අපරාධ පරීක්ෂණ දෙපාර්තමේන්තුව රැඳවුම් නියෝග යටතේ අත්අඩංගුවේ පසුවන මහා පරිමාණ මත්ද්‍රව්‍ය ජාවරම්කරුවෙකු හා සංවිධානාත්මක අපරාධකරුවෙකු වන පානදුර කුඩු සලිඳුගේ මත්ද්‍රව්‍ය ජාලය ඩුබායි සිට මෙහෙයවන අසිත නමැත්තාගේ ඥාති සහෝදරියක වන පැට්ටා අක්කා නමැත්තිය හොරොයින් මත්කුඩු මිලිග්‍රෑම් 10571ක්, ජාවාරමින් උපයාගත් රුපියල් 22 ලක්ෂ 47,450ක් සමඟ පානදුර මහවිල මාදුපිටිය ප්‍රදේශයේදී අත්අඩංගුවට ගත් බව පානදුර වලාන මධ්‍යම දූෂණ මර්දන ප්‍රහාරක බළකාය පවසනවා.
සැකකාරිය විකිණීම සඳහා මත්ද්‍රව්‍ය රැගෙන එන බවට පානදුර වලාන මධ්‍යම දූෂණ මර්දන ප්‍රහාරක බළකායේ ස්ථානාධිපති ප්‍රධාන පොලිස් පරීක්ෂක ඉන්දික වීරසිංහ මහතාට ලද තොරතුරකට අනුව පොලිස් සැරයන් 428 ජයලාල් මහතා ඇතුළු බුද්ධි නිලධාරීන් යොදවා අනාවරණය කර ගත් තොරතුරු අනුව මෙම වැටලීම සිදු කර තිබෙනවා.
සැකකාරිය මහවිල මාදුපිටිය ප්‍රදේශයේදී අත්අඩංගුවට ගැනීමෙන් අනතුරුව පොලිස් කාන්තාවක ලවා සැකකාරිය පරීක්ෂා කිරීමේ දී රහස් ප්‍රදේශයේ සඟවා තිබූ මෙම මත්ද්‍රව්‍ය ප්‍රමාණය සොයා ගැනීමට හැකි වූ බවයි පොලිසිය පවසන්නේ.
මේ අතර වැටලීම සඳහා පැමිණෙන පොලිස් නිලධාරීන්ට සපා කෑම සඳහා විශේෂයෙන් පුහුණු කරන ලද දරුණු ගණයේ සුනඛයන් සිව් දෙනෙකුද නිවසේ මත්ද්‍රව්‍ය ජාවාරම කරගෙන යාම සඳහා ආරක්ෂාව වෙනුවෙන් ඇති බව පොලිසිය පවසනවා.
මීට පෙර අවස්ථාවක දී අත්අඩංගුවට ගැනීමට පැමිණි සාජන් මේජර්වරයෙකු සපාකා තුවාල කිරීම සඳහා සම්බන්ධයෙන් මෙම කාන්තාවට එරෙහිව පානදුර අධිකරණයේ නඩුවක්ද විභාග වෙමින් පවතින අතර සැකකාරියට එරෙහිව මත්කුඩු ළඟ ලබා ගැනීම සම්බන්ධයෙන් මහාධිකරණයේ නඩු දෙකක්ද විභාග වෙමින් පවතින බවයි පැවසෙන්නේ.
ඊට අමතරව පැමිණෙන පොලිස් නිලධාරින් දුර සිට නිරීක්ෂණය කිරීම සඳහා යොදවා තිබූ අතර වැටලීම සඳහා පැමිණෙන පොලිස් නිලධාරීන්ට ක්ෂණිකව නිවසට ඇතුළු වීම වැළැක්වීම සඳහා නිවස වටා පිහිටි තාප්පය හා සම්බන්ධ කර යකඩ වැටක් යොදා ඇති බවයි වාර්තාවන්නේ.
කුඩු සලිඳුගේ මත්ද්‍රව්‍ය ජාලයේ මත්ද්‍රව්‍ය අරන් කිරීම සම්බන්ධයෙන් මෙම සැකකාරියගේ පියා ස්වාමිපුරුෂයා සහ වැඩිමල් සහෝදරයාද මේ වන විටත් පොලිස් අත්අඩංගුවේ පසුවෙන අතර අත්අඩංගුවට ගත් 26 හැවිරිදි සැකකාරිය පානදුර පින්වත්ත පොලිසි ස්ථානය වෙත ඉදිරිපත් කරන රැඳවුම් නියෝග ලබාගෙන වැඩිදුර විමර්ශන සිදුකිරීමට නියමිතයි.
මෙවර IPL ශූරයන් ලෙස කිරුළ පැළඳි රෝයල් චැලෙන්ජර්ස් බැංගලෝරු කණ්ඩායමේ ජය සැමරුම සඳහා බැංගලෝරුහිදී අද…
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය හේතුවෙන් සියදිවි හානිකර ගැනීමට උත්සහ දැරීමේ සිද්ධිය සම්බන්ධයෙන්…
මෙම වසරේ පළමු කාර්තුව තුළ දී ඩොලර් මිලියන 650ක සෘජු විදේශ ආයෝජන ප්‍රමාණයක් ශ්‍රී ලංකාවට…
කාර්යාල පරිශ්‍ර තුළ මුඛ ආවරණ පැළඳීමේ අවශ්‍යතාවයක් නොමැති බව සෞඛ්‍ය හා ජනමාධ්‍ය අමාත්‍යංශයේ ලේකම් විශේෂඥ…
අඛණ්ඩව දෙවන දිනයටත් කොළඹ කොටස් වෙළෙඳපොළ සියලු කොටස් මිල දර්ශකය, අද (04) ඉතිහාසයේ ඉහළම අගය…
පාරිභෝගික කටයුතු පිළිබද අධිකාරිය විසින් ඉකුත් අප්‍රේල් මාසයේ සිදුකළ විමර්ශනයකදී නීතියේ රැහැනට හසුකරගත් ව්‍යාජ ලෙස…