කැනඩාවේ ඔටාවාහි මෑත ඉතිහාසයේ සිදු වූ දරුණුතම සමූහ ඝාතනය පිළිබඳ ප්‍රධාන තොරතුරු සන්නිවේදනය කිරීමේදී තමන් අතින් වැරදි සිදු වූ බව ඔටාවා පොලිසිය පිළිගෙන තිබේ.
පසුගිය මාර්තු 6 වැනි දින දකුණු ඔටාවාහි උපනගරයක් වන බාර්හේවන්හි නිවසක් තුළ මවක්, දරුවන් සිව්දෙනෙකු ඇතුළු ශ්‍රී ලාංකිකයින් 06 දෙනෙකු ඝාතනය කොට තිබියදී සොයා ගැනුණි.
මියගිය ශ්‍රී ලංකික කාන්තාවගේ සැමියා සහ මෙන්ම දරුවන්ගේ පියා තවමත් රෝහල්ගතව ප්‍රතිකාර ලබන අතර ඝාතනයට ලක්වූ පවුල සමඟ ජීවත් වූ 19 හැවිරිදි තරුණයකු පළමු මට්ටමේ මිනීමැරුම් චෝදනා හයකට සහ මිනීමැරීමට තැත් කිරීමේ චෝදනාවකට අත්අඩංගුවට ගනු ලැබිය.
එදින පස්වරුවේ පැවති ප්‍රවෘත්ති සාකච්ඡාවකදී, අත්අඩංගුවේ පසුවන පුද්ගලයා “Frank D’Souza” ලෙස ඔටාවා පොලිසිය විසින් සඳහන් කල අතර, කෙසේවෙතත් ඔහුගේ නම ෆෙබ්‍රියෝ ද සොයිසා ලෙස පසුව නිවැරදි කර තිබෙනවා.
පොලිසියට අනුව ඔවුන්ට මෙම සිදුවීම සම්බන්ධයෙන් ඇමතුම් ලැබීමට පටන්ගෙන තිබුණේ පසුගිය බදාදා රාත්‍රී 10:52 ටය. ඊට මිනිත්තු කිහිපයකට පසුව ඔවුන් ප්‍රතිචාර දක්වා ඇති අතර සිද්ධියට අදාළ විත්තිකරු රාත්‍රී 11ට පමණ අත්අඩංගුවට ගැනුණු බව පැමිණිලිකරුවෝ අධිකරණයේ දී පැවසූහ.
කිසිදු තුවක්කුවක් සම්බන්ධ නොවූ මෙම ඝාතනයන් ඛේදවාචකයට පසු දින, ඔටාවා පොලිස් සේවයේ ප්‍රධානී එරික් ස්ටබ්ස් විසින් මෙම ඝාතනය “සමූහ වෙඩි තැබීමක්” ලෙස හැඳින්වූ අතර, වින්දිතයන්ගේ නම්ද නැවත නැවතත් වැරදි ලෙස දක්වා තිබිණි.
ඉන්පසුව පසුගිය බ්‍රහස්පතින්දා පැවති ප්‍රවෘත්ති සාකච්ඡාවෙන් පසුව, ඔටාවා පොලිස් සේවය විසින් පෙර ලබා දුන් වින්දිතයන්ගේ නම් නිවැරදි කිරීමට වෙනම විද්‍යුත් තැපැල් පණිවිඩ පහක් නිකුත් කර තිබිණි.
පළමු සටහනේ නම් හයෙන් තුනක් වැරදි වූ අතර, දෙවැනි විද්‍යුත් තැපෑලෙහි නම් තුනක විවිධ දෝෂ අඩංගු විය. තුන්වැනි විද්‍යුත් තැපැල් පණිවිඩයෙන් නම් දෙකක් සහ වින්දිතයකුගේ වයස නිවැරදි කර තිබිණි.
CBC ප්‍රවෘත්ති සේවය විසින් අදාළ පණිවිඩයේ තවත් දෝෂ සලකුණු කිරීමෙන් පසුව, ඔටාවා පොලිස් සේවය තවත් නිවැරදි කිරීමක් සමඟ පිළිතුරු දුන්නේය. ඉන්පසුව, සවස 3ට ඔවුන් අවසන් නිවේදනය නිකුත් කර තිබිණි.
CBC ප්‍රවෘත්ති සේවය වෙත ප්‍රකාශයක් කරමින්, ඔටාවා පොලිස් සේවය විසින් සිය වැරදි පිළිගත්තේය.
බාර්හේවන්හි ඝාතන සම්බන්ධයෙන්, පොලිසිය පැවසුවේ, නම් එකතු කිරීමේදී විශ්වසනීය මූලාශ්‍ර කිහිපයකින් තොරතුරු ලබාගත් බවත්, ලැබුණු සමහර තොරතුරු වැරදි බව පිළිගන්නා බවත්ය.
කෙසේවෙතත් හැකි ඉක්මනින් ඒවා නිවැරදි කිරීමට පියවර ගත් බව ද ඔටාවා පොලිස් සේවය පවසයි.
https://youtu.be/e2zqe-IZNv8
ශ්‍රේෂ්ඨාධිකරණය මඟින් ප්‍රකාශයට පත්කිරීමට යෙදුණු තීන්දු ප්‍රජාතන්ත්‍රවාදය හා නීතියේ ආධිපත්‍යය ශක්තිමත් කිරීමට හේතුවූ බව අගවිනිසුරු…
රජයේ මුදල් පිළිබඳ කාරක සභාවේ සහ ක්‍රම හා විධි පිළිබඳ කාරක සභාවේ ඇති වූ පුරප්පාඩුව…
පෞද්ගලික ආයතනයක් සතු දෙමහල් ගොඩනැගිල්ල සහිත ඉඩමක් ව්‍යාජ ඔප්පුවක් සකස් කර, රුපියල් ලක්ෂ 36කට බදු…
මෙරට සංචාරක ව්‍යාපාරය වර්ධනය කිරීමේ අරමුණින් තවත් රටවල් 40කට වීසා ගාස්තු අය නොකිරීමට රජය තීරණය…
වෙසක් පොහොය දිනය දා ජනාධිපති පොදු සමාව යටතේ අධිකරණයෙන් නිදහස්ව යමින් මහත් ආන්දෝලනයක් ඇති කළ…