සූරියවැව හත්පහ ප්‍රදේශයේ කුළියට ලබා ගත් ගොඩනැගිල්ලක අන්‍යාගමික යාඥා මධ්‍යස්ථානයක් ආරම්භ කිරීමට විරෝධය පළ කරමින් සූරියවැව විහාරාධිපති හිමිවරුන්ගේ සංගමයේ හිමිවරු පිරිසක් අද (21) පෙරවරුවේ සූරියවැව පොලිසියට පැමිණිල්ලක් ඉදිරිපත් කළ බව සූරියවැව පොලිසිය පවසයි.
සූරියවැව විහාරාධිපති හිමිවරුන්ගේ සංගමයේ සභාපති හිමියන්, සාසනාරක්ෂක බළ මණ්ඩලයේ ලේඛකාධිකාරි හිමියන් ඇතුළු සූරියවැව ප්‍රාදේශීය ලේකම් බල ප්‍රදේශයේ පිහිටි ග්‍රාම නිළධාරී වසම් 21 තුළ පිහිටි විහාරස්ථානවල විහාරාධිපති හිමිවරුන් ඇතුළු පිරිසක් මෙලෙස පොලිස් ස්ථානයට පැමිණි මෙම පැමිණිල්ල ඉදිරිපත් කර තිබේ.
මෙම පැමිණිල්ල ඉදිරිපත් කිරිමට පැමිණි භික්ෂූන් වහන්සේ පැවසුවේ මෙතෙක් කලක් කිසිදු ආගමික ගැටලුවකින් තොරව සූරියවැව ජනතාව සාමකාමිව සිටි බවය.
හදිසියේම මෙලෙස බෞද්ධ ජනතාවක් සිටින මෙවැනි ප්‍රදේශයක අන්‍යාගමික යාඥා මධ්‍යස්ථානයක් ආරම්භ කිරීමෙන් ජනතාව අතර මෙතෙක් පැවති සමගිය හා සාමය බිඳවැටිය හැකි බවය.
පාස්කු ප්‍රහාරයට වසර 05ක් පිරිම නිමිති කරගෙන සූරියවැව මෙම යාඥා මධ්‍යස්ථානය විවෘත කිරීමට කටයුතු යොදා තිබියදි ප්‍රදේශයේ මහා සංඝයා මෙලෙස ඊට විරෝධය පළ කර පොලිසියට පැමිණිල්ලක ඉදිරිපත් කෙරුණි.
පොලිසියට ලද පැමිණිල්ලට අනුව දෙපාර්ශවය පොලිසීයට ගෙන්වා විභාග කරන තෙක් අදාල යාඥා මධ්‍යස්ථානය වසා දැමිමට පොලිසිය කටයුතු කර තිබේ.
සිද්ධිය සම්බන්ධයෙන් සූරියවැව පොලිසිය වැඩිදුර විමර්ශන පවත්වයි.
මෙවර අයවැය මඟින් වෙන් කළ මූල්‍ය ප්‍රතිපාදන යටතේ නාගරික සංවර්ධන, ඉදිකිරිම් සහ නිවාස අමාත්‍යාංශය විසින්…
රජය විසින් පාර්ලිමේන්තුවට ඉදිරිපත් කර තිබෙන විදුලිබල පනත් කෙටුම් පතේ ඇතැම් වගන්ති ආණ්ඩුක්‍රම ව්‍යවස්ථාවට පටහැනි…
කතාබහට ලක්ව තිබෙන බහාලුම් 323 මුදාහැරීම ගැන ප්‍රකාශ ලබාදීම සඳහා පාර්ලිමේන්තු මන්ත්‍රී දයාසිරි ජයසේකර අද…
විදේශ ගතව සිටින කෙහෙල්බද්දර පද්මේ නමැති ප්‍රබල මත්ද්‍රව්‍ය ජාවාරම්කරුට විදේශ ගමන් බලපත්‍ර 2ක් සකස්කිරීමේ සිද්ධිය…
ගාසා තීරයේ සටන් විරාමයක් සඳහා එක්සත් ජාතීන්ගේ ආරක්ෂක මණ්ඩලය විසින් ඉදිරිපත් කරන ලද යෝජනාවක් එක්සත්…
වව්නියාව, කොක්එළිය ප්‍රදේශයේ නිවසක ගෙවත්තකට ඊයේ (5) අඩි 09ක් පමණ දිගැති කිඹුලෙකු පැමිණ තිබේ. වවුනියාව…