ජනාධිපති රනිල් වික්‍රමසිංහ අලියා හෝ පොහොට්ටුව යන ලකුණු හැර සම්පූර්ණයෙන්ම අලුත් ලකුණකින් ජනාධිපතිවරණයට ඉදිරිපත් වීමට ඉඩ ඇති බව ජනාධිපති ජ්‍යෙෂ්ඨ උපදේශක මහාචාර්ය ආශු මාරසිංහ පවසයි.
ජනාධිපති වික්‍රමසිංහ ජාතික අපේක්ෂකයකු ලෙස පක්ෂ ගණනාවක් නියෝජනය කරනු ඇති බව මහාචාර්ය මාරසිංහ මාධ්‍යවේදීන් හමුවේ ප්‍රකාශ කර තිබේ.
“අලියා ලකුණින් ජනාධිපතිවරණයට ඉදිරිපත් වුණොත් වික්‍රමසිංහට සහය දීම සම්බන්ධයෙන් තමා ඇතුළු බොහෝ දෙනෙකුට ප්‍රශ්නයක් තිබෙන බව ප්‍රසන්න රණතුංග ඇමැතිවරයා වැනි අය කියා තිබෙනවා. ඒ වගේම එක්සත් ජාතික පක්ෂයේ අපිටත් ප්‍රශ්නයක් තියෙනවා එතුමා පොහොට්ටුවෙන් තරග කිරීම ගැන. ඒ නිසා ජනාධිපති රනිල් වික්‍රමසිංහ අලුත් ලකුණකින් තරග කරන්න බලාපොරොත්තු වෙනවා.”
යනුවෙන් ඔහු ප්‍රකාශ කර ඇත.
ඉදිරි ජනාධිපතිවරණයේදී සමගි ජන බලවේගයේ සියයට 80කට වැඩි පිරිසක් ජනාධිපති රනිල් වික්‍රමසිංහට සහය පළ කරන බවද ඔහු පැවසීය.
“සමගි ජන බලවේගය සහ එක්සත් ජාතික පක්ෂයේයන දෙකම එකතු විය යුතු බවට සමගි ජන බලවේගයේ පාර්ලිමේන්තු මන්ත්‍රී තලතා අතුකෝරල ඉදිරිපත් කළ යෝජනාව අපි සාදරයෙන් පිළිගන්නවා. එවැනි පියවරකට එරෙහිව සමගි ජන බලවේගයේ නායක සජිත් ප්‍රේමදාස තීරණය කළත් සමගි ජන බලවේගයේ අනෙකුත් අය ජනාධිපති රනිල් වික්‍රමසිංහට සහාය දෙයි කියලා අපි අපේක්ෂා කරනවා,”
යැයි ඔහු පැවසීය.
එමෙන්ම ආණ්ඩුක්‍රම ව්‍යවස්ථාවට අනුව ජනාධිපතිවරණය සහ මහ මැතිවරණය යන දෙකම එකම දිනයක පැවැත්වීමට නොහැකි බවද ඔහු පවසයි.
කොතලාවල ආරක්ෂක විශ්වවිද්‍යාලයේ වෛද්‍ය පීඨයට දේශීය සිසුන් ඇතුළත් කර ගැනීම සඳහා පනවා ඇති තහනම් තාවකාලික…
ශ්‍රීලන්කන් ගුවන් සේවයට එකතු වෙන එයාර් බස් A330 - 200 නවතම ගුවන් යානය මීට සුළු…
පහ වසර ශිෂ්‍යත්ව විභාගය අහෝසි කිරීමට රජය මෙතෙක් තීරණය කර නොමැති බව අග්‍රාමාත්‍ය හරිනි අමරසූරිය…
දකුණු කොරියානු ජනාධිපතිවරණයෙන් ජයග්‍රහණය කළ ලී ජේ-මියුන්ග් ජනාධිපතිවරයා ලෙස අද දිවුරුම් දී ඇති බව විදෙස්…
පිළියන්දල බෝකුන්දර ප්‍රදේශයේ ගින්නක් හට ගෙන ඇති බව වාර්තා වේ. කොළඹ පිළියන්ල මාර්ගයේ බෝකුන්දර ප්‍රදේශයේ…
ලොව වඩාත් ජනප්‍රියම සහ තරගකාරී ලීග් ක්‍රිකට් තරග මාලාව වන, ඉන්දියන් ප්‍රීමියර් ලීග් 2025 තරගාවලිය…