දේශබන්දු තෙන්නකෝන්ට පොලිස්පති කාර්යාලයේ රාජකාරි කිරීම වළක්වාලමින් නියෝගයක් නිකුත් කරන මෙන් ඉල්ලා හිටපු පාර්ලිමේන්තු මන්ත්‍රීනී හිරුණිකා ප්‍රේමචන්ද්‍ර ඊයේ ශ්‍රේෂ්ඨාධිකරණයට මූලික අයිතිවාසිකම් පෙත්සමක් ගොනුකළාය.
හිරුණිකා සිය පෙත්සමේ වගඋත්තරකරුවන් ලෙස ජනාධිපති ලේකම් සමන් ඒකනායක, ආණ්ඩුක්‍රම ව්‍යවස්ථා සභාවේ සභාපති කථානායක මහින්ද යාපා අබේවර්ධන, ආණ්ඩුක්‍රම ව්‍යවස්ථා සභාවේ සාමාජිකයින් සහ නීතිපතිවරයා නම් කර තිබේ.
2022 මැයි 09 වන දින ගාලු මුවදොරදී සාමකාමී විරෝධතාකරුවන්ට පහරදීමේ සිද්ධියට අදාළව කොටුව මහේස්ත්‍රාත් අධිකරණය හමුවේ ඇති නඩුවකට අදාළව තෙන්නකෝන් සැකකරුවකු ලෙස නම් කිරීමට නීතිපතිවරයා විසින් දැනුම් දී ඇති බව පෙත්සම්කාරිය සඳහන් කර ඇත.
දේශබන්දු තෙන්නකෝන් හිටපු හමුදා සෙබළෙකුගේ මූලික අයිතිවාසිකම් කඩ කළ බවට ශ්‍රේෂ්ඨාධිකරණ තීරණය කර ඇති බවද ඇය පෙන්වාදී තිබේ.
මෙම පත්කිරීම නීතියේ ආධිපත්‍යයට ඍජු ප්‍රහාරයක් එල්ල කරන බවත්, එහි ප්‍රතිඵලයක් ලෙස ආණ්ඩුක්‍රම ව්‍යවස්ථාවේ 12(1) වගන්තිය මගින් සහතික කර ඇති පෙත්සම්කාරියට සහ රටේ පුරවැසියන්ගේ අයිතිවාසිකම් ප්‍රතික්ෂේප කිරීමක් සහ විශේෂයෙන්ම 41(වගන්තියේ) පැහැදිලි ව්‍යවස්ථාමය ප්‍රතිපාදන නොසළකා හැරීමක් සිදුවන බවත් පෙත්සම්කාරිය වැඩිදුරටත් කියා සිටියි.
වැඩබලන ජනපති ලෙස රනිල් වික්‍රමසිංහ 2022 ජූලි 18 පැනවූ හදිසි නීතිය නීති විරෝධී බවට ශ්‍රේෂ්ඨාධිකරණය…
හයිලෙවල් මාර්ගයේ නුගේගොඩ ගුවන්පාලම මත සිදුවූ රිය අනතුරකින් තරුණයෙක්ට දිවි අහිමි වී ඇති බව වාර්තා…
මිරිගම ප්‍රාදේශීය සභාවේ මන්ත්‍රී ධනේශ රාජපක්ෂට (සජබ) අයත් පල්ලෙවෙල පිහිටි නිවසට පසුගිය 20 අලුයම අනවසර…
අද (23) අලුයම අම්පාර, පදියතලාව, මරංගල ප්‍රදේශයේ පදිංචිව සිටි තරුණියක්ව ඇගේ පෙම්වතා විසින් ගෙල කපා…
ගල්ගමුව ප්‍රදේශයේ තවත් දළ ඇතෙක් අභිරහස් ලෙස මියගොස් ඇති බව වාර්තා වේ. ඇහැටුවැව මුදියන්නෑගම ගාලයාය…
2022 වසරේ මැයි මස 09 වනදා ගාලුමුවදොර "ගෝඨා ගෝ ගම" අරගලයට පහර දීමේ සිද්ධියේ සැකකරුවකු…