රුපියල් 1900කට කොත්තු රොටියක් විකිණීමට ගොස් එය ප්‍රතික්ෂේප කළ විදේශිකයෙකුට බැණ වැදී පහත් ලෙස පළවා හරින තුට්ටු දෙකේ චණ්ඩියා පොලිස් අත් අඩංගුවට ගෙන තිබේ.
Emeka Iwueze නැමැති මෙම අමරිකානු ජාතිකයා විසින් ලංකාවේ සංචාරක අත්දැකීම් සම්බන්ධ වීඩියෝවක් පටිගත කරමින් කෙසෙල්වත්ත පොලිස් වසමේ අලුත්කඩේ ප්‍රදේශයේ Street Foods අලෙවි සලකට ගිය අවස්ථාවේ දී ඔහු මෙම පීඩාකාරී අත්දැකීමට මුහුණ දෙන්නේය.
අදාළ පුද්ගලයාගේ මැර හැසිරීම සමාජ මාධ්‍ය ජාලාවල ප්‍රචාරය වූයේ දුටුවන් ලජ්ජාවට පත් කරමිනි.
සංචාරක කර්මාන්තයෙන් ගොඩ එන්නට සැලසුම් කරන රටක මේ ජාතියේ ගොබ්බයින් කරන්නේ රටටම මහත් විනාශයක් බවට වූ සමාජ කථිකාව නිර්මාණය වූයේ මීට දින කීපයකට පෙර කළුතර දී විදේශිකයෙකුගෙන් උළුඳු වඩේකට සහ ප්ලේන්ටියකට රුපියල් දහසක් ඉල්ලා රටම කළු කළ ගොං වෙළෙන්දාගෙන් පසු දුටු මේ වීඩියෝවත් සමගය.
කෙසේ වෙතත් මේ වනවිට ඒම පුද්ගලයා විදේශිකයාට බැණ තර්ජනය කිරීම සම්බන්ධව පොලිසිය විසින් අත් අඩංගුවට ගෙන ඇත.
එසේ අත් අඩංගුවට ගෙන තිබුණේ කොළඹ 12 ප්‍රදේශයේ පදිංචි 51 හැවිරිදි පුද්ගලයෙකි. අත් අඩංගුවට ගත් පුද්ගලයා හෙට (17) අලුත්කඩේ මහේස්ත්‍රාත් අධිකරණයට ඉදිරිපත් කිරීමට නියමිතය.
සිද්ධිය සම්බන්ධව කෙසෙල්වත්ත පොලිසිය වැඩිදුර පරීක්ෂණ පවත්වයි.
සිදුවීමට අදාලව EMEKA IWUEZE නාලිකාවේ පලකල වීඩියෝව පහත දැක්වේ.
මීමුරේ කරඹකැටිය ප්‍රදේශයේ අද සවස වෑන් රථයක් පෙරළීමෙන් සිදුවූ අනතුරින් පුද්ගලයන් තිදෙනෙකු මියගොස් ඇති බව…
රාජ්‍ය බුද්ධි සේවයේ හිටපු අධ්‍යක්ෂ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන පොලිස් සේවයෙන් පහ කිරීමට ජාතික…
තලවතුගොඩ ප්‍රදේශයේ සමාජ ශාලාවක් අසල අද (19) අලුයම සිදුකළ වෙඩි තැබීමේ සිද්ධිය සම්බන්ධයෙන් අත්අඩංගුවට ගත්…
කෙතරම් විරෝධතා සහ බාධක පැමිණිය ද වැව් රක්ෂිතවල අනවසර ඉදිකිරීම් සියල්ල ඉවත් කරන බව කෘෂිකර්ම,…
යූකැලිප්ටිස් වර්ගයේ ගසක අත්තක් හිස මතට කඩා වැටීමෙන් (19) දින උදෑසන 10:00ට පමණ පුද්ගලයෙකු එම…
කටුනායක ගුවන්තොටුපොළ කලාපය තුළ සරුංගල් යැවීමෙන් වළකින ලෙස ගුවන්තොටුපොළ කළමනාකරණ අංශ ප්‍රධානී අරුණ රාජපක්ෂ ජනතාවගෙන්…