14 හැවිරිදි වියේ පසුවන චමෝදි ප්‍රබෝදා එංගලන්ත වයස අවුරුදු 19න් පහළ කාන්තා කණ්ඩායම හමුවේ විශිෂ්ට පන්දු යැවීමක නිතරවෙමින් ශ්‍රී ලංකා කාන්තා කණ්ඩායම ජයග්‍රහණය කරා රැගෙන යන ලදී.
ගාල්ල ක්‍රිකට් ක්‍රිඩාංගණයේදී පැවැති තරගයේ පළමුව,පන්දුවට පහරදුන් ශ්‍රී ලංකා යොවුන් කාන්තා කණ්ඩායම පන්දුවාර 48යි පන්දු 04ක් තුළ ලකුණු 226කට දැවීගියේය.
අනතුරුව පිළිතුරු ඉනිම ක්‍රීඩා කිරීමට පිටියට පිවිසි එංගලන්ත යොවුන් කාන්තා කණ්ඩායම පන්දුවාර 23යි පන්දු 03කදී ලකුණු 118කට දවාගත්තේ 14 හැවිරිදි චමෝදිගේ විශිෂ්ට පන්දු යොමුව හමුවේය.
ඇය පන්දුවාර 09යි පන්දු 03ක් තුළ ලකුණු 42ක් ලබාදී කඩුලු 05ක් බිඳහෙළූ අතර දෙව්මි විහන්ගාද කඩුලු 04ක් දවාළීමට සමත්වූවාය.
මෙම තරගාවලියේදී කැපීපෙනෙන දක්ෂතා දැක්වූ යොවුන් ක්‍රීඩිකාවන් කිහිප දෙනෙකු සිටි අතර, එක් සුවිශේෂී ‘පුංචි’ ක්‍රීඩිකාවක කෙරෙහි ශ්‍රී ලංකා ක්‍රිකට් ලෝලීන්ගේ මෙන් ම සමාජ මාධ්‍ය පරිශීලකයින්ගේ ද අවධානය යොමු වී තිබිණි.
ඒ, තවමත් වයස අවුරුදු 14ක පසු වන මොනරාගලින් බිහි වූ දක්ෂ ක්‍රීඩිකාවක දෙස ය.
තුන්කොන් ක්‍රිකට් තරගාවලියේ තරග 4කට ක්‍රීඩා කළ වමතින් පිට දඟ පන්දු යවන ඇය, කඩුලු දෙකක් දවා ගත්තා ය.
තවමත් වයස අවුරුදු 14ක පසු වන චමුදි ප්‍රබෝධා අනාගතයේදී දක්ෂ ක්‍රීඩිකාවක වනු ඇතැයි ශ්‍රී ලංකා ක්‍රිකට් ආයතනයේ බලධාරීහු විශ්වාසය පළ කරති.
රී ලංකාවේ ක්‍රිකට් ලෝලීන්ගේ සහ සමාජ මාධ්‍ය පරිශීලකයින්ගේ දැඩි අවධානයකට ලක්වූ මෙම පුංචි ක්‍රිකට් ක්‍රීඩිකාව වයස අවුරුදු 14 වන විට 19න් පහළ කාන්තා කණ්ඩායම නියෝජනය කිරීමට තරම් දක්ෂ මෙන් ම වාසනාවන්ත වූවා ය.
ඒ, දක්ෂතාව සහ වාසනාව පිටුපස ඇගේ දෙමාපියන් පවසන පරිදි ‘දුෂ්කර ගමනක කතාවක්’ තිබේ.
එම දුෂ්කර කතාව දැන ගැනීමට ඇගේ මව වන අනෝමා නිශාන්ති සම්බන්ධ කර ගැනීමට බීබීසී සිංහල සේවයට හැකි විය.
ඇය පැවසූ පරිදි ඇය මෙන් ම චමුදිගේ පියා ද දෛනික කුලී වැඩවල නිරත වෙමින් එදිනෙදා ජීවිතය ගත කරන අතර, උසස් පෙළ විභාගයට පෙනී සිටි දියණියක් ද, 2 ශ්‍රේණියේ ඉගෙනුම ලබන පුතෙක් ද ඔවුන්ට සිටිති.
කොළඹ සිට කිලෝමීටර් 300කට අධික දුරින් පිහිටි මොනරාගල සිට කිලෝමීටර් 12ක් පමණ ඈතින් පිහිටි කුඹුක්කන නමැති ගම් ප්‍රදේශයේ ජීවත් වන චමුදි ප්‍රබෝධා ඉගෙනුම ලබන්නේ, මොනරාගල පඤ්ඤානන්ද මහා විද්‍යාලයේ ය.
ඇය තවමත් 10 වන ශ්‍රේණියේ ඉගෙනුම ලබන අතර, අධ්‍යාපන වැඩ කටයුතු ද සාර්ථකව කරගෙන යන බව මව පැවසීය.
චමුදි ප්‍රබෝධාට කෙටි කලක් තුළ 19න් පහළ කාන්තා ජාතික කණ්ඩායම නියෝජනය කිරීමට වරම් ලැබුණේ, අහම්බයකින් ලැබුණු අවස්ථාවකින් බව ඇගේ මව පැවසුවා ය.
