මීගමුව නගරය අවට වහාම ක්‍රියාත්මක වූ වසා දැමූ සම්බාහන මධ්‍යස්ථාන 53ක සේවය කළ තරුණියන් 120 දෙනා අතරින් හමුවූ එච්.අයි.වී ඒඩ්ස් ආසාදිත දෙදෙනාගෙන් කෙනෙක් වයස අවුරුදු 15ක බාල වයස්කාර දැරියක බව පොලිසිය අනාවරණය කරගෙන තිබේ.
මෙම දැරිය සිය ඥාතීන් සමග ඇති වූ ආරවුලක් මත නිවසින් පිටවී පැමිණි පසු යම් පුද්ගලයෙක් විසින් ඇයව මෙම සම්බාහන මධ්‍යස්ථානයට යොමු කර ඇති බවත් එහිදී ඇයව අති විශාල පිරිසක් සමග ලිංගික සම්බන්ධතා සඳහා යොමුකරමින් ගණිකා වෘත්තියේ යොදවා ඇති බවත් අනාවරණය වී ඇත.
එච්.අයි.වී පැතිරී යෑමේ අවදානම සම්බන්ධව හෙළිදරව් වන්නේ මතට ඇබ්බැහි වූ පුද්ගලයන් වෛද්‍ය සායන සඳහා යොමු කෙරෙන “සවිය වැඩසටහන” අතරතුර මීගමුව කොච්චිකඩේ ප්‍රදේශයේ එක් මත්ලෝලියෙකු HIV ආසාදිතයෙකු බවට තහවුරුවීමත් ඔහු මීගමුව ප්‍රදේශයේ සම්බාහන මධ්‍යස්ථාන වෙත නිරන්තරයෙන් පැමිණෙන අයෙකු බවට හෙළිවීමත් සමග ය.
මේ තොරතුරත් සමග මීගමුව කොට්ඨාසය භාර පොලිස් අධිකාරී එරික් පෙරේරා ගේ මෙහෙයවීමෙන් මීගමුව පොලිස් කොට්ඨාසය තුළ පවත්වාගෙන යන සම්බාහන මධ්‍යස්ථාන 53ක් මීගමුව පොලිසිය විසින් හදිසි පරීක්ෂාවකට ලක් කෙරුණේය.
එය සතියක පමණ කාලයක සිට දියත් වූ මෙහෙයුමක් විය.
මෙහෙයුම අතර මෙම සම්බාහන මධ්‍යස්ථානවල සේවා සැපයූ තරුණියන් 120ක් පොලිස් භාරයට ගෙන ඔවුන් වෛද්‍ය පරීක්ෂණ සඳහා යොමුකළ විට ඉන් දෙදෙනෙක් එච්.අයි.වී ආසාදිතයන් බවත් 08 දෙනෙක් වෙනත් සමාජ රෝග ආසාදනය වූ කාන්තාවන් බවත් හෙළිදරව් වී තිබේ.
15 හැවිරිදි දැරිය මේ එච්.අයි.වී ආසාදිත දෙදෙනාගෙන් කෙනෙකි.
එම 15 හැවිරිදි දැරිය සමග ලිංගික සබඳතා පැවැත්වූ එක් අයෙකු අත්අඩංගුවට ගෙන මේ වනවිට රක්ෂිත බන්ධනාගාරගත කර ඇති බව පොලිසිය කියයි. එච්.අයි.වී ආසාදිත දෙදෙනා සමග සම්බන්ධතා පැවැත්වූ පිරිස හඳුනා ගැනීමේ මෙහෙයුමක් ද දියත් වී තිබේ.
මෙම මෙහෙයුම අතර දී හෙළි වන්නේ මීගමුව පොලිස් කොට්ඨාසයේ කිසිම සම්බාහන මධ්‍යස්ථානයක් විධිමත් නීත්‍යානුකූල අවසරයක් යටතේ පවත්වාගෙන ගොස් නැති බවය.
නගර සභාවේ අවසරයකින් තොරව බලපත්‍ර රහිතවපවත්වාගෙන ගොස් ඇති මෙම සම්බාහන මධ්‍යස්ථාන නියාමනය කිරීමේ අවකාශයක් ද නාගරික කොමසාරිස්වරයාට අවකාශයක් තිබී නැත.
මේ වනවිට එම සියලුම සම්බාහන මධ්‍යස්ථාන වසා දමා ඒ මධ්‍යස්ථානවල නාම පුවරු සියල්ල ද ගලවා දමා තිබේ.
මෙම පරීක්ෂා කිරීම්වලින් අනතුරුව මීගමුව පොලිස් කොට්ඨාසයේ මීගමුව, කොච්චිකඩේ සහ සීදුව යන ප්‍රදේශ තුළ සියලු සම්බාහන මධ්‍යස්ථාන වසා දැමීමට මීගමුව පොලීසිය මේ වන විට කටයුතු කර තිබේ.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…