිය සඳහන් කළේ ඇය රුසියානු ජාතික කාන්තාවක් බව, සිදුකළ පරීක්ෂණවලදී හෙළි වූ බවයි . ඇය මෙරටට පැමිණ බෞද්ධ දර්ශණයේ පවතින භාවනා ක්‍රම සම්බන්ධයෙන් අධ්‍යයන කටයුතු වල නිරත වන බවටද පොලිසිය කරුණු අනාවරණය කරගෙන තිබෙනවා.
ඇය කතෝලික ආගමේ කාන්තාවක් වුවද බෞද්ධ දර්ශණය සම්බන්ධයෙන් ඇති ළැදියාව මත ඒ සම්බන්ධයෙන් අධ්‍යයනය කරන බවත් ඒ අතරතුර කඳාන ප්‍රදේශයේ පිහිටි කතෝලික පල්ලියක් වෙත යමින් සිටියදී රූ ගත කළ දර්ශන සමාජ මාධ්‍යයේ සංසරණය වී ඇති බවත් පොලිසිය වැඩිදුරටත් සඳහන් කළා.
දුම්රිය රියැදුරන් අද(06) දහවල් 12 සිට මුහුදුබඩ මාර්ගයේ දුම්රිය ධාවනයෙන් ඉවත් වීමට තීරණය කර ඇති…
කොළඹ ගංවතුර පාලනය කිරීම සඳහා ආරම්භ කරන ලද ‘වේරන්ස් ගඟ ව්‍යාපෘතිය’ සඳහා වෙන් කරන ලද…
බෲනායි කණ්ඩායමට එරෙහිව වසර 16කට පසු පාපන්දු තරග ජයක් වාර්තා කිරීමට ශ්‍රී ලංකා කණ්ඩායම අද…
ඉඩම් ගොඩකිරීමේ සහ සංවර්ධන කිරීමේ සංස්ථාවේ හිටපු සාමාන්‍යාධිකාරී එම්.ආර්. ශ්‍රීමති මල්ලිකා කුමාරි සේනාධීර අල්ලස් හෝ…
පාසල් ආශ්‍රිත පරිසරය මදුරුවන්ගෙන් තොරව ආරක්ෂිතව පවත්වාගෙන යාම සඳහා නිකුත් කර ඇති උපදෙස් පිළිපදින ලෙස…
නිලධාරීන්ට තම පරණ පුරුදු අත්හැර අලුත් වීමට කාලය පැමිණ ඇති තිබෙන බවත් එසේ වෙනස් වන්නේ…