“දුවගේ ඉස්කෝලේ ක්‍රිකට් පුහුණුවීම්වලට පැති විකට්ටුවක් හැදුවා. ඒක විවෘත කරන දවසේ පන්දු යවන්න මගේ දුවටත් අවස්ථාව ලැබුණා. ඒක විවෘත කරන්න ආවෙ, පාසල් ක්‍රිකට් කැඳවුම්කාරිය විදිහට වැඩ කරන අප්සාරි තිලකරත්න මැඩම්. මගේ දුව පන්දු යවන හැටි දැකලා ඒ මැඩම් තමයි, දුවට මේ තරම් දුර ගමනක් යන්න අවස්ථාව සලසලා දුන්නේ. ඊට පස්සේ දුව ඉස්කෝලේ ක්‍රිකට් පුහුණු කරවපු සර් යටතේ පුහුණු වුණා. ඊට පස්සේ තවත් පුහුණුකරුවන් යටතේ පුහුණුව ලැබුවා. අප්සාරි මැඩම්ගේ මැදිහත් වීමෙන් ඒ සර්ට මාසිකව මුදලක් පවා ලැබෙන්න සැලැස්සුවා. ඒ උපකාර නිසා තමයි දුවට මේ අවස්ථාව හිමි වුණේ,” චමුදිගේ මව පැවසීය.
ඒ අතරතුර, චමුදිගේ මුල් පුහුණුකරුවාට පාසලෙන් ඉවත් වීමට සිදු වූ බව ඇය ප්‍රකාශ කළා ය.
“දුවගේ පුහුණුකරු විදිහට වැඩ කරපු සර් හොඳ නෑ කියලා දෙමාපියන් කට්ටියක් එකතු වෙලා ඒ සර්ව අයින් කළා. ඒක මගේ දුවට ලොකු පාඩුවක්. දැන් දුව ඒ සර්ගෙන් පුහුණුව ලබන්න වෙන පිට්ටනියකට යනවා. ඒ නිසා මම දුව ඉස්කෝලෙන් අයින් කරන්න හිතාගෙන ඉන්නේ. දුවට තැන් දෙකකට යන්න අමාරු යි. ඒත් දුවව අස් කර ගන්නත් ඉඩ දෙන්නෙ නෑ.”
චමුදි ප්‍රබෝධා වෙනුවෙන් දැරිය යුතු වියදම් සොයා ගැනීමට තමන් සතුව තිබූ ඉඩමක් ද විකිණීමට සිදුවූ බව ඇගේ මව පැවසුවා ය.
“අපි දැනට මේක අමාරුවෙන් කරගෙන යනවා. දුවගේ අනාගතය වෙනුවෙන් කරන්න තියෙන දේවල් අපි කරනවා. මේ දේවල් කරගෙන යන්න කාගෙන් හරි උපකාරයක් ලැබෙනවා නම් ලොකු සහනයක් අපිට. තාමත් දුව පාවිච්චි කරන්නේ ඉස්කෝලෙන් ලැබුණ ක්‍රිකට් බඩු ටික. අපි හිතාගෙන ඉන්නවා අලුත් බඩු ටිකක් අරන් දෙන්න. ඇත්තට ම පාසල, අප්සාරි මැඩම් ඇතුළු ගොඩක් අයගේ උපකාර නිසා තමයි මගේ දුව මෙතනට ආවෙ. ඒ ගැන සියලු දෙනාට ස්තුති කරන්න කැමතියි.”
“දුව හොඳට ඉගෙනීමේ කටයුතුත් කරගෙන ගියා. පහුගිය අවුරුද්දේ නම් එයාට පාඩම් වැඩ ටිකක් මග ඇරුණා. ඒත් එයා කැමතියි ඉගෙන ගන්නත්. එයාට ඉගෙනීමත්, ක්‍රීඩාවත් දෙක ම සාර්ථකව කරගෙන යන්න අපි පුළුවන් විදිහට උදව් කරනවා. දුවගේ අදහස කාන්තා ජාතික කණ්ඩායමට ක්‍රීඩා කරන එක තමයි,” චමුදිගේ මව අපේක්ෂාසහගත ස්වරයකින් පැවසීය.
කුලියාපිටිය කාර්මික විද්‍යාලයේ පළමු වසරේ සිසුවියක් නවකවධය දරාගත නොහැකිව වැවකට පැන සියදිවි නසාගැනීමට උත්සාහ කර…
අධ්‍යාපන ඩිජිටල් පරිවර්තනය සඳහා වූ කාර්ය සාධක බලකායක් ස්ථාපිත කිරීමට කැබිනට් අනුමැතිය ලැබී ඇති බව…
ජනාධිපතිවරණය ප්‍රකාශයට පත් කිරීමෙන් පසු සුරා බදු පනතට පටහැනි අන්දමින් නව මත්පැන් බලපත්‍ර නිකුත් කිරීම…
ප්‍රමිතියෙන් තොර හියුමන් ඉමියුනොග්ලොබියුලින් ප්‍රතිදේහ එන්නත් මිලදී ගැනීමේ සිද්ධිය සම්බන්ධයෙන් හිටපු සෞඛ්‍ය අමාත්‍ය කෙහෙළිය රඹුක්වැල්ල…
අමාත්‍ය මණ්ඩල සංශෝධනයක් හෝ අග්‍රාමාත්‍ය ධුරයේ වෙනස්වීමක් පිළිබඳව කිසිම අවස්ථාවක ආණ්ඩුව තුළ සාකච්ඡාවක් සිදුකර නොමැති…
හිටපු අමාත්‍ය ඩලස්ගේ වට්ස්ඇප් ගිණුම වෙනත් අයෙකු විසින් හැක් කර ඇති බව වාර්තා වේ. අනතුරුව…