ගෝඨාගේ හිටපු ශාරීරික පුහුණු උපදේශකයෙක් කුඩුත් සමග මාට්ටු – පාතාලයට සම්බන්ධදැයි සොයා විශේෂ විමර්ශනයක්!

හිටපු ජනපති ගෝඨාභය රාජපක්ෂගේ ශාරිරික පුහුණු උපදේශකවරයෙකු ලෙස කලක් කටයුතු කළ බව කියන හිටපු කොමන්ඩෝ සෙබලෙක් මහනුව කොට්ඨාස අපරාධ විමර්ශන අංශය විසින් මත් කුඩු සමග අත් අඩංගුවට ගෙන තිබේ.
හෙරොයින් ග්‍රෑම් දෙකක් සමග මෙසේ අත් අඩංගුවට ගෙන ඇති කොමන්ඩෝ සෙබලා විනය කඩ කිරිම් ගණනාවක් මත යුද හමුදාවෙන් ඉවත් කිරීමෙන් අනතුරුව පසු කාලයේ දී පාතාලය හා සම්බන්ධ වෙමින් මත්කුඩු ජාවාරමේ යෙදි ඇතැයි විමර්ශන අංශ හෙළි කරගෙන ඇත.

මෙම හිටපු කොමාන්ඩෝ සෙබලා දක්ෂ වෙඩික්කරුවෙක් බවත්, කොමාන්ඩෝ පුහුණුවේ දි දක්ෂම සෙබලුන් දස දෙනා අතරසිටි තරුණ සෙබලෙක් බවත් විමර්ශන අංශ කියයි. මේ වනවිට මෙම පුද්ගලයා පාතාල ඝාතන සඳහා සම්බන්ධ වී ඇතිදැයි යන සැකය මත පරීක්ෂණ සිදුකරන බව පොලිසය පවසයි.

අධිකරණයට කරුණු වාර්තා කර ලබා ගත් රැඳවුම් නියෝග මත මේ වනවිට ඔහු සම්බන්ධ ඉදිරි විමර්ශන ආරම්භ කර ඇත.

.කොට්ඨාස අපරාධ විමර්ශන ඒකකයේ ස්ථානාධිපති ප්‍රධාන පොලිස් පරීක්ෂක තිලක් සමරනායක ගේ උපදෙස් මත පොලිස් පරීක්ෂක වීරරත්න, උප පොලිස් පරීක්ෂක බණ්ඩාර, පොලිස් සැරයන් 32874 ජයවර්ධන සිද්ධිය සම්බන්ධයෙන් වැඩිදුර විමර්ශන සිදු කරයි