හම්බන්තොට දිස්ත්‍රික් මහරෝහලේ සිටි එකම රුධිර පාරවිලයන විශේෂඥ වෛද්‍යවරයාද මීට මස තුනකට පෙර විදේශගත වීම හේතුවෙන් රෝහලේ රුධිර පාරවිලයන කටයුතු සිදු කිරීමට බධා ඇතිවී තිබෙන බව රෝහල් ආරංචි මාර්ග සඳහන් කරයි.
හම්බන්තොට දිස්ත්‍රික්කයේම රුධිර පාරවිලයන කටයුතු වෙනුවෙන් සිටි එකම විශේෂඥ වෛද්‍යවරයා මේ ආකාරයෙන් විදේශගතවීම හේතුවෙන් ආරක්ෂිත රුධිර පාරවිලයනය සහතික කිරීම, රුධිර නිෂ්පාදන නිකුත් කිරීම, රුධිර පරීක්ෂාව සහ ගැළපුම ගැළපීම, ආදී විවිධ කටයුතු අඩාළවීම හම්බන්තොට දිස්ත්‍රික් මහරෝහලට පමණක් නොව දිස්ත්‍රික්කයේම රුධිර පාරවිලයන කටයුතු සිදුකිරීමේදී ගැටලු ඇති වී තිබෙන බව පැවැසේ.
හම්බන්තොට දිස්ත්‍රික් මහ රෝහලේ වැඩබලන නිර්වින්දන විශේෂඥ වෛද්‍ය නිලධාරිනියද නිල දැනුම්දීමක් නොකර රටින් පිටව ගොස් ඇතැයි රෝහල් ආරංචි මාර්ග පසුගියදා අනාවරණය කළේය.
එම වෛද්‍යවරිය කිසිදු විදෙස් නිවාඩුවක් අනුමත කර ගැනීමක් හෝ නිවාඩු අනුමත කර ගැනීමට අයැදුම්පතක් යොමුකර නැති බව වෛද්‍යවරිය රටින් පිටව යෑම සම්බන්ධයෙන් සෞඛ්‍ය සේවා අධ්‍යක්ෂ ජනරාල් වෙත හම්බන්තොට රෝහල් අධ්‍යක්ෂකවරයා යවන ලද ලිපියෙහි සඳහන් කර ඇත.
කැලණිය ප්‍රදේශයේ ඉඩමක් සම්බන්ධයෙන් කූඨ ලේඛන සකස් කර මුදල් වංචා කිරීමේ චෝදනාවකට අදාළව අත්අඩංගුවට ගෙන…
දුම්රිය රියැදුරන් අද(06) දහවල් 12 සිට මුහුදුබඩ මාර්ගයේ දුම්රිය ධාවනයෙන් ඉවත් වීමට තීරණය කර ඇති…
කොළඹ ගංවතුර පාලනය කිරීම සඳහා ආරම්භ කරන ලද ‘වේරන්ස් ගඟ ව්‍යාපෘතිය’ සඳහා වෙන් කරන ලද…
බෲනායි කණ්ඩායමට එරෙහිව වසර 16කට පසු පාපන්දු තරග ජයක් වාර්තා කිරීමට ශ්‍රී ලංකා කණ්ඩායම අද…
ඉඩම් ගොඩකිරීමේ සහ සංවර්ධන කිරීමේ සංස්ථාවේ හිටපු සාමාන්‍යාධිකාරී එම්.ආර්. ශ්‍රීමති මල්ලිකා කුමාරි සේනාධීර අල්ලස් හෝ…
පාසල් ආශ්‍රිත පරිසරය මදුරුවන්ගෙන් තොරව ආරක්ෂිතව පවත්වාගෙන යාම සඳහා නිකුත් කර ඇති උපදෙස් පිළිපදින ලෙස…