පොලිස් විශේෂ කාර්ය බළකායේ නිලධාර්න් භාවිත කරන නිල ඇඳුම් ඇඳ ටී 56 ගිනි අවි අතැතිව ගම්පහ ප්‍රධාන පාසලක කැඩෙට් කණ්ඩායමක් පෙළපාලියක (පෙරඩ්) පෙනීසිටි බව කියන සිද්ධියක් සම්බන්ධයෙන් ගම්පහ මූලස්ථාන පොලිසිය මගින් ඊයේ (07දා) විමර්ශන ආරම්භ කර ඇත.
පොලිස් විශේෂ කාර්ය බළකායේ නිල ඇඳුමට සමාන ඇඳුම් ඇඳගෙන පෙළපාලියක නිරත වූ මෙම සිසුන් පොලිස් විශේෂ කාර්ය බළකායේ නිලධාරීන් භාවිත කරන රෙදි වර්ගයම යොදාගෙන නිල ඇඳුම සකස් කර ඇති බව පැවසේ.
මේ සම්බන්ධයෙන් මෙම නිල ඇඳුම් මැසූ අනුරාධපුරයේ රෙදි සාප්පුවක හිමිකරු පොලිසිය මගින් අත්අඩංගුවට ගෙන ඇත.
නිල ඇඳුම් ඇන්ද සිසුන් සමාජ මාධ්‍යවල (TikTok) පෙනීසිටීම සම්බන්ධයෙන් සිදුකරන ලද විමර්ශන අනුව නිල ඇඳුම් සකස් කළ පුද්ගලයා අත්අඩංගුවට ගෙන තිබේ.
පාසල් ශිෂ්‍ය භටයන් සඳහා අනුමත කළ නිල ඇඳුම් කට්ටල දෙකක් නිර්දේශ කර තිබියදී හමුදාවක හෝ විශේෂ බලකායක නිල ඇඳුමක් පරිහරණයට අවසර දී නොමැති අතර, මෙය වැරදි පූර්වාදර්ශයක් බවත් ඊට වගකිවයුත්තන්ට එරෙහිව නීතිය ක්‍රියාත්මක විය යුතු බවත් උසස් නිලධාරියෙක් පැවසීය.
ශිෂ්‍ය භටයන් සඳහා සරඹ පෙළපාලි හා පුහුණු කටයුතු වලදී පොයින්ට් 2.2 වර්ගයේ පතුරම් වලින් පමණක් වෙඩි තැබිය හැකි අර්ධ ස්වයංක්‍රීය වෙනම අවියක් නිකුත් කර ඇති අතර මෙම සිසුන් අත්වල ටී56 ගිනි අවි රැගෙන සරඹ පෙළපාලියට සහභාගි වී සිටීම ගැටලුවක් බවත් ඔහු කීය.
ස්වයංක්‍රීය ගිනි අවියක් ලබාදිය යුත්තේ පූර්ණ සංග්‍රාමික පුහුණුව ලත් ආරක්ෂක අංශයේ නිලධාරියෙකුට බවත් එම අවි පාසල් සිසුන්ට ලබාදුන්නේ කාගේ වුවමනාවකටද යන්න විමසා බැලිය යුතු බවත් ඔහු පැවසීය.
සිද්ධිය සම්බන්ධයෙන් ගම්පහ මූලස්ථාන ප්‍රධාන පොලිස් පරීක්ෂක මොහාන් ද සිල්වාගෙන් කළ විමසීමේදී ඔහු කියාසිටියේ සිසුන් භාරයේ තිබූ නිල ඇඳුම් පොලිස් භාරයට ගත් බවත් කිහිපදෙනෙකුගෙන් ඊට අදාළ ප්‍රකාශ සටහන් කරගත් බවත්ය.
සිසුන්ට ගිනිඅවි ලබාදීම නීත්‍යනුකූලව සිදුකර ඇති බවත් එම ගිනිඅවි නිෂ්ක්‍රීය කර පොලිස් නිලධාරියෙකුගේ අධීක්ෂණය යටතේ සරඹ සංදර්ශනය සඳහා ලබාදීමට පියවර ගෙන ඇති බවත් හෙතෙම පැවසීය.
මේ සම්බන්ධයෙන් පොලිස් විශේෂ කාර්ය බළකායේ අණදෙන නිලධාරි නියෝජ්‍ය පොලිස්පති වරුණ ජයසුන්දරගෙන් විමසිමේදී ඔහු කියාසිටියේ පොලිස් විශේෂ කාර්ය බළකා කැලෑ නිල ඇඳුම 1983 බ්‍රිතාන්‍ය හමුදාව විසින් පොලිස් විශේෂ කාර්ය බළකායට පුහුණුව ලබාදීමේදී ලබාදුන් එකක් බවත් ලෝකයේ බ්‍රිතාන්‍ය හමුදාවේ SAS හමුදා කාණ්ඩයට අමතරව එම නිල ඇඳුම අඳින අනෙක් කණ්ඩායම පොලිස් විශේෂ කාර්ය බළකාය පමණක් බවත්ය.
මෙම නිල ඇඳුමට ඉතා ගෞරව කරන බවත් යම් නිලධාරියෙකුට වසරකට නිල ඇඳුම් දෙකක් ලබාදෙන අතර යම් ඇඳුමක් පරිහරණයෙන් ඉවත් කරනවා නම් එය විශේෂ කාර්ය බළකා මූලස්ථානයට ලැබීමට සලස්වා කතුරකින් කපා ගිනි තබා විනාශ කිරීමට පියවර ගන්නා බවත් හෙතෙම කීවේය.
මෙවැනි නිල ඇඳුම් පිටස්තර පුද්ගලයින් අතට පත් වුවහොත් එමගින් ආරක්ෂක අංශ නොමඟ යවා යම් අපරාධයක් හෝ වෙනත් අකටයුත්තක් සිදුවිය හැකි බවත් එම නිසා මේ සිද්ධිය සම්බන්ධයෙන් උපරිම නීතිය ක්‍රියාත්මක කරන ලෙස තමා පොලිස්පතිවරයා දැනුවත් කළ බවත් හෙතෙම වැඩිදුරටත් කියාසිටියේය.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…