නාරාහෙන්පිට කිංග්ස් රෝහලෙන් ලබාදුන් එන්නතක් විස වී රෝගියකු මිය යෑමේ සිද්ධියට අදාළ සියලුම සැකකරුවන් අත්අඩංගුවට ගෙන අධිකරණයට ඉදිරිපත් කරන ලෙස කොළඹ අතිරේක මහෙස්ත්‍රාත් පසන් අමරසිංහ මහතා කොළඹ අපරාධ කොට්ධාසයට නියෝග කර ඇත.
එම සිදුවීමට අදාළව සැකපිට විශේෂඥ වෛද්‍යවරයෙකු, රෝහල් කාර්ය මණ්ඩලයේ සේවකයන් කිහිපදෙනෙකු හා එහි අධ්‍යක්ෂ මණ්ඩල සාමාජිකයන් අත්අඩංගුවට ගැනීමට නියමිතය.
මීට ඉහත දී මෙම පුද්ගලයන්ගෙන් පොලිසිය ප්‍රශ්නකර ප්‍රකාශ සටහන් කරගෙන තිබුණි.
එම එන්නත විස වී මියගොස් ඇත්තේ නාරාහේන්පිට, ඇන්ඩර්සන් මහල් නිවාසවල පදිංචි පියල් හේමන්ත ගනේපොල නමැති අයෙකි.
අදාළ මරණකරු වන රෝගියා ඉකුත් 2023 මැයි 30 වැනිදා රෝහල වෙත ඇතුළත් කර තිබෙන බවත්, එම අවස්ථාවේදී රෝගියා පරීක්ෂා කළ වෛද්‍යවරුන් ඔහු හට ‘Amoxicillin’ ඖෂධය අසාත්මික බව වාර්තා කර තිබෙන බවත් පොලිසිය අධිකරණයට දන්වා සිටියේය.
එසේ සටහන් කර තිබියදී අසාත්මිකතාව ඇති ඖෂධ වර්ගයේ ඖෂධයක් රෝගියා වෙත එන්නතක් මාර්ගයෙන් ලබාදීමෙන් අනතුරුව ජුනි 02 වැනිදා ඔහු මියගොස් ඇති බවද පොලිසිය අධිකරණයට දන්වා සිටියේය.
මෙම මරණයට අදාළ පශ්චාත් මරණ පරීක්ෂණය පැවැත්වූ ප්‍රධාන අධිකරණ වෛද්‍ය නිලධාරී අජිත් තෙන්නකෝන් මහතාගේ අධීක්ෂණය යටතේ අධිකරණ වෛද්‍ය එම්. එස්. රුහුල් හක් විසින් අදාළ මරණයට හේතුව වශයෙන් මරණකරු රෝහලේ ප්‍රතිකාර ලබමින් සිටියදී වෛද්‍යවරුන් විසින් ලබාදී ඇති ප්‍රතිජීවක අසාත්මිකතාවක් හේතුවෙන් මරණය සිදුවී ඇති බවට වාර්තා කර ඇතැයිද පොලිසිය අධිකරණයට දන්වා ඇත.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…