දයාසිරිගෙන් අලුත් සන්ධානයක් !

ශ්‍රී ලංකා නිදහස් පක්‍ෂ හිටපු මහ ලේකම් පාර්ලිමේන්තු මන්ත්‍රී දයාසිරි ජයසේකරගේ නායකත්වයෙන් යුතුව සන්ධානයක් පිහිටු තිබෙනවා.

‘මානුෂීය ජනතා සන්ධානය’ ලෙසින් එය නම් කර ඇති අතර ලබන 20 දා සවස 2.00ට කොළඹ ලක්‍ෂමන් කදිරගාමර් ජාත්‍යන්තර මධ්‍යස්ථානයේ එය එළි දැක්වීමට නියමිතයි.

සිවිල් සංවිධාන හතළිහකට ආසන්න සංඛ්‍යාවක් නව සන්ධානයට සහයෝගය ලබාදීමට කැමැත්ත පළ කර ඇති බවයි සන්ධානයේ මාධ්‍ය අංශය සඳහන් කරන්නේ.

එමෙන්ම උතුරු නැඟෙනහිර සහ කඳුකරයේ ලියාපදිංචි පක්‍ෂ නව සන්ධානය සමග ගිවිසුම් අත්සන් කිරීම ද මෙදිනම සිදු කෙරෙන බවයි වාර්තා වන්නේ.

ඒ අනුව නව සන්ධානයේ ප්‍රතිපත්තිවලට ප්‍රධාන පක්‍ෂයක් එකඟ වුවහොත් ඔවුන්ට සන්ධානයේ සහයෝගය ලබාදෙන අතර එසේ නොවුණහොත් ජාතික මැතිවරණයේ දී මානුෂීය ජනතා සන්ධානයේ නායකයා ලෙස දයාසිරි ජයසේකර ජනාධිපති අපේක්‍ෂකයා ලෙස තරග කරන බවද සඳහන්.