ශ්‍රී ලංකාවේ ක්‍රියාත්මක වූ ජාත්‍යන්තර අවන්හල් ජාලයක් වන මැක්ඩොනල්ඩ්ස්හි මෙරට මෙහෙයුම් මේ වන විට අත්හිටුවා තිබෙනවා
පසුගිය දා කොළඹ වානිජ මහාධිකරණය ලබා දුන් වාරණ නියෝගයක් ප්‍රකාරව මෙම මෙහෙයුම් අත්හිටුවීම සිදුව තිබුණා.
මෙම මෙහෙයුම් අත්හිටුවීම හරහා මැක්ඩොනල්ඩ්ස් අවන්හල් ජාලයේ දේශීය නියෝජිතත්වය සම්බන්ධයෙන් මාධ්‍ය වාර්තා කිහිපයක්ම පසුගිය දින කිහිපය තුළ පළ වුණා.
එසේ පළ වූ මාධ්‍ය වාර්තාවක් සම්බන්ධයෙන් ප්‍රතිචාර දක්වමින් අබාන්ස් පීඑල්සී අවධාරණය කරන්නේ මැක්ඩොනල්ඩ් අවන්හල් ජාලයේ දේශීය නියෝජිතත්වය තම සමාගම් සමූහය යටතේ නොපවතින්නක් බවයි.
මැක්ඩොනල්ඩ්ස් අවන්හල් ජාලයේ මෙරට නියෝජිතත්වය ඉන්ටර්නැෂනල් රෙස්ටුරන්ට් සිස්ටම්ස් (පුද්) සමාගම සතුව ඇති බවත් එහි ප්‍රධාන කොටස්කරුවා වන රුසි පෙස්ටොන්ජී මහතා එම සමාගමේ කොටස් ප්‍රාග්ධනයෙන් 98.73% කට හිමිකම් කියනු ලබන බවත් එම නිවේදනයේ සඳහන් වෙනවා.
එසේම රුසි පෙන්ටොන්ජි මහතා අබාන්ස් පීඑල්සී හි කළමනාකාර අධ්‍යක්ෂවරයා බවද අදාළ නිවේදනය සඳහන් කරනවා.
මේ අතර, ඉන්ටර්නැෂනල් රෙස්ටුරන්ට් සිස්ටම්ස් (පුද්) සමාගම අබාන්ස් පීඑල්සී හෝ එහි මව් සමාගම වන අබාන්ස් රිටේල් හෝල්ඩිංග්ස් (පුද්) සමාගමේ අනුබද්ධ සමාගමක් නොවන බවද මෙම නිවේදනය නිකුත් කරමින් අබාන්ස් පීඑල්සී හි අධ්‍යක්ෂ සරොෂි ඩුබාෂ් මහත්මිය පවසා තිබුණා.
ජනාධිපති අනුර කුමාර දිසානායක සිදු කරන ලද ප්‍රකාශයෙන් ජාතික ජන බලවේගයට බලය හිමි නොවන පළාත්…
කම්කරු නියෝජ්‍ය අමාත්‍ය මහින්ද ජයසිංහ විසින් අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කර ඇති බව…
යේමනයේ රාස් ඊසා ඉන්ධන වරායට අමෙරිකානු හමුදාව විසින් ගුවන් ප්‍රහාරයක් එල්ල කර ඇති බව විදෙස්…
ඊශ්‍රායල ගුවන් ප්‍රහාරයකින් අත් දෙකම අහිමි වූ ගාසා තීරයේ තරුණ පලස්තීන පිරිමි ළමයෙකුගේ ඡායාරූපයක් වසරේ…
මැතිවරණ කොමිෂන් සභාව එළැඹෙන 21 වැනිදා රැස්වීමට නියමිතව ඇතැයි වාර්තා වේ. ඒ ජනාධිපති අනුර කුමාර…
සිංහල අවුරුදු උත්සව සමයේ ආරක්ෂාව සම්බන්ධයෙන් සැලකිලිමත් වන ලෙස ඊශ්‍රායලයේ රැදී සිටින ශ්‍රී ලාංකිකයන්ට තානාපති